Micah 6:6 - De Beebaa Dabu

⁶ Se aha naa aagu e kave i dogu hano gi mada luu mada o Tagi Maolunga, e daumaha ange ai gi de Maadua maolunga laa? E maua e au i de hano gi mada luoono mada ma agu ssigidaumaha dudu, i denga kaau gu dagidahi olaadeu ngadau?

Micah 6:6 Iomraidhean Croise

2 Samuel 21:3

Gai David ne hai ange gi de gau Gibeon, “Se aha aagu e hai e sui ai mee gu hai adu gi goodou, gai goodou ga hagamanuuia ai dangada o Tagi Maolunga?”

Psalm 116:12

Se aha aagu e hagao ange ai Tagi Maolunga i de laumalie dono abodonu mai gi de au?

Psalm 22:29

De gau lava alodahi o henua i lalo e daonga naa ma de daumaha; gilaadeu alodahi e maakau laa e ino naa i ono mada i mua — aama tangada e dee maua laa i de hagaola dono mouli.

Psalm 95:2

Gidaadeu ga hulo gi ono mada i mua e hagaahe ange ai de abodonu, ma de hagaamua ia i taahili tuhi.

Psalm 95:6

Loomai, gidaadeu ga ino gi lalo e daumaha, gidaadeu ga duuduli i mada luu mada o Tagi Maolunga, de ia ne haia gidaadeu.

Exodus 12:5

Gai goodou hilia dahi ssiibi aabe se guudi daane gu dahi ono ngadau, gai e deai mee baubau i dono angaanga;

Exodus 23:15

Koe haia Taonga o Pelaoaa Dee Hagahua, bei dagu hai gu tala adu ai gi goodou, gai koe ga gai pelaoaa dee hagahua i de masavaa gu hagailonga i e hidu laangi i de malama go Abib, go hiidinga deenei de malama oodou ne ssao mai ai i Egypt. Gai e deai donu se goodou e ngadi humai gi ogu mada i mua.

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Proverbs 21:3

De hai hegau i de heohi ma de hagamodu heohi e kii ange de hagamogomogo i daho Tagi Maolunga i ssigidaumaha.

Isaiah 40:16

Lebanon alodahi e dee dohu i de hai ai de ahi i de mommee o ssigidaumaha, gai ono manu dolodolo e dee dohu i de hai dahi sigidaumaha dudu.

Jeremiah 6:20

Ni haigamaiana aha denga frankincense mai i Sheba, aabe go laagau maanongi mai i dahi henua mmao? Au e dee malangilangi i oodou sigidaumaha dudu; gai oodou sigidaumaha e dee ni mee niiogu e malangilangi ai.”

Ezekiel 46:9

Gai de masavaa naa huu o dangada o de henua e loomai ai e daumaha ange gi Tagi Maolunga i de masavaa o denga daonga gu lava i de hagamodu, gai tangada e ulu mai i de haitoga i baasi i ngaiho gi sao i de haitoga i de baasi i ngaage. Gai tangada e ulu mai laa i de haitoga i de baasi i ngaage gi sao i de haitoga i de baasi i ngaiho. E deai donu se dangada e maua i de ulu mai ma de sao i de haitoga mau, aagai dahi ma dahi gi hagasoe i de haitoga i de baasi gee.

Daniel 3:26

Gai Nebuchadnezzar ne hano ga hagabaa ange gi de haitoga o de mommee iai de ahi mmahi laa; gai ia ga oo ga hai ange, “Shadrak, ma Meshak aama Abednego, de gau hai hegau o de Maadua Maolunga Mmao laa, goodou ssao mai! Gai loomai gi kinei!” Gai Shadrak, ma Meshak, aama Abednego ga ssao mai i lo te ahi laa,

Daniel 4:9

“Belteshazzar, tagi o de gau hai sauaa, au e iloo bolo de hagasaalunga o denga maadua dabu e noho i oo daha, gai e deai donu se mee hai ngadaa aau e dee iloo. Deenei dagu midi; gai koe ga tala mai dono hagadoonunga.

Daniel 5:18

De hodooligi, de Maadua Maolunga Mmao laa ne gaavange gi doo damana go Nebuchadnezzar dahi nohoanga hodooligi, ma ssauaa e dagi ai, ma de mahamaha aama de hagadubu.

Daniel 5:21

Gai ia gu hai gi hano gee mai i daho dangada, ana maanadu gu bei maanadu a denga manu dolodolo. Ia gu noho madali denga donkey aada ma de gai helii bei denga kaau, gai dono angaanga gu ssui i de mee suungia o de langi, ga dae ai gi de masavaa aana ne donu iho ai bolo go de Maadua Maolunga Mmao laa e dagina denga nohoanga hodooligi o dangada, ma de hilihili tangada aana e lodo e gaavange aagena.

Hosea 5:6

Gilaadeu e kave naa alaadeu hagabuulingaa ssiibi ma kaau ga hulo ai e ssala Tagi Maolunga, aagai gilaadeu e dee gidee naa donu ia; ia gu hano gee mai i olaadeu daha.

Amos 5:22

Gai ga gaamai naa donu e goodou denga sigidaumaha dudu ma sigidaumaha o grain, gai au e dee malangilangi ai donu. Gai ga gaamai naa donu e goodou denga sigidaumaha hagadanuaa magavaa i oodou manu gu haangai gi pedi, gai au e dee anga ange naa donu gi mee nei.

Numbers 7:51

ma e dahi kaau daane gauligi, ma e dahi ssiibi daane, ma e dahi ssiibi daane gu dahi laa ono ngadau, e hai ai ssigidaumaha dudu;

Matthew 19:16

Gai tilo, dahi daane lava ne humai ga ssili ange gi Iesu, “Tangada Agoago, aahee agu hegau danuaa e hai gi maua ai e au de mouli e dee ngado mai?”

Mark 12:33

Gai gi aaloha i de ia i oo lodo alodahi, ma au maanadu alodahi, aama oo mahi alodahi, gai gi aloha i tangada e baa adu gi de goe bei doo aloha donu i de goe, e hagamogomogo ange i denga sigidaumaha dudu ma sigidaumaha ange laa.”

Mark 5:7

ma de oo ga hai ange gi de ia, “Ni aha oou e lodo ai i ogu daha, Iesu Tama Daane a de Maadua Maolunga Mmao laa? Au e hai adu gi de goe i de ingoo o de Maadua, aude hagaduasala ina loo au!”

Luke 10:25

Dahi dangada agoago o de hainga ne duu age hogi ga hagatale Iesu ga ssili ange, “Tangada Agoago, se aha aagu e hai gi maua ai e au de mouli e dee ngado mai?”

John 6:26

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, goodou tee ssala au i hiidinga goodou gu gidee hanu hagailonga, aagai goodou ne ssala au i hiidinga goodou ne boobosu i de gai pelaoaa.

Acts 16:17

Aagai tamaa hine laa ne daudali mai i gimaadeu ma Paul, gai ia ne oo ga hagadaba, “Denga daane nei ni dangada hai hegau niio de Maadua Maolunga Mmao laa. Gilaadeu e tala adu doodou hai e hagamouli ai.”

Acts 16:30

gai ia ga hagassao mai gilaau gi duaahaho, ga ssili ange, “Luu daane nei, se aha aagu e hai gi hagamouli ai au?”

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Ephesians 3:14

Deenei ai, au e duuduli i mada luu mada o Tamana,

Hebrews 10:11

Laangi alodahi gai tangada haimeedabu e duu ga hai ana hegau daumaha; ia e aheahe ange ga hai denga sigidaumaha mau, gai ni mee e dee maua i de kave gee haisala o dangada.

1 Samuel 15:22

Gai Samuel ga hai ange, “E aha, e kii ange de malangilangi o Tagi Maolunga i denga sigidaumaha dudu ma sigidaumaha ange laa, i dono malangilangi i doo hagallongo ange gi de ia? Tilo, de hagallongo ange gi Tagi Maolunga e danuaa ange i ssigidaumaha, gai de daudali i ana muna e danuaa ange i mee moomuna o denga ssiibi.