Micah 6:13 - De Beebaa Dabu

¹³ Deenei ai, au e kona naa donu dagu hagailiili goe, ma de oha goe i hiidinga oo haisala.

Micah 6:13 Iomraidhean Croise

Isaiah 6:11

Gai au ne ssili ange, “De Ia Aamua, dee hee maa taulooloa de hai mee nei?” Ia ne hai mai: “Mee nei e hai ga dae ai gi de odi aduhale alodahi i de oha gai gu deai dangada e nnoho ai, ga dae ai gi teai dangada e doe i denga hale i kilaa, gai de henua gu ngadi dagodo;

Jeremiah 14:18

Noo au e hano gi tua de aduhale, gai au e gidee dangada gu daia i de gadilaasa. Gai noo au e hano gi lo te aduhale, gai au e gidee dangada e mmagi i hiidinga o de onge. Gai de pelaabisi ma tangada haimeedabu e hagadaga saele ma e hai alaau hegau i honga de henua, gai gilaau e dee iloo donu alaau mee e hai.’ ”

Lamentations 1:13

Ia ne hai gi hano iho de ahi i de mommee maolunga, gi duungia lodo ogu ivi. Ia ne hhola dahi galauna e buulou ai luoogu vae; gai ia ga hagaahe dua ai au. Ia ne tili au gi noho sogosogo, ma teai ogu mahi mai i taiao ga boo ai.

Lamentations 3:11

Ia ne dada mai au i ssaelenga ga hangahanga dogu angaanga ma de tili au i kilaa, teai se dangada ne balea mai au.

Lamentations 5:16

De hau i honga omaadeu biho gu doo. Gu vakaa loo gimaadeu, i hiidinga gimaadeu gu haisala!

Hosea 13:16

Dangada o Samaria e hagaduasala donu i hiidinga olaadeu haisala, go hiidinga gilaadeu ne hai baasi ange gi delaadeu Maadua. Gilaadeu e daa naa ga maakau i de gadilaasa; alaadeu gauligi e dagadagahia naa gi lo te gelegele, alaadeu haahine hai tama e hangahanga ina naa olaadeu dinae.

Hosea 5:9

Ephraim e hai naa ga se mommee ngadi dagodo i de laangi o de hagaduasala. Au e hagailoo naa mee gu hagamodu e hai ange gi denga aamuli o Israel.

Leviticus 26:16

gai deenei dagu hai e hai ai goodou: au e hai naa gi moolau de tae mai denga mee hagamaatagu gi goodou, ma de magi iviivi, ma de vvela o de angaanga e haia laa ga dee gide tangada, gai mahi o tangada e hagadagadaga mai. Goodou e doo naa oodou veelenga gai e dee haigamaiana adu gi goodou, i hiidinga go oodou hagadaumee e gaina.

Micah 1:9

Go hiidinga dono maanuga gu dee maua gi mahu, gai gu lele ange hogi gi Judah; gai gu dae gi haitoga o Jerusalem, go de aduhale o ogu dangada.

Micah 6:16

Koe ne kana ange ga daohi hainga a Omri, ma hegau alodahi a de huaabodu o Ahab; goodou e daudali i alaadeu hagasaele. Deelaa ai, au e hai naa goe gi ngadi dagodo, gai oo dangada e hai naa ga llele mouli o dangada, ma de hagangadi mee ina daho dangada.”

Micah 7:13

Henua i lalo e hai naa ga ngadi dagodo, i hiidinga o dangada e nnoho ai; mee nei ne hai i hiidinga o alaadeu hegau baubau.

Acts 12:23

De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.