Micah 3:7 - De Beebaa Dabu

⁷ Gai gilaadeu e daalaa mee e loomai e dookaa naa, de gau hai huuhuaa mee e hagangadi mee ina naa. Gilaadeu alodahi e dookaa naa ga haoli olaadeu mada, go hiidinga de Maadua gu dee basa ange gi gilaadeu.”

Micah 3:7 Iomraidhean Croise

Psalm 74:9

Gu deai hagailonga hagalele mouli amaadeu e gidee; gu deai hogi pelaabisi e doe, gai gu deai se gimaadeu e iloo be dee hee maa taulooloa de hai de mee nei.

Exodus 9:11

Gai denga daane hai huuhuaa mee gu dee maua e gilaadeu i de tuu i mada luu mada o Moses i olaadeu hagahoa, go hiidinga denga hagahoa gu ssomo hogi i denga daane hai huuhuaa mee aama de gau Egypt alodahi.

Isaiah 44:25

Gai go au e haia gi dee ssula hagailonga a denga pelaabisi hadu muna, ma de hai de gau e daalaa mee loomai gi bei de gau llodo ssenga, ma de hai gi dee ssula muna a de gau heiangi, aama de hai olaadeu iloo mee gi deai haigamaiana;

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Ezekiel 24:17

Gai koe dangi, gai haia gi deai e langona; gai koe e dee dangi i tangada magau. Noodia doo goobai i honga doo biho ma de ulumagi oo mee vae; gai koe gi dee haolia doo ngudu, aabe gi gaina gai a de gau hinangalosaa e gai.”

Ezekiel 24:22

Gai goodou e hai naa ga bei agu mee gu hai nei: goodou e dee haoli naa oodou ngudu, aabe e gai mee a de gau hinangalosaa e gai laa.

Leviticus 13:45

Gai tangada iai gili baubau bee nei gi gahu i malo duai, ga tili dono biho gi lausamua, gai ia gi haolia de bido gi lalo o dono ngudu, gai ia gi oo gi hagadaba, ‘E dee gilimalali! E dee gilimalali!’

Amos 8:11

Tilo, e tae mai naa laangi, go de Ia Aamua go Iahweh e hagadaba, aagu e hai ai gi humai de onge gi honga de henua, gai e dee go de onge i teai gai, aabe go teai vai, aagai go de onge i muna a Tagi Maolunga.

Micah 3:4

Gai gilaadeu e tangi ange naa gi Tagi Maolunga, aagai ia e dee basa ange naa donu gi gilaadeu. Ia e huli gee naa i gilaadeu i de masavaa laa, i hiidinga de baubau alaadeu hegau.

Micah 7:16

Denga huaahenua e dookaa naa i delaadeu gidee naa mee nei, gilaadeu e deai naa olaadeu mahi. Gilaadeu e pono naa olaadeu ngudu i olaadeu lima, gai gilaadeu e longoduli naa.

Zechariah 13:4

De laangi laa gai denga pelaabisi e dookaa naa i de tala mee gu hagaago ange gi gilaadeu i de midi. Gilaadeu e dee kahu naa i malo daladala o de pelaabisi e daahanga ai dangada.

1 Samuel 14:37

Gai a Saul ne ssili ange gi de Maadua, “Ga hano au e hebagi ange gi de gau Philistia? Koe e dugu ange naa de gau Israel gi hagadee kii ina gilaadeu?” Gai de Maadua tee basa ange gi de ia i de laangi laa.

1 Samuel 28:15

Gai Samuel ga hai ange gi a Saul, “Gu aha goe gu hakoso ai naa au ma de hai au gi hanage?” Gai a Saul ga hai ange, “Au gu hai ngadaa mmao; go hiidinga de gau Philistia gu loomai e hebagi mai gi de au, gai de Maadua gu huli gee i de au. Ia gu dee basa mai gi de au i daho denga pelaabisi, aabe go denga midi. Deenei ai, au ne hagahi adu goe gi daalaa mai be ni aha aagu e hai.”

1 Samuel 28:6

Gai a Saul ne ssala gi iloo lodo o Tagi Maolunga, aagai Tagi Maolunga tee basa ange gi de ia i denga midi, be go de Urim, aabe go daho denga pelaabisi.

1 Samuel 9:9

(I mua gai deenei tahulinga e hai i Israel: de masavaa naa huu o tangada e hano ai e ssili dahi mee i daho de Maadua, gai ia ga hagadaba, “Loomai, gidaadeu ga hulo gi daho tangada e gidee mee e loomai,” go hiidinga de pelaabisi e hagaingoo ange se dangada e gidee mee e loomai.)