Nahum 1:3 - De Beebaa Dabu

³ Tagi Maolunga e dee moolau de lili, aagai e mmahi mmao, Tagi Maolunga e hagaduasala donu tangada gu haisala laa. Ana hegau e gidee i lo te ssio ma de madangi mmahi, gai denga giliiga go de mama o luoono vae.

Nahum 1:3 Iomraidhean Croise

2 Samuel 22:10

Ia e hai gi baa iho de langi, gai ia ga iho ai; denga hagausinga maadolu i lalo luoono vae.

Nehemiah 9:17

Gilaadeu tee llodo e hagallongo adu, gai tee hagamaanadu i denga hegau hagalele mouli aau ne hai i olaadeu daha, aagai ne hagamakaga olaadeu lodo ga hili dahi dagi e aahe ai gi de mommee olaadeu ne hagahai hegau ina ai i Egypt. Aagai koe se Maadua e degi, ma de abodonu aama de lodo aloha mmao, e dee moolau de lili gai e honu i de aloha; koe tee tili donu gilaadeu.

De Beebaa go Job 10:14

noo au gu haisala, gai koe e dagitilo au, koe e dee degi mai donu gi ogu baubau.

De Beebaa go Job 38:1

Gai Tagi Maolunga ne basa mai gi a Job i lo te sio, ga hai ange:

De Beebaa go Job 9:4

Dono heiangi e gelo, ono mmahi e mmahi mmao; goai gu maua i de hai baasi ange gi de ia ma gu kii?

Psalm 103:8

Tagi Maolunga e lodo aloha ma de degi, ia e dee moolau dono lili, gai e abodonu mmao.

Psalm 104:3

ma de hagatau dogai o dono aabi i lunga i honga denga vai. Ia ne hai dono hada hebagi i denga giliiga, gai ne gage i honga luu bakau o de madangi.

Psalm 145:8

Tagi Maolunga e degi ma de lodo aloha, gai e dee moolau de lili gai e honu i de abodonu.

Psalm 147:5

Taadeu Ia Aamua e maolunga ma de mmahi mmao; gai dono donu ange e dee maua i de haide.

Psalm 50:3

Taadeu Maadua e humai, gai ia e dee noho naa donu huu ga dee muu; de ahi e dudu mee alodahi i ono mada i mua, gai de madangi mmahi e ssau ma e duuli ai ia.

Psalm 62:11

De Maadua gu tala muna i dahi hanonga; gai au gu langona ana muna i de lua hanonga: bolo koe, de Maadua, e mmahi mmao,

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Isaiah 29:6

gai Tagi o denga hagabuulinga hebagi e humai naa bei de hatuli ma de ngalungalue o de henua ma de leo mmahi, madali denga ssio ma de madangi aama de ahi e dudu ai mee alodahi.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Jeremiah 4:13

Tilo, ia e hanage bei dagodo o hagausinga, ono hada hebagi e bei dagodo o ssio; gai ana hoosa e kemo ange i denga igele. E vakaa naa gidaadeu! Gidaadeu e maakau naa donu!

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Hosea 8:7

Gilaadeu ne doo de madangi, gai e hagihagi naa hua o ssio. Alaadeu grain e deai olaadeu hua, gai e dee maua i de hai ai pelaoaa. Gai noo e hanu olaadeu hua grain, gai de gau henua gee e loomai naa ga kave.

Joel 2:13

Hagaagona mai de daemaha abodonu oodou lodo, e dee go de saesae donu huu oodou malo. Gai aahe mai gi Tagi Maolunga doodou Maadua, go hiidinga ia e abodonu ma de lodo aloha. Ia e dee moolau de lili, gai e honu i de lodo aloha, gai ia ga dee gaamai de baubau gu dai humai laa.

Jonah 4:2

Gai ia ne dalodalo ange gi Tagi Maolunga, ga hai ange, “Tagi Maolunga, e dee aanei agu mee ne tala adu gi de goe i dogu masavaa goi noho ai laa i dogu henua? Aalaa donu ogu hiidinga ne hagamoolau ai laa ga hano gi Tarshish. Au e iloo bolo koe se Maadua e degi, ma de lodo aloha, gai e dee moolau de lili, aama de honu i de aloha, gai e moolau de helui oo lodo ga dee ssui ange de baubau.

Zechariah 9:14

Gai Tagi Maolunga e hagasula mai naa i honga ono dangada, gai tao o dana mee hholu e gemo bei de uila. De Ia Aamua go Iahweh e ili naa de hanga manu; ia e hano naa e hebagi bei dagodo o ssio e humai laa i ngaage,

Numbers 14:18

‘Tagi Maolunga e dee moolau de lili ma de abodonu, gai e laumalie dono abodonu, ia e degi ange gi baubau ma haisala, aagai ia e dee degi ange donu gi hegau baubau, gai e hagaduasala denga dama i hiidinga haisala olaadeu maadua, ga dae ai loo gi tolu ma de haa atangada.’

Matthew 26:64

Iesu ne hai ange gi de ia, “Koe e hagadaba bolo go au go ia. Aagai au e hai adu gi goodou, dua iainei gai goodou e gidee naa Tama a Tangada e noho i de baasi madau o de Ia Mmahi laa, ma de humai i honga giliiga o de langi.”

James 1:19

Denga daina hagamogomogo, goodou gi iloo de mee nei: dahi ma dahi gi moolau dana hagallongo, aagai gi dee moolau dono basa aabe go dono lili,

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.