Nahum 1:10 - De Beebaa Dabu

¹⁰ Gilaadeu e vinia naa i magavaa manu daladala, bei de gau ssenga e unumia laa uvaini; gilaadeu e dudu naa donu ga odi, bei denga helii mmasa.

Nahum 1:10 Iomraidhean Croise

2 Samuel 13:28

Gai Absalom ne hai ange gi ono dangada hai hegau, “Goodou dagidiiloo de masavaa o Amnon e unu ai ga senga, gai ga hai adu naa huu au, ‘Daia Amnon gi magau,’ gai goodou ga daa ia gi magau. Gai goodou e dee maatagu donu. E dee go au e hai adu nei goodou gi haia de hegau nei? Goodou gi mmahi ma de lo taane.”

Psalm 118:12

Gilaadeu ne duuli au bei denga lango hai hooni; gilaadeu e moolau de made bei de ahi i lodo manu daladala; au ne hagadee kii gilaadeu i de ingoo o Tagi Maolunga.

Psalm 68:2

Haia gilaadeu gi dee maaleva bei de useahi e ilihia laa ga gaavee i de madangi; gai de gau baubau e maakau naa i mada luu mada o de Maadua, bei dagodo o de candle e vaivai laa i de ahi!

Exodus 15:7

Doo mahamaha laumalie gu hagadee kii gilaadeu e hai baasi adu gi de goe; koe gu haula gilaadeu i doo bole bei dagodo o denga lau grain mmasa.

Exodus 5:12

Deelaa ai, dangada ne hulo ga hagadaga i honga Egypt alodahi ga hagabudu ai denga bulubulu lau mmasa e doe e sui ai denga lau grain mmasa.

Isaiah 27:4

Gai au e dee lili ai naa donu. Mee naa gi hanu manu daladala ma manu duiduia e hai baasi mai gi de au! Gai au ga hebagi ange gi gilaadeu; ga dudu mee nei alodahi i de ahi.

Isaiah 47:14

Tilo, gilaadeu e bei donu denga lau manu mmasa, e dudu laa ga odi i de ahi. Gilaadeu e dee maua i de hagaola gilaadeu mai i de ula o de ahi mmahi. De ahi nei e dee se maga ahi e hagamahanahana ai, gai e dee se ahi e noho tangada i ono gaogao.

Isaiah 5:24

Deenei ai, e bei de ahi ula e dudu ai laa denga helii mmasa gai denga helii mmasa e dudu ga odi i lo te ahi ula, gai olaadeu aga e hulo ga pobo; olaadeu huaala e ilihia e de madangi bei de mama o denga gelegele, go hiidinga gilaadeu gu tili de hainga a Tagi o denga hagabuulinga hebagi, ma de hagangadi mee muna a de Ia Dabu o Israel.

Isaiah 56:12

Gilaadeu e hagataba, “Loomai, gidaadeu ga gaamai uvaini! Gidaadeu ga unu gi ssenga i mee mmahi! Gai daiao gidaadeu ga aahe ange hogi e hai mee mau, aabe e hai gi dubu ange i mee anailaa nei.”

Isaiah 9:18

De baubau e bei dagodo o de ahi e duungia laa mee, gai e dudu denga manu duiduia ma manu daladala, ma de haaula lodo mee muimui, gai dono useahi e buu age laa gi lo te moana i lunga.

Jeremiah 51:39

Aagai de masavaa olaadeu gu ssae ai gai au e hagadabena naa dahi daonga ange gi gilaadeu, ga hai gilaadeu gu ssenga ma de malangilangi — ga dae ai gi delaadeu sseni ga hano ai gilaadeu gu dee alahage ange, go Tagi Maolunga e hagadaba.

Jeremiah 51:57

Gai au e hai naa ono dagi ma ono daane heiangi gi bei dangada gu unu laa ma gu ssenga, ma ono goobenaa, aama dagi o de hebagi, aama ono daane dau i de hebagi; gilaadeu e sseni naa ga hano ai gai e dee aalahage ange naa donu,” go de Hodooligi e hagadaba, dono ingoo go Tagi o denga hagabuulinga hebagi.

Micah 7:4

Tangada danuaa hugadoo e bei de manu duiduia, tangada heohi hugadoo e baubau ange i de buibui o manu daladala. De laangi o oo dangada dagitilo gu baa mai donu, go de laangi o de Maadua e dae mai ai gi de goe. Iainei go de masavaa olaadeu e ssenga ange ai.

Nahum 3:11

Nineveh, koe e unu naa hogi ga senga, koe e hano naa ga mmuni ma de ssala doo mommee e buibui ai i de hagadaumee.

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

1 Samuel 25:36

Gai Abigail ne ahe gi daho Nabal, gai tilo, ia e hai dahi daonga laumalie mmao i de hale, bei taonga e hai ange laa gi de hodooligi. Gai Nabal gu malangilangi, i hiidinga ia gu senga mmao. Deelaa ai, Abigail tee tala ange hanu muna gi de ia ga dae ai gi taiao age.