Micah 7:9 - De Beebaa Dabu

⁹ Au e hagauda naa de bole o Tagi Maolunga, go hiidinga au gu haisala ange gi de ia, ga dae ai gi dana hagamodu ogu dagodo ma dana hagadaba bolo au gu heohi. Ia e hagasao mai naa au gi de mommee maalama; au e gidee naa dono hai hegau i de heohi.

Micah 7:9 Iomraidhean Croise

2 Samuel 24:17

Gai David ne basa ange gi Tagi Maolunga i de masavaa aana ne gidee ai tangada de langi e daia laa dangada, ga hai ange, “Tilo, au gu haisala, gai go au donu tee heohi. Aagai de gau nei e bei dagodo o denga ssiibi, ni aha alaadeu ne hai? Au e dangidangi adu, hagaduasala ina ngau ma dogu huaabodu.”

De Beebaa go Job 23:10

Aagai ia e iloo dogu haiava e hano ai; ga lava naa huu dana hagatale au, gai au gu gilimalali bei dagodo o denga goolo mai i lo te ahi.

De Beebaa go Job 35:14

Gai e kii ange dana dee hagallongo i dau hagadaba bolo koe e dee gidee ia, gai koe e tali ia gi hagamodu ina au muna hagabaubau!

Psalm 119:154

Koe gi daalaa hagadonu ogu dagodo ma de hagaola dogu mouli; daohia dogu mouli bei dagodo o au muna.

Psalm 37:6

Ia e hai naa gi sula mai doo heohi bei de maalama o taiao, gai doo heohi gi bei de mmahi o de laa i de madohi lua o de laangi.

Psalm 43:1

De Maadua, hagamodu ina bolo au e heohi, ma de tala hagadonu ogu dagodo e hai baasi ange ai gi de huaahenua baubau; hagaola ina mai au i gilaadeu e daahangadia dangada ma de baubau!

Psalm 7:6

Tagi Maolunga, hidi age i doo bole; hidi age hai baasi ange gi ogu hagadaumee. Alahage balea mai au; koe gi hagasula ina de hagamodu muna heohi.

Psalm 94:15

Gai de hagamodu muna heohi e ahe ange naa ga hagahai hegau, gai gilaadeu alodahi e heohi olaadeu lodo e hai hegau ai naa.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Isaiah 42:7

e hhuge ai ganomada o dangada e dee kide laa, ma de hagassao mai ai gilaadeu e nnoho i lo te hale pono ma lo te gohu.

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

Isaiah 51:22

e hagadaba doo Ia Aamua go Iahweh, gai go doo Maadua, e balea ange laa ono dangada: “Tilo, au gu kave gee mai i lo too lima de ubu oodou ne unu ai ga ssenga; goodou e dee aahe ange naa donu ga unu i de ubu nei, go de ubu o dogu bole.

Isaiah 56:1

E hagadaba Tagi Maolunga: “Hai hegau i de hagamodu heohi, gai haia de mee heohi, go hiidinga dagu hagaola gu baa mai donu, gai dogu heohi gu dai hagaago mai donu.

Jeremiah 10:19

⌊Dangada e hagataba,⌋ “Gu vakaa loo au i hiidinga au gu lagohia! Dogu maanuga e dee maua gi mahu. Aagai au e hagadaba, ‘Ni muna abodonu, de mee nei dogu magi, au e hagauda donu de mee nei.’

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.

Jeremiah 51:10

⌊Dangada e hagataba,⌋ ‘Tagi Maolunga gu tala odaadeu heohi; loomai, gidaadeu ga tala i Zion dagodo hegau a Tagi Maolunga, taadeu Maadua gu hai.’

Lamentations 1:18

“Tagi Maolunga e heohi, aagai au ne hai baasi ange gi ana muna. Denga huaadangada alodahi, goodou hagalaangona, gai kalo mai diiloo dogu mmae. Agu dama daane ma damaa hine gu gaavee gi dahi henua gee.

Leviticus 26:41

mee nei gu hai gi hai baasi ange au gi gilaadeu, gai au ne kave gilaadeu gi de henua o olaadeu hagadaumee — gai de masavaa naa huu e hagamaolalo ai olaadeu lodo, gai gilaadeu ga hagaduasala i hiidinga olaadeu haisala,

Malachi 3:18

Gai goodou e gidee naa de dagodo geegee o de gau heohi ma de gau baubau, ma de dagodo geegee o dangada e daumaha ange gi de Maadua, ma dangada e dee daumaha ange gi de ia.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

2 Timothy 4:8

Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

1 Samuel 24:15

Deenei ai, Tagi Maolunga gi hagamodu ina mee i odaau magavaa. Gai ia gi diiloo dagodo o mee nei ma de abodonu mai gi de au, ga hagaola mai au i de goe.”

1 Samuel 25:39

De masavaa a David ne langona ai bolo Nabal gu magau, gai ia ga hagadaba, “Au e tuhi Tagi Maolunga, ia gu sui ange de hagangadi mee a Nabal au. Ia ne daohi hogi au, dono dangada hai hegau, gi dee haia de baubau, gai ne sui ange hegau baubau a Nabal ne hai.” Gai David ne aalu ga hagababa ange gi Abigail.

1 Samuel 26:10

Gai David ga hai ange, “Au e hagatoo donu i de mouli o Tagi Maolunga, bolo go Tagi Maolunga e daa ina ia gi magau; e dee hilihili be ia e magau i dono laangi e magau ai, aabe ia e magau i de hebagi.

1 Samuel 3:18

Gai Samuel ne tala ange mee alodahi gi de ia, teai donu sana mee daudahi ne hagammuni i de ia. Gai Eli ga hai ange, “Go ia Tagi Maolunga; ia gi haia be se aha aana e gidee bolo e danuaa.”