Micah 4:8 - De Beebaa Dabu

⁸ Gai koe, de hale dagitilo o denga ssiibi, go de mommee buibui makaga o tamaa hine o Zion, doo sauaa e hagaahe adu naa gi de goe; gai de nohoanga hodooligi e ahe ange naa gi tamaa hine o Jerusalem.”

Micah 4:8 Iomraidhean Croise

Genesis 35:21

Gai Israel ne ngalue mai hogi i kilaa ga hagaduu dono hale malo i de baasi gee o hale dagitilo go Eder.

2 Samuel 5:7

Gai David ne hagadee kii de mommee buibui makaga go Zion, go de aduhale o David.

Nehemiah 3:25

gai Palal tama daane a Uzai ne hai hegau i de baasi gee o tege, ma de hale dagitilo e duu laa gi lunga i honga de hale o de hodooligi, i gaogao de buibui o denga daane hagaloosi. Gai Pedaiah tama daane a Parosh ne hagaahe age de mommee e mua ange gi de ia,

Psalm 24:7

Denga haitoga o de aduhale, maahuge mai; denga abaaba madagidagi, maahuge mai, gai de Hodooligi o de mahamaha ga ulu mai.

Psalm 48:3

De Maadua gu noho i ono hale buibui makaga, ia gu hagaago mai bolo go ia de mommee buibui makaga.

Psalm 61:3

I hiidinga go koe dogu mommee buibui, ma de hale dagitilo maolunga oogu e buibui ai mai i ogu hagadaumee.

Song of Songs 4:4

Doo ua e bei de hale dagitilo maolunga a David, ne hagaduu ga hagalaagii, ma e daudau ai e mano mee hungihungi, ni mee alodahi nii denga daane hebagi dau.

Isaiah 1:26

Au e hagaahe adu naa oo dangada hagamodu bei de masavaa i mua, gai oo dangada hagasaele gi bei taamada age. Muli mai naa huu gai koe e hagaingoo ange go de Aduhale Heohi ma de Aduhale e Hai Hegau i de Mee Abodonu.”

Isaiah 10:32

Anailaa nei gai ia e nnoho naa i Nob, ia e tugi ange naa dono lima gi tamaa hine o Zion, i de mounga o Jerusalem.

Isaiah 5:2

Ia ne hagabalabala de gelegele ga aau age denga hadu, gai ga doo i denga grapevine danuaa hugadoo. Ia ne hagaduu hogi dahi hale dagitilo i kilaa ma de hai dahi mommee e kumi ai uvaini. Gai ia ne tali gi hhua mai ai denga grape danuaa, aagai ni grape baubau donu huu ne hhua mai ai.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 7:18

Aagai de gau dabu o de Ia Maolunga Mmao laa e kave naa de nohoanga hodooligi ga hodooligi ai, ga hano ai e dee ngado mai.’

Obadiah 1:21

De gau hagaola e loage naa gi de mounga go Zion ga dagi ai i denga mounga o Esau. Gai de nohoanga hodooligi e hai naa ga niio Tagi Maolunga.

Micah 2:12

Jacob, au e hagabuni mai naa oo dangada. Au e hagabuni mai naa de gau Israel e doe. Au e hagabuni mai naa gilaadeu bei denga ssiibi i lo te buibui, ma de hagabuulingaa ssiibi i de mommee iai helii; gai de henua e soa naa dangada e nnoho ai.

Zechariah 9:10

Au e hai naa gi deai hada hebagi o Ephraim ma hoosa hebagi i Jerusalem, ma de hhadi de mee hholu e hai ai de hebagi. Ia e hai naa gi noho paba denga huaahenua; gai ia e dagi naa mai i tai ga dae ai gi tai ange laa, ma mai i ssaalingaa vai go Euphrates, ga dae ai gi de bido laa o henua i lalo.

Zechariah 9:12

Goodou e nnoho i lo te hale pono, e dahi donu oodou tali, aahe gi de mommee buibui makaga; ailaa nei gai au e tala adu bolo au e hagaahe adu naa doodou manuuia ga hai gi lua hanonga e kii ange ai.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Numbers 24:19

Dahi dagi e sula age naa i daho Jacob, ga daa naa gu maakau dangada ne ola i denga aduhale.”

Matthew 21:33

“Goodou nnoho mai ange hagalaangona dahi mee hagasengasenga. E dahi daane aamua ne doo dahi veelengaa grape ga buibui luu baasi, ma de geli dono mommee kumi grape, aama de hagaduu ai dahi hale dagitilo, ga dugu ange gi hanu dangada hai veelenga, gai ia ga hano gi dahi henua gee.

Mark 12:1

Gai Iesu ne agoago ange dangada i denga mee hagasengasenga, ga hai ange, “E dahi daane ne doo dahi veelengaa grape ga buibui luu baasi, ga geli dahi mommee e kumi ai grape, aama de hagaduu dahi hale dagitilo i kilaa. Gai ia ga dugu ange gi hanu dangada hai veelenga, gai ia ga hano gi dahi henua gee.

Ephesians 1:21

ga hai ia gu maolunga ange i denga hagasaalunga alodahi e dagi laa, ma gilaadeu iai ssauaa, ma de mmahi, ma de maolunga, ma ingoo maolunga alodahi, e dee go iainei donu huu, aagai go de masavaa hogi e humai.

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.