Nahum 1:7 - De Beebaa Dabu

⁷ Tagi Maolunga e danuaa, gai e bei de buibui i de masavaa hai ngadaa. Ia e iloo gilaadeu e hagadonusia ia,

Nahum 1:7 Iomraidhean Croise

1 Chronicles 16:34

Hagaahe ange de abodonu gi Tagi Maolunga, go hiidinga ia e danuaa; dono abodonu e dee helui ga hano ai.

1 Chronicles 5:20

Gai gilaadeu ne kave dahi bale ga hagadee kii de gau Hagar, ma henua alodahi ne hagabuni ange laa gi Hagar, go hiidinga gilaadeu ne dalodalo ange gi de Maadua i de masavaa o de hebagi, gai ia ne basa ange gi delaadeu dangidangi, i hiidinga gilaadeu ne hagadonu ia.

2 Chronicles 13:18

Deelaa ai, denga daane o Israel tee kii i de laangi laa; gu kii denga daane o Judah, go hiidinga delaadeu tali go Tagi Maolunga, de Maadua o olaadeu dubuna madagidagi.

2 Chronicles 32:11

Hezekiah e daahanga goodou, ia e dugu naa donu huu goodou gi maakau i doodou hiikai ma de hieunu, i dana hai adu gi goodou, ‘Tagi Maolunga taadeu Maadua e hagaola naa donu gidaadeu mai i de hodooligi o Assyria.’

2 Chronicles 32:21

Gai Tagi Maolunga ne hai gi humai dahi dangada de langi gi daia gi maakau denga daane hebagi alodahi ma denga dagi, aama dagi o de hebagi i de mommee nnoho gaainga o de hodooligi o Assyria. Gai ia ne ahe ga hano gi dono henua gu dogaa. Gai de masavaa oona ne hano ai gi lo te hale daumaha o dono diinonga, gai ana dama daane ga daa ia gu magau i de gadilaasa.

2 Chronicles 32:8

Dono bale go mahi o dangada, aagai taadeu bale go Tagi Maolunga taadeu Maadua, gai go ia e balea mai gidaadeu ga hebagi ai.” Gai dangada gu lodo mmahi i hiidinga muna a Hezekiah, de hodooligi o Judah.

Ezra 3:11

Gai gilaadeu ne daahili ga tuhi ga hagaahe ange de abodonu gi Tagi Maolunga, “Ia e danuaa; dono abodonu ange gi Israel e dee helui donu ga hano ai.” Gai dangada alodahi ga hevaalogi i de leo mmahi ga tuhi ma de hagaahe ange de abodonu gi Tagi Maolunga, go hiidinga tagelo o de hale o Tagi Maolunga gu lava i de hagadagodo.

Psalm 1:6

Gai Tagi Maolunga e dagitilo haiava o olaadeu e heohi, aagai haiava o de gau baubau e duu ange donu gi de magau.

Psalm 100:5

Go hiidinga Tagi Maolunga e danuaa; dono abodonu e dagodo ga hano ai, gai ia e hai hegau i de mee abodonu ange gi denga atangada alodahi.

Psalm 20:1

Tagi Maolunga gi balea adu goe i doo duasala; de ingoo o de Maadua o Jacob gi buibuia goe!

Psalm 25:8

Tagi Maolunga e danuaa gai e heohi; deelaa ai, ia e agoago ange dono haiava gi gilaadeu e haisala.

Psalm 27:5

Gai ia e buibui naa donu au i dono mommee noho i de masavaa hai ngadaa; ia e hagammuni au i lo tono hale malo, ma de dugu age au i honga de baba maolunga.

Psalm 37:39

De hagaola o de gau heohi e humai i daho Tagi Maolunga; gai go ia delaadeu mommee buibui makaga i de masavaa hai ngadaa.

Psalm 37:40

Tagi Maolunga e bale ange ma de hagaola gilaadeu; ia e hagaola mai gilaadeu i de gau baubau ma de hagamouli gilaadeu, i hiidinga gilaadeu e hai ia go delaadeu buibui.

Psalm 46:2

Deelaa ai, gimaadeu e dee maatagu donu, e dee galemu donu de ngalue o de henua, gai denga mounga e tili ange gi lo te moana,

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 59:16

Aagai au e daahili naa e tuhi oo mmahi; au e oo naa i taiao ga daahili i hiidinga doo abodonu. I hiidinga go koe dogu mommee buibui makaga, gai go dogu buibui i de masavaa hai ngadaa.

Psalm 71:3

Go koe de baba makaga oogu e buibui ai, go de mommee oogu e maua i de hano aagena i masavaa alodahi; koe gu hagadaba bolo au gi hagaola ina mai au, gai go koe dogu baba ma dogu mommee buibui makaga.

Psalm 86:7

Au e hagahi goe i laangi oogu e duasala ai, gai koe e basa mai gi de au.

Psalm 9:10

Gilaadeu e iloo doo ingoo e hagadonusia goe; Tagi Maolunga, koe tee tili donu gilaadeu e saalaa goe.

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Jeremiah 17:17

Aude hagamadagu ina ngau; go koe donu dogu muuninga i de masavaa hai ngadaa.

Jeremiah 24:5

“E hagadaba Tagi Maolunga, de Maadua o Israel: Gai e bei denga fig danuaa nei, au e hagabinga bolo dangada gu gaavee gee laa i Judah e danuaa, go gilaadeu aagu gu hai gi hulo gee mai i de mommee nei, gi de henua o de gau Babylon.

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.

Lamentations 3:25

Tagi Maolunga e abodonu ange gi gilaadeu e daalia ange ia, ma tangada e saalaa ia.

Daniel 3:28

Gai Nebuchadnezzar ga hagadaba, “Duuhia de Maadua o Shadrak, ma Meshak, aama Abednego, go de ia ne haia gi humai dono dangada de langi gi hagaola ina ono dangada hai hegau. Gilaadeu ne hagadonusia ia, ma tee daudali i muna a de hodooligi, gai ne dugu ange olaadeu angaanga e dudu i de ahi; gilaadeu tee hai hegau ange aabe ne daumaha ange gi dahi diinonga daudahi, aagai go delaadeu Maadua donu huu.

Daniel 6:23

Gai de hodooligi gu malangilangi mmao, ga hagadaba bolo gi daangia age Daniel i lo te haonga laa. De masavaa alaadeu ne dada age ai Daniel i lo te haonga laa, gai teai donu se mommee daudahi ne lagohia i dono angaanga, go hiidinga ia ne hagadonusia dono Maadua.

Joel 3:16

Tagi Maolunga e haganngolo mai i Zion, gai e hai gi paa mai de hatuli i Jerusalem; de langi ma henua i lalo e ngalungaalue naa. Aagai Tagi Maolunga go de buibui o ono dangada, gai ia se mommee buibui makaga niio de gau Israel.

Zephaniah 3:12

Aagai au e dugu naa i oo daha gilaadeu e duasala ma de hagaau aloha, go gilaadeu e hagadonusia de ingoo o Tagi Maolunga.

Matthew 27:43

Ia e gai ange gi de Maadua. De Maadua gi hagaola ina ia iainei, noo ia e lodo, i hiidinga ia gu hagadaba, ‘Go au Tama Daane a de Maadua.’ ”

Matthew 7:23

Aagai au e hai ange naa gi gilaadeu, ‘Au e dee iloo donu goodou. Goodou hulo gee mai i ogu daha, goodou ni dangada e haia de baubau!’

John 10:14

Go au donu tangada hagaloosi ssiibi danuaa; au e iloo agu ssiibi, gai agu ssiibi e iloo donu au,

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.

Romans 11:22

Deenei ai, galo ange diiloo dagodo o de abodonu ma de hagamaatagu o de Maadua: ia e hagamadagu ange gi gilaadeu gu tuu ma gu too, aagai e abodonu adu gi de goe, noo koe e duudagi de noho i lalo dono abodonu. Gai noo e deai, gai koe e tuu donu hogi ga doo.

Galatians 4:9

Gai iainei goodou gu iloo de Maadua, gai de Maadua gu iloo goodou; gai gu aha gu aahe ange ai naa goodou e hai hegau ange gi denga hagasaalunga baageaa o henua i lalo nei e deai laa olaadeu haigamaiana? Goodou gu llodo naa donu e hai gi ni dangada hai hegau niiolaadeu?

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”