Micah 2:5 - De Beebaa Dabu

⁵ Deenei ai, e deai naa donu se dangada i hagabuulinga o Tagi Maolunga e vaaea adu dahi gelegele moodou i de masavaa e dada ai denga laagau.

Micah 2:5 Iomraidhean Croise

2 Kings 17:23

ga dae ai gi de masavaa a Tagi Maolunga ne hai ai gilaadeu gi dee nnoho i mada luoono mada, bei dana hai gu tala ai laa i daho ono dangada hai hegau go denga pelaabisi. Deelaa ai, de gau Israel gu noonoodia ga gaavee gi Assyria, ga dae mai ai gi anailaa nei.

1 Chronicles 16:18

“Au e gaavadu naa gi de goe de henua go Canaan e hai ai de mommee oou e henua ai.”

Nehemiah 7:61

Gai aanei dangada mai i Tel Melah, ma Tel Harsha, ma Kerub, ma Addon, aama Immer, aagai gilaadeu tee maua i de hai gi too donu bolo olaadeu dubuna madagidagi ma olaadeu hagadiilinga ni dangada Israel donu:

Psalm 16:6

Ogu goinga gu hagatuu i mommee danuaa hugadoo; uaa, dogu boolonga e danuaa mmao.

Hosea 9:3

Gilaadeu e dee nnoho naa donu i de henua o Tagi Maolunga; Ephraim e ahe naa gi Egypt, ma de gai mee dee gilimalali i Assyria.

Numbers 34:13

Gai Moses ne tala ange gi de gau Israel, ga hai ange, “Deenei de henua oodou e kave e henua ai i de hai tada, go de henua a Tagi Maolunga gu tala bolo e gaavange gi denga aamuli e siva ma de baasi aamuli ange laa.

Numbers 34:16

Gai Tagi Maolunga ga hai ange gi Moses,

Deuteronomy 23:2

E deai hogi se dangada ne hagadili i daho luu dangada e dee alaange de hai bodu, aabe go hagadiilinga o tangada bee nei e maua i de dau madali de hagabuulingaa dangada o Tagi Maolunga, ga dae ai loo gi de madaangahulu atangada.

Deuteronomy 23:8

Gai alaadeu dama alodahi e haanau i tolu atangada i muli mai, e dau madali de hagabuulingaa dangada o Tagi Maolunga.

Deuteronomy 32:8

De masavaa a de Ia Maolunga Mmao laa ne bolo ai denga huaahenua, ma de vaevae ai dangada, gai ia ne hagatuu goinga o denga huaadangada gi heohi ange gi taelodo o dama a de Maadua.

Joshua 18:10

Gai Joshua ga dada olaadeu mommee i Shiloh i mada luu mada o Tagi Maolunga, gai ia ga vaevae ange de henua gi de gau Israel e doe laa, de aamuli nei ma dono vaaenga.

Joshua 18:4

Goodou hilia e dogodolu daane mai i denga aamuli e doe, gai au ga hai gilaadeu gi hulo gi hagadaga, gi diiloo dagodo o de henua, gai gilaadeu ga sisi ga daohi mommee olaadeu e llodo ai. Gai gilaadeu ga aahe mai hogi gi ogu daha.