Micah 5:5 - De Beebaa Dabu

⁵ Gai ia e hai naa go delaadeu nnoho paba. De masavaa o de gau Assyria e kage mai ai gi honga taadeu henua ma de ulu mai gi lodo odaadeu hale buibui makaga, gai gidaadeu e hili naa e dogohidu dangada hagaloosi gi hai baasi ange gi de ia, gai e dogovalu dagi mai i daho dangada,

Micah 5:5 Iomraidhean Croise

De Beebaa go Job 5:19

Ia e hagaola goe mai i de hai ngadaa i e ono hanonga, gai de hidu hai ngadaa e dee maua naa donu gi baa i de goe.

Psalm 72:7

Gai de mee heohi gi hagadagadaga age i dono masavaa e hodooligi ai, ma de nnoho paba, ga dae ai gi teai se maasina.

Proverbs 30:18

E dolu mee e kona de hagalele mouli olaadeu dagodo, gai e haa mee oogu e dee donu ange aagena:

Proverbs 30:29

E dolu mee mahamaha delaadeu hai e seesee ai; e haa mee e tilo danuaa i delaadeu seesee:

Proverbs 6:16

E ono mee o Tagi Maolunga e kino ai, gai e hidu mee hakino gee i ono daha:

Ecclesiastes 11:2

Duuhaa ange gai gi e dogohidu aabe e dogovalu dangada, go hiidinga koe e dee iloo be se hai ngadaa bee hee e humai gi honga de henua.

Isaiah 14:25

Au e hagadee kii naa de gau Assyria i dogu henua; gai au e dagadagahi naa Assyria i honga ogu mounga. Gai dana laagau hagahai hegau e aau gee naa i honga ogu dangada, dana mee hagauda daemaha e aau gee naa i honga olaadeu eu.”

Isaiah 44:28

Go au ne hagadaba i dagodo o Cyrus, ‘Go ia dagu dangada hagaloosi, gai ia e hagassula naa mee alodahi oogu e lodo ai; ia e hagadaba naa i Jerusalem, “Hagaduulia age ange,” ma de hagadaba i de temple, “Hagadaakodo ina ono dagelo.” ’

Isaiah 59:19

Gai dangada i baasi dai e maatagu naa i de ingoo o Tagi Maolunga, dangada e hagadubu naa dono mahamaha mai i de sobo age o de laa. Gai ia e humai naa bei denga vai nogo bonodia laa, gai de madangi o de manava a Tagi Maolunga e ili ga kave gee.

Isaiah 65:8

E hagadaba Tagi Maolunga, “De masavaa e hanu ai vai huamanu i lodo gau looloa grape, gai dangada e hagataba, ‘Aude oha de mee naa, go hiidinga e hanu manuuia iai,’ gai e bei ai hogi dagu hai e hai ai ogu dangada hai hegau; au e dee daa naa donu gilaadeu alodahi gi maakau.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Jeremiah 33:15

Laangi laa ma de masavaa laa gai au e hai naa de uli o de heohi gi matili age i tahido o David; gai ia e hai hegau naa i de hagamodu heohi ma de muna abodonu i honga henua.

Amos 1:3

E hagadaba Tagi Maolunga: “Tolu hanonga o Damascus ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne duuduu Gilead i de mee duuduu grain e hai laa i iron.

Amos 1:6

E hagadaba Tagi Maolunga: “Tolu hanonga o Gaza e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom.

Zechariah 10:11

Gilaadeu e hulo naa laa lo te dai beabeau, gai beau o tai laa e hagadeai naa, gai mommee kelo alodahi o Nile e maamasa naa. De lodo maolunga o Assyria e hai naa ga maolalo, gai de laagau hodooligi o Egypt e odi naa dono masavaa.

Zechariah 10:3

Au gu kona mmao dogu lili i de gau hagaloosi, gai au e hagaduasala naa donu denga dagi nei; gai Tagi o denga hagabuulinga hebagi e tilo ange naa dana hagabuulingaa ssiibi, go dangada o Judah, ma de hai gilaadeu gi bei dahi hoosa mmahi ma de mahamaha i de masavaa o de hebagi.

Zechariah 12:6

De laangi laa gai au e hai naa denga hagadiilinga o Judah gi bei de anibada iai de ahi i magavaa o denga lahhie, ma de lama e ula laa i magavaa denga noodangaa grain. Gai gilaadeu e daa naa ga maakau denga huaahenua alodahi e duuli ina gilaadeu i de madau ma de masui, gai Jerusalem e nnoho ai naa dangada i dono mommee donu, go Jerusalem.

Zechariah 9:10

Au e hai naa gi deai hada hebagi o Ephraim ma hoosa hebagi i Jerusalem, ma de hhadi de mee hholu e hai ai de hebagi. Ia e hai naa gi noho paba denga huaahenua; gai ia e dagi naa mai i tai ga dae ai gi tai ange laa, ma mai i ssaalingaa vai go Euphrates, ga dae ai gi de bido laa o henua i lalo.

Zechariah 9:13

Au e hholu naa Judah e hai ai dagu mee hholu; au e hai naa Ephraim go ono dao. Zion, au e hai naa oo daane gi hebagi ange gi Greece, ma de hai goe gi bei de gadilaasa a dahi daane hebagi mmahi.

Luke 2:14

“Duuhia de Maadua i de mommee maolunga mmao, gai de baba gi dagodo i henua i lalo, i daho dangada oona e malangilangi ai!”

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Revelation 19:14

Gai denga hagabuulingaa daane hebagi o de langi gu kahu i denga malo linen danuaa, gai e tea ma de gilimalali, gai gilaadeu e kage i honga denga hoosa tea ma e daudali ange ai i de ia.