Micah 5:8 - De Beebaa Dabu

⁸ Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Micah 5:8 Iomraidhean Croise

Genesis 49:9

Judah e bei de laiono mmahi; dagu dama, koe e bei de manu gu daa laa dahi manu ma gu gai. Ia e bei de laiono e dogoduli laa ma e noho ai, ma de laiono hahine — goai e bau ange gi de hai ia gi hidi age?

Psalm 104:20

Koe e hai gi humai de gohu, gai gu boo de mee, gai denga manu lodo henua ga sasao mai.

Psalm 44:5

Go doo sauaa amaadeu ne hagadee kii ai omaadeu hagadaumee; gimaadeu ne hagamaakulu omaadeu hagadaumee.

Psalm 50:22

Goodou gu ngalo laa de Maadua, hagasaelea de mee nei, au kana hangahanga goodou, gai gu deai e maua i de hagaola goodou.

Proverbs 30:30

go de laiono, e mmahi ange laa i denga manu aada alodahi, e deai se mee daudahi oona e madagu ai;

Isaiah 5:29

Gilaadeu e hagangolo bei de laiono, ma denga laiono mmahi; gilaadeu e hagangolo i de maua dahi manu, ga kave gee gai e deai donu e maua i de hagaola.

Ezekiel 39:10

Gai gilaadeu gu dee hagabudu lahhie i lodo henua e hai ai de ahi, aabe hulo e duuduu denga laagau i lodo henua, go hiidinga gilaadeu e hai naa alaadeu ahi i denga goloa hebagi. Gai gilaadeu e hai gi de mahi naa goloa o dangada ne hai gi de mahi ina olaadeu goloa, ma de gaiaa goloa o dangada ne gaiaadia olaadeu goloa, go de Ia Aamua go Iahweh e hagadaba.

Hosea 5:14

Au e hebagi ange naa gi Ephraim bei dahi laiono, gai e hebagi ange gi Judah bei dahi laiono mmahi. Au e hagalagolagohia naa gilaadeu ga tili gilaadeu gai au ga hano. Au e kave gee naa gilaadeu, gai e deai donu e maua i de hagaola gilaadeu.

Micah 2:12

Jacob, au e hagabuni mai naa oo dangada. Au e hagabuni mai naa de gau Israel e doe. Au e hagabuni mai naa gilaadeu bei denga ssiibi i lo te buibui, ma de hagabuulingaa ssiibi i de mommee iai helii; gai de henua e soa naa dangada e nnoho ai.

Micah 4:13

Tamaa hine o Zion, hiihidi age dagadagahia, go hiidinga au e hai naa oo hanga gi ni iron gai oo gubu vae gi ni bronze, gai koe ga oha ai gi maoha denga huaahenua soa. Koe e hagadabu ange naa olaadeu goloa gi Tagi Maolunga, gai olaadeu lava e gaavange gi de Ia Aamua o henua i lalo alodahi.

Micah 4:7

Au e hai naa tangada balagelage go dahi dangada e doe, gai dangada ne gaavee gee e hai naa ga se huaahenua mmahi. Gai Tagi Maolunga e dagi naa gilaadeu i honga de mounga go Zion, mai de laangi laa, ga hano ai e dee ngado mai.

Micah 5:3

Deenei ai, ia e tili naa gilaadeu ga dae ai gi de masavaa o de hine e hai ai ono hagalangona e haanau ai, gai ono daina e doe e aahe mai naa ga dau ange gi de gau Israel.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Zechariah 10:5

Gilaadeu alodahi e bei denga daane dau o de hebagi, e dagadagahia laa de hagadaumee gi lodo bela i honga haiava. Gilaadeu e kii naa i de hebagi, go hiidinga Tagi Maolunga e noho madali gilaadeu, gilaadeu e hai naa ga dookaa dangada e kage i honga hoosa.

Zechariah 11:6

Au e dee lodo aloha ange naa gi dangada o de henua, go Tagi Maolunga e hagataba. Au e dugu ange naa dangada gi olaadeu hodooligi ma dangada e paa ange gi gilaadeu gi vaivai haia gilaadeu. Gai gilaadeu e oha naa de henua, gai au e dee hagaola naa donu dahi gilaadeu.”

Zechariah 12:3

De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena.

Zechariah 14:18

Gai noo de gau Egypt e dee loomai gi taonga, gai e dee pala naa de langi i delaadeu henua. Gai de mee hagamaakau a Tagi Maolunga e hagaduasala naa denga huaahenua tee hulo laa e dao Taonga o denga Baasi Hale.

Zechariah 9:15

gai Tagi o denga hagabuulinga hebagi e buibui naa gilaadeu. Gilaadeu e daa naa dangada ma de hagadee kii gilaadeu i denga buada. Gilaadeu e unu naa ma de hevaalogi bei dagodo o dangada gu ssenga i de unu uvaini; gilaadeu gu hoohonu bei de gumedi iai laa dodo e hagassii ange laa gi dege o de mommee o ssigidaumaha.

Malachi 4:3

Gai goodou e dagadagahi naa gi lalo de gau baubau. Gilaadeu e bei naa denga lehu i lalo oodou vae, i de laangi aagu e hai ai agu hegau, go Tagi o denga hagabuulinga hebagi e hagadaba.

Numbers 24:9

Israel e dogoduli naa bei de laiono, gai e bei de laiono hahine — goai e maua i de hhango ia? Gilaadeu e hagamanuuia ina goe, e hagamanuuia naa, gai gilaadeu e hagamalaia ina goe, e hagamalaia naa.”

Matthew 10:14

Gai noo e deai dangada e abodonu adu gi goodou, aabe hagalaangona oodou agoago, gai goodou luuluuia gelegele i oodou vae, i de masavaa oodou e ssao ai e hulo gee i de hale aabe go de aduhale laa.

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.