Nahum 1:11 - De Beebaa Dabu

¹¹ Nineveh, dahi dangada e humai naa i oo daha, ga hai dahi hagatau baubau e hai baasi ange ai gi Tagi Maolunga, ma de hai denga hagasaele baubau.

Nahum 1:11 Iomraidhean Croise

2 Samuel 20:1

Gai e dahi daane baubau i kilaa, dono ingoo go Sheba, tama daane a Bicri, gai se daane de aamuli o Benjamin. Ia ne ili de hanga manu, ga hagadaba, “Gidaadeu e dee dau ange gi David, gai e deai sedaadeu diba i daho tama a Jesse! Dangada alodahi o Israel, goodou aahe gi oodou hale!”

2 Kings 18:30

Goodou aude dugua ange Hezekiah gi hagabasa ina goodou gi hagadonusia Tagi Maolunga, i dana hai adu, ‘Tagi Maolunga e hagaola naa donu gidaadeu, gai de aduhale nei e dee dugu ange naa donu gi de hodooligi o Assyria gi hagadee kii ina.’

2 Chronicles 13:7

Gai hanu daane baubau ne hagabuni ange gi de ia ga hai baasi ange ai gi Rehoboam, tama daane a Solomon, i de masavaa oona e gauligi ai, gai tigi madua danuaa dana maanadu, aama tee maua i de hebagi ange gi gilaadeu.

Ezekiel 11:2

Gai Tagi Maolunga ne hai mai gi de au, “Tama a tangada, aanei denga daane ne haia dahi hagatau baubau ma de gaavange denga hagasaele baubau gi dangada i de aduhale nei.

Micah 2:1

E vakaa naa dangada e hagatau ina de hai de baubau, ma gilaadeu e haia denga hagasaele baubau i honga olaadeu moenga! Gilaadeu e oho age i de gohugohu ga hai hegau nei, i hiidinga gilaadeu e maua i de hai mee nei.

Nahum 1:9

Alaadeu hagatau alodahi e hai baasi ange ai gi Tagi Maolunga, gai ia e hai naa gi dee ssula; gai e dee lua naa donu hanonga o de hai ngadaa e humai ai.

1 Samuel 2:12

Gai luu dama daane a Eli ni daane baubau; gilaau ne hagangadi mee Tagi Maolunga.