Micah 7:12 - De Beebaa Dabu

¹² De laangi laa, gai dangada e aahe mai naa gi de aduhale mai i Assyria ma denga aduhale o Egypt, ma mai i mommee i Egypt ga hano ai gi Euphrates, aama mai i dahi dai ga hano ai gi tai ange laa ma mai i dahi mounga ga hano ai gi de mounga ange laa.

Micah 7:12 Iomraidhean Croise

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 11:16

Gai e dahi naa haiava laumalie ange gi ono dangada e doe, e aahe mai ai i Assyria, bei de hai o de gau Israel ne loomai ai laa i Egypt.

Isaiah 43:6

Au e hai ange naa gi denga henua i ngaiho, ‘Dugu gilaadeu gi loomai!’ Au e hai ange naa gi henua i ngaage, ‘Goodou aude daohia gilaadeu.’ Hagaahea mai agu dama daane ma damaa hine mai i henua i lalo alodahi —

Isaiah 49:12

Tilo, gilaadeu nei e loomai naa i mommee mmao — hanu mai i ngaiho, hanu mai i dai, gai hanu mai i Syene.”

Jeremiah 23:3

Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.

Jeremiah 3:18

Gai dangada o Judah e loomai naa madali dangada o Israel i laangi laa, gilaadeu e hagabuni naa ga aahe mai i de henua i ngaiho, ga loomai gi de henua aagu gu bolo ange gi olaadeu dubuna madagidagi.

Jeremiah 31:8

Tilo, au e hagaahe mai naa gilaadeu i henua i ngaiho, ma de hagabuni mai gilaadeu i luu bido o henua i lalo. E hanu naa hogi dangada dee kide ma de gau balagelage i olaadeu magavaa, ma denga haahine hai tama aama denga haahine gu hai olaadeu hagalangona; dahi hagabuulingaa dangada soa e aahe mai naa gi kinei.

Jeremiah 46:27

Dogu dangada hai hegau go Jacob, aude madagu, gai koe e Israel, aude manavasaa; tilo, au e hagaola naa goe mai i denga mommee mmao, ma oo hagadiilinga mai i de henua olaadeu gu gaavee laa aagena. Jacob e ahe mai naa ga nnoho paba ma de duadonu, gai e deai naa donu se dangada e haia ia gi madagu.

Ezekiel 29:21

De laangi laa gai au e hai naa gi somo age dahi hanga mmahi moo de gau Israel, gai au e hai naa goe gi basa ange gi gilaadeu. Gai gi iloo ai e gilaadeu bolo go au donu go Iahweh.”

Ezekiel 37:21

gai koe ga hai ange gi gilaadeu, ‘E hagadaba de Ia Aamua go Iahweh: Tilo, au e hagaahe mai naa de gau Israel i denga huaahenua olaadeu gu hulo laa aagena. Au e hagabuni mai naa gilaadeu i mommee alodahi, ga hagaahe mai gilaadeu gi delaadeu henua donu.

Hosea 11:11

Gilaadeu e bolebole naa ga loomai ai bei denga manu llele mai i Egypt ma denga manu kono mai i de henua go Assyria. Gai au e hagaahe mai naa gilaadeu gi delaadeu mommee,” go Tagi Maolunga e hagadaba.