Micah 7:14 - De Beebaa Dabu

¹⁴ Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Micah 7:14 Iomraidhean Croise

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Psalm 143:5

Au e manadua denga laangi gu hulo; au e hagamaumau mee alodahi aau gu hai, ma de hagasaele dagodo o au hegau.

Psalm 28:9

Hagaola ina doo huaadangada ma de hagamanuuia dangada o doo boolonga; gai koe gi hagaloosi ina ma de saabai gilaadeu ga hano ai.

Psalm 95:7

I hiidinga go ia taadeu Maadua, gai gidaadeu go ana dangada i dana mommee iai helii, ma de hagabuulingaa ssiibi aana e tilo ange. Anailaa nei, noo goodou gu langona dono leo,

Exodus 33:16

Gai dee hee ai naa de hai a dangada e iloo ai bolo koe e malangilangi i de au, go gimaadeu ma doo huaadangada? E aha, e dee go doo hano madali gimaadeu e haia ga dagodo gee gimaadeu, go au ma oo dangada, mai i denga huaadangada ange laa i henua i lalo?”

Song of Songs 4:1

Dogu dau soa, ga dae laa doo mahamaha! Tilo, koe e mahamaha mmao! Luoo ganomada e bei e lua manu kono i lalo de malo haoli. Oo ngaangaaulu e bei de hagabuulingaa guudi e lellele ma e loiho ai i de mounga go Gilead.

Isaiah 27:13

De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.

Isaiah 35:2

gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.

Isaiah 37:24

Koe ne hai oo dangada hai hegau gi hagadogaa ina de Ia Aamua. Gai koe ne hagadaba, ‘Au ne hanage i ogu hada hebagi lagolago gi ulu denga mounga, ga hano gi de lodo henua mmao o Lebanon. Au gu sele iho denga cedar lloa ma cypress danuaa i kilaa; au ne hano ga dae gi ono mommee maolunga hugadoo, ma de mommee muimui hugadoo i lodo henua.

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

Isaiah 65:10

Sharon e hai naa ga se mommee iai helii ange gi denga hagabuulingaa ssiibi, gai de geelonga o Achor gu se mommee hagammabu niio denga manu, ange gi ogu dangada e saalaa mai au.

Jeremiah 49:31

Hiihidi age hulo hebagi ange gi de huaahenua e nnoho paba laa ma de duadonu, go Tagi Maolunga e hagadaba, se huaahenua e deai ono abaaba aabe ni laagau hagamakaga; e deai hogi dangada e paa ange gilaadeu.

Lamentations 1:7

Laangi oona ne vaivai haia ai ma de silivaahea saele ai, gai Jerusalem ne manadua denga goloa hagamogomogo alodahi, e hanu i ono daha i denga laangi gu hulo. De masavaa o ono dangada ne hagadee kii ina ai, gai teai donu se dangada ne balea ange ia. Ono hagadaumee ne haina ia, ma de kada i dono hagadee kii ina.

Lamentations 5:21

Tagi Maolunga, hagaahea mai gimaadeu gi oo daha, gi maua ai e gimaadeu i de aahe mai. Hagahoou ina omaadeu laangi, bei omaadeu dagodo madagidagi —

Ezekiel 36:11

Au e hai naa gi soa dangada ma de lagolago oodou manu haangai i honga mounga; dangada ma manu e hagadili naa ga soa ma de lagolago. Au e hai naa gi nnoho dangada i honga mounga bei denga masavaa gu hulo, ma de hai gi kii ange doodou duadonu i mua. Gai gi iloo ai e goodou bolo go au donu go Iahweh.

Leviticus 27:32

Gai tahi diba i diba e madaangahulu o denga hagabuulingaa kaau ma ssiibi aau e dau, e hagadabu ange gi Tagi Maolunga.

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Obadiah 1:19

Dangada o Negev e nnoho naa i denga mounga o Esau, gai dangada i mommee iai duuduu paa i lalo e kave naa de henua o de gau Philistia. Gilaadeu e kave naa denga veelenga o Ephraim ma Samaria, gai Benjamin e kave naa Gilead ga henua ai.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Zephaniah 3:13

Gai dangada o Israel e doe e dee hai naa donu de mee dee heohi; gilaadeu e dee tala naa donu denga muna hhadu, gai e deai naa hogi se muna hagasenga alaadeu e tala. Gilaadeu e gaimee naa ma de daakodo iho i de baba, gu deai dangada e haia gilaadeu gi maatagu.”

Zechariah 10:10

Au e hagaahe mai naa gilaadeu i de henua go Egypt, ma de hagabuni mai gilaadeu i Assyria. Au e hagaahe mai naa gilaadeu gi Gilead ma Lebanon, ga dae ai gi delaadeu dee oo i luu mommee laa.

Zechariah 11:7

Gai de gau e hagao ina denga ssiibi ne hai au gi hagaloosia ange denga ssiibi gu baba ange laa e daa gi maakau. Gai au ne hai e lua dogo; au ne hagaingoo ange dahi go de Abodonu, gai dahi go de Buni, gai au ga tilo ange ai de hagabuulingaa ssiibi.

Malachi 3:4

gai sigidaumaha a Judah ma Jerusalem e hagamalangilangi naa Tagi Maolunga, bei denga masavaa ma ngadau gu hulo.

Numbers 23:9

Au ne gidee adu gilaadeu i ulu denga mounga, ma de tilo adu gilaadeu i honga denga duuduu; gilaadeu se huaadangada e nnoho donu huu i gilaadeu, gilaadeu e dee dau ange gi denga huaahenua ange laa!

Numbers 32:1

Gai de aamuli o Reuben ma de aamuli o Gad gu lagolago mmao alaadeu manu haangai; gai gilaadeu ne gidee bolo luu mommee go Jazer ma Gilead, ni mommee danuaa ange gi denga manu.

Numbers 32:4

go de henua a Tagi Maolunga ne bale ange de gau Israel ga hagadee kii — se mommee e danuaa i de haangai ai denga manu, gai gimaadeu, oo dangada hai hegau, gu lagolago amaadeu manu haangai.”

Matthew 2:6

‘Aagai koe, Bethlehem, i de henua o Judah, koe e dee maolalo ange donu i denga aduhale maolunga o Judah; go hiidinga e sula age naa i oo daha dahi dagi gai ia ga dagi ai dogu huaadangada go Israel.’ ”

John 17:16

Gilaadeu e dee ni mee mai i henua i lalo, bei ogu dagodo, au e dee se mee mai i henua i lalo.

Deuteronomy 33:28

Gai de gau Israel gu dee maatagu, gai hagadiilinga o Jacob gu nnoho paba, i de henua iai denga grain ma uvaini hoou, gai se mommee e hano iho aagena de mee suungia i de langi.