Micah 3:1 - De Beebaa Dabu

¹ Gai au ne hagadaba: “Denga biho o Jacob, ma dagi o de gau Israel, goodou hagalaangona. E dee se mee heohi doodou hai gi iloo de hagamodu heohi?

Micah 3:1 Iomraidhean Croise

Nehemiah 13:17

Gai au ne hagasee de gau aamua o Judah, ga hai ange gi gilaadeu, “Se hegau baubau bee hee oodou gu hai nei, gai goodou ga hagangadi mee ai de laangi o Sabbath?

Psalm 14:4

E aha, dangada e haia de baubau tigi heiangi nei donu — gilaadeu e vaivai hai ogu dangada bei de gai a dangada pelaoaa, ma gilaadeu e dee dalodalo ange gi Tagi Maolunga?

Isaiah 1:10

Goodou denga dagi o Sodom, hagalaangona muna a Tagi Maolunga; de huaadangada o Gomorrah, goodou hagalaangona agoago a demaadeu Maadua!

Isaiah 10:2

ma de kave gee de heohi o de gau hagaau aloha, ma tee hagamodu muna o ogu dangada gu duasala laa i de heohi, ma de vaivai hai denga haahine gu maakau olaadeu bodu ma de gaiaa mee o denga gauligi gu deai olaadeu damana.

Ezekiel 22:6

Tilo, de gau aamua o Israel e nnoho i de aduhale, e hai hegau i olaadeu sauaa ma e daa ai dangada gi maakau.

Ezekiel 34:2

“Tama a tangada, basa pelaabisi hai baasi ange gi de gau hagaloosi o Israel; basa pelaabisi hai ange gi gilaadeu, ‘E hagadaba de Ia Aamua go Iahweh: E vakaa naa de gau hagaloosi o Israel, e haangai laa donu huu gilaadeu! E aha, e dee go de gau hagaloosi e diiloo ange denga ssiibi?

Ezekiel 34:3

Goodou e gai denga kiliisi, ma de kahu i huluhulu o denga ssiibi, gai e daa denga ssiibi gu haangai ma gu pedi, aagai goodou e dee hagaloosi ange donu denga ssiibi.

Ezekiel 9:9

Gai ia ne hai mai gi de au, “Haisala o dangada o Israel ma dangada o Judah gu kona mmao de baubau; de henua gu honu i todo, gai gu deai se hagamodu heohi i de aduhale. Gilaadeu e hagataba, ‘Tagi Maolunga gu tili de henua; Tagi Maolunga e dee gidee mee gu hai.’

Hosea 5:1

De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Micah 2:13

Gai de ia e hagamalaelae ina de haiava e hano naa i olaadeu mada i mua; gai gilaadeu e oha naa de haitoga ga ssao ai ga hulo. Delaadeu hodooligi e hano naa i olaadeu mada i mua, gai go Tagi Maolunga donu delaadeu dagi.

1 Corinthians 6:5

Au e tala adu mee nei gi dookaa ai goodou. E aha, gu deai laa donu se dangada heiangi i oodou daha e maua i de hagamodu muna i magavaa o denga daina?

Deuteronomy 16:18

Goodou hilia hanu dangada hagamodu muna ma hanu dagi i denga aamuli alodahi aama aduhale alodahi a Tagi Maolunga doodou Maadua gu dai gaavadu gi goodou, gai gilaadeu ga hagamodu ai muna o dangada i de heohi.