Micah 3:12 - De Beebaa Dabu

¹² Deenei ai, Zion e hagabalabala ina naa bei de veelenga i oodou hiidinga. Jerusalem e bei naa dahi hagabuudungaa mee maoha, gai tuuduu iai laa de temple e hai naa ga se lodo mee muimui.

Micah 3:12 Iomraidhean Croise

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

Psalm 79:1

De Maadua, denga huaahenua gu kage mai gi honga doo henua; gilaadeu gu hai ma gu hakino gee doo temple dabu, gai gilaadeu gu oha Jerusalem alodahi.

Isaiah 32:14

Denga hale danuaa e ngadi daakodo naa, de aduhale nogo hagalongaa laa e deai naa dangada iai; denga hale buibui makaga ma hale dagitilo e hai naa ga se vao, ga hano ai, gai se mommee e malangilangi ai denga donkey, ma de mommee e haangai ai denga hagabuulingaa ssiibi;

Jeremiah 17:3

Dogu mounga i honga de henua, ma oodou lava ma oodou goloa hagamogomogo alodahi, au e hai naa oodou hagadaumee gi gaavee gee, madali oodou mommee daumaha, i hiidinga o denga baubau i honga doodou henua alodahi.

Jeremiah 22:5

Aagai noo goodou e dee daudali i muna nei, gai au e hagatoo donu adu i dogu ingoo, go Tagi Maolunga e hagadaba, bolo de hale nei e maoha naa ga ngadi dagodo.’ ”

Jeremiah 22:6

Gai e hagadaba Tagi Maolunga i dagodo o de hale o de hodooligi o Judah: “E dee galemu donu koe e bei Gilead mai gi de au, ma de ulu o Lebanon, gai au e hai naa goe gi bei de vao, ma denga aduhale e deai dangada e nnoho ai.

Jeremiah 26:18

“Micah taane Moresheth ne tala pelaabisi i de masavaa o Hezekiah, de hodooligi o Judah. Ia ne tala ange gi dangada alodahi o Judah, ga hai ange, ‘E hagadaba Tagi o denga hagabuulinga hebagi: Zion e hagabalabala naa bei de veelenga; Jerusalem e bei naa de hagabuudungaa mee maoha, gai tuuduu iai laa de temple e hai naa ga se lodo mee muimui.’

Jeremiah 35:17

Deenei ai, e hagadaba Tagi Maolunga, de Maadua o denga hagabuulinga hebagi, de Maadua o Israel: Tilo, au e hai naa gi loomai denga hagaduasala alodahi aagu gu lava laa i de tala e hai baasi ange ai gi Judah ma dangada alodahi e nnoho i Jerusalem, go hiidinga au ne basa ange gi gilaadeu, aagai gilaadeu tee hagallongo mai; au ne hagaagahi gilaadeu, aagai gilaadeu tee pasa mai.”

Jeremiah 44:2

“E hagadaba Tagi o denga hagabuulinga hebagi, de Maadua o Israel: Goodou ne gidee de hai ngadaa laumalie aagu ne hai gi humai gi Jerusalem, ma denga aduhale alodahi o Judah. Gai tilo, anailaa nei gai denga mommee laa gu maoha ma e daakodo ai,

Jeremiah 52:13

Gai ia ne dudu de hale o Tagi Maolunga, ma de hale o de hodooligi, aama hale alodahi i Jerusalem. Ia ne dudu hogi denga hale hagamogomogo alodahi i kilaa.

Jeremiah 9:10

Au e dangi naa ma de dangi see i hiidinga o denga mounga, ma de dangi i hiidinga o mommee iai helii i lodo henua. Mommee laa gu ngadi daakodo ma teai dangada e seesee ai, gu dee langona hogi leo o denga manu haangai ai. Gai denga manu llele ma manu dolodolo gu hulo gee mai i kilaa.

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”

Lamentations 5:18

De mounga go Zion gu ngadi dagodo, denga jackal gu nnoho i kilaa.

Micah 1:6

“Deenei ai, au e hai naa Samaria gi se hagabuudungaa gainga, gai gi se mommee e doo ai denga veelengaa grape. Au e dili iho naa ono hadu gi lo te geelonga, ma de hai gi ssula age ono dagelo.

Matthew 24:2

Aagai ia ga hai ange gi gilaadeu, “Goodou gu gidee mee nei alodahi? Ni muna abodonu aagu e hai adu nei gi goodou: e deai naa donu se hadu daudahi e dagodo i honga dahi hadu. Gai e odi naa donu i de tili iho.”