Micah 6:15 - De Beebaa Dabu

¹⁵ Koe e doo naa au manu, aagai e dee go koe e hagihagia; koe e kumi naa lolo o denga olive, aagai e dee go koe e hai mee ai, koe e dagadagahi naa denga grape, aagai e dee go koe e unumia uvaini e maua ai.

Micah 6:15 Iomraidhean Croise

De Beebaa go Job 31:8

gai hanu dangada gee gi gaina mee aagu ne doo, gai gi unuunusia age agu manu gu doo.

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Leviticus 26:16

gai deenei dagu hai e hai ai goodou: au e hai naa gi moolau de tae mai denga mee hagamaatagu gi goodou, ma de magi iviivi, ma de vvela o de angaanga e haia laa ga dee gide tangada, gai mahi o tangada e hagadagadaga mai. Goodou e doo naa oodou veelenga gai e dee haigamaiana adu gi goodou, i hiidinga go oodou hagadaumee e gaina.

Leviticus 26:20

Goodou e hai hegau kona naa gai e deai naa donu haigamaiana, i hiidinga oodou gelegele e deai naa donu hua iai, gai oodou manu ssomo ange laa e deai naa hogi olaadeu hua.

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.

Habakkuk 3:17

Gai e dee galemu naa donu teai huaala o de fig, gai gu deai hogi grape i denga grapevine, gai e dee galemu naa donu teai hua o de olive, ma teai gai e ssomo i honga denga veelenga, gai e dee galemu naa donu teai ssiibi i lodo buibui manu, ma teai kaau i lodo buibui e dugu ai manu,

Zephaniah 1:13

Goloa o dangada bee nei e gaiaadia naa, olaadeu hale e odi naa i de oha iho. Gilaadeu e hagatuu naa denga hale, aagai gilaadeu e dee nnoho ai; gilaadeu e doo naa denga veelengaa grape, aagai gilaadeu e dee unu uvaini e hai ai.”

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

John 4:37

Deenei ai, ni muna abodonu de muna e hai ange laa, ‘Dahi dangada e doo gai dahi e hagihagi.’

Judges 6:4

Delaadeu mee e hai go de loomai ga hagaduu delaadeu mommee nnoho gaainga i kilaa ga oha ai hua o alaadeu veelenga, ga hano ai ga dae gi gaogao o Gaza. Gilaadeu tee hagadoe donu hanu gai i Israel, teai hogi ssiibi be ni kaau aabe ni donkey.