Micah 4:10 - De Beebaa Dabu

¹⁰ Tamaa hine o Zion, dangi ma gi dige saele i doo mmae, bei de hine gu hai ono hagalangona, go hiidinga koe gu dai hano gee naa i de aduhale ga nnoho gaainga i lodo henua. Koe e hano naa gi Babylon; gai koe e hagaola mai naa i kilaa. Gai Tagi Maolunga e hagao mai naa goe i daho oo hagadaumee.

Micah 4:10 Iomraidhean Croise

2 Kings 20:18

Gai hanu au dama daane ne hagadili e gaavee naa hogi, ga hai ai denga eunuch i de hale o de hodooligi o Babylon.”

2 Kings 25:4

Gai de buibui o de aduhale gu oha ga masaavava, gai denga daane alodahi gu saavini ga hulo, gai gilaadeu ne ssao ga hulo i de haitoga i magavaa luu buibui i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

2 Chronicles 33:11

Gai Tagi Maolunga ne gaamai dagi o denga daane hebagi o de hodooligi o Assyria gi noodia Manasseh gi gaavee; gai gilaadeu ne hagalau ange dahi maadau gi dono usu, ma de nnoa ia i denga mee noonooa baalanga ga kave ai ia gi Babylon.

2 Chronicles 36:20

Gai ia ne noonooa ga kave dangada e doe gi Babylon, go gilaadeu ne ola mai i de gadilaasa, gai gilaadeu gu hai ai olaadeu dangada hai hegau ma ana dama daane, ga dae ai gi de masavaa o de nohoanga hodooligi o Persia.

2 Chronicles 36:23

“E hagadaba Cyrus, de hodooligi o Persia: Tagi Maolunga, de Maadua o de langi, gu gaamai gi de au denga nohoanga hodooligi o henua i lalo alodahi, gai ia gu tala mai au gi hagaduulia age dono hale i Jerusalem i Judah. Gai be goai naa huu i magavaa o ono dangada alodahi e lodo e hano gi kilaa, gai ia gi hano, gai Tagi Maolunga dono Maadua gi noho madali ia.”

Psalm 106:10

Gai ia ne hagaola gilaadeu mai i olaadeu hagadaumee, ma de hagaola gilaadeu mai i olaadeu hagadaumee mmahi.

Isaiah 43:14

E hagadaba Tagi Maolunga, doodou Ia Hagaola, go de Ia Dabu o Israel: “Au e aalu naa gi Babylon ga oha mee hagamakaga o denga haitoga ma de hagauda mai de gau Babylon alodahi gu hagadee kii laa, i denga vaga olaadeu e hagassoenga ai laa.

Isaiah 45:13

Go au ne hagasula ina Cyrus i dogu heohi gai au e hai naa gi ssoe ono haiava alodahi. Gai ia e hagaduu age ange naa dogu aduhale, ma de hagaola ogu dangada gu gaavee laa, aagai e dee hagao aabe e sui ange,” go Tagi o denga hagabuulinga hebagi e hagadaba.

Isaiah 48:20

Goodou hulo gee mai i Babylon, gai saavini hulo gee mai i daho de gau Babylon! Hagailoo ina de mee nei ma de oo i de malangilangi, hagadele ina de longo nei gi dae gi de bido laa o henua i lalo; hai ange, “Tagi Maolunga gu hagaola dono dangada hai hegau go Jacob.”

Jeremiah 13:4

“Gaavee de mee nnoa ungaalodo aau ne hagao naa ma gu nnoa ai doo ungaalodo, gai koe ga kave gi ssaalingaa vai go Euphrates, ga hagammuni ai i magavaa o denga hadu.”

Jeremiah 15:21

Au e hagaola naa goe mai i de gau baubau ma de hagaola goe mai i de gau alasala.”

Jeremiah 29:20

Deenei ai, goodou hagalaangona muna a Tagi Maolunga, goodou alodahi ne gaavee gee laa i Jerusalem ga kave gi Babylon.

Jeremiah 4:31

Au e langona leo bei de dangi o de hine e dangi i de masavaa o ono hagalangona, ia e gonogono i de masavaa e haanau ai dana dama madua — go de leo o tamaa hine o Zion e ssala ai dana madangi, ma de haalo luoono lima ga hagadaba, “Gu vakaa loo au! Au gu dai ssili mada i dogu madagu i de gau daa dangada.”

Jeremiah 48:41

Denga aduhale e hagadee kii ina naa, gai denga hale hagaloosi makaga e gaavee naa. De laangi laa gai lodo o denga daane hebagi o Moab e bei naa dagodo lodo o de hine gu hai ono hagalangona.

Jeremiah 52:27

Gai de hodooligi o Babylon ne daa gilaadeu ga maakau i Riblah, i de henua go Hamath. Deenei de hai o dangada o Judah ne gaavee gee mai i delaadeu henua.

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Hosea 13:13

De mmae o de hine gu dai haanau gu tae mai gi Ephraim, aagai ia se dama e deai sono heiangi; de masavaa oona e haanau ai, aagai ia e dee doo mai i de haonga o de mommee o denga dama.

Hosea 2:14

Deenei ai, tilo, au e hagaaneane naa ia, ga kave ia gi de vao ga basa maamaane ange gi de ia.

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Micah 5:3

Deenei ai, ia e tili naa gilaadeu ga dae ai gi de masavaa o de hine e hai ai ono hagalangona e haanau ai, gai ono daina e doe e aahe mai naa ga dau ange gi de gau Israel.

Revelation 12:14

Aagai gu gaavange gi de hine laa e lua bakau o de igele laumalie, gi maua ai e ia i de lele e hano gee mai i de labodo laa ga hano gi de vao, i dono mommee e diiloo ange ai i e dahi ngadau, ma e lua ngadau, aama e dahi bido ngadau.