Micah 2:9 - De Beebaa Dabu

⁹ Goodou e alualu denga haahine o ogu dangada mai i olaadeu hale danuaa. Goodou gu kave gee agu manuuia mai i daho alaadeu dama ga hano ai.

Micah 2:9 Iomraidhean Croise

Psalm 72:19

Hagadegi ina dono ingoo mahamaha ga hano ai; gai dono ingoo mahamaha gi dele i henua i lalo alodahi. Amen gai Amen!

Jeremiah 10:20

Dogu hale malo gu maoha, ono daula gu modumodu. Agu dama gu hulo gee mai i ogu daha, gilaadeu gu dee maaleva; gai gu deai donu se dangada e doe e hagaduulia age dogu hale malo aabe go de dau age dogu buibui.

Ezekiel 39:21

Gai au e hagaago ange naa dogu mahamaha gi denga huaahenua; gai denga huaahenua alodahi e gidee naa dagu hagaduasala gilaadeu, ma dagu hagaili gilaadeu i dogu lima sauaa.

Joel 3:6

Goodou ne hagao ange dangada o Judah ma Jerusalem gi de gau Greek, gai koe ga hai ai gilaadeu gi hulo gi dahi mommee mmao gee mai i delaadeu henua.

Amos 2:7

Gilaadeu ne dagadagahi biho o de gau hagaau aloha, gi lo te gelegele, gai tee hagamodu muna o dangada e duasala i de heohi. Dahi daane ma dono damana e dagodo haisala ma dahi hahine daudahi, gai gilaadeu ga hagangadi mee ai dogu ingoo dabu.

Micah 2:2

Gilaadeu e nnoo ange ma de hai gi de mahi denga alahenua, ma denga hale, ma de kave mee nei. Gilaadeu e vaivai hai tangada ma dono huaabodu, aama de boolonga o dono dangada.

Habakkuk 2:14

Go hiidinga henua i lalo e hhao naa ga honu i de iloo mee o de mahamaha o Tagi Maolunga, bei de hagahonu o tai i denga lausedi.

Zechariah 2:5

Gai Tagi Maolunga e hagadaba: Au e hai naa ga bei de ahi e duuli ina luu baasi o Jerusalem, gai go de mahamaha i ono lodo.’ ”

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Mark 12:40

Gilaadeu e gaiaa mee a denga haahine gu maakau olaadeu bodu, ma de hai gi lloa alaadeu dalodalo gi gidee ai e dangada. De gau bee nei e kona naa donu delaadeu hagaduasala.”

Luke 20:47

gilaadeu e gaiaa mee a denga haahine gu maakau olaadeu bodu, ma de hai gi lloa alaadeu dalodalo gi gidee ai e dangada. Gilaadeu e kona naa donu de hagaduasala!”

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

1 Samuel 26:19

Deenei ai, dogu dangada aamua go de hodooligi, aude haihaia hagalaangona muna a doo dangada hai hegau. Noo go Tagi Maolunga ne gaavadu gi oo lodo, koe gi humai gi hai baasi mai gi de au, gai ia gi gaavee dahi sigidaumaha mai i ogu daha; aagai noo go dangada, gai Tagi Maolunga gi hagamalaia ina gilaadeu, go hiidinga anailaa nei gai gilaadeu gu hai au gi hano gee mai i de henua o Tagi Maolunga, gi daumaha ange gi denga diinonga.