Micah 2:2 - De Beebaa Dabu

² Gilaadeu e nnoo ange ma de hai gi de mahi denga alahenua, ma denga hale, ma de kave mee nei. Gilaadeu e vaivai hai tangada ma dono huaabodu, aama de boolonga o dono dangada.

Micah 2:2 Iomraidhean Croise

1 Kings 21:1

Naboth, taane Jezreel, e dahi ana veelengaa grape i Jezreel, gai e baa ange gi de hale o Ahab, de hodooligi o Samaria.

2 Kings 9:26

‘Au ne gidee dodo o Naboth anaahi, ma dodo o ana dama; gai au e sui adu naa au hegau baubau i honga de alahenua o Naboth, go Tagi Maolunga e hagadaba.’ Gai sabaia Joram magaa ange gi honga de alahenua laa, bei dagodo muna a Tagi Maolunga.”

De Beebaa go Job 31:38

Noo dogu gelegele e hai baasi mai gi de au, gai ono geelinga e ssui i denga loimada;

Exodus 20:17

Aude nnoo ange gi de hale o tangada e baa adu gi de goe. Aude nnoo ange gi de bodu o tangada e baa adu gi de goe, be go dono daane hai hegau, be go dono hahine hai hegau, be go dana kaau, be go dana donkey, aabe go dahi ana mee daudahi.”

Isaiah 3:14

Tagi Maolunga e hagamodu naa muna o denga daane maatua ma dagi o ono dangada: “Go goodou ne oohaa dagu veelengaa grape, ma de gaiaa goloa o de gau hagaau aloha i lodo oodou hale.

Isaiah 5:8

E vakaa naa gilaadeu e haia ga lagolago olaadeu hale, ma de hagallaha ange olaadeu alahenua, ga dae ai gi teai ange mommee e doe, gai go goodou donu huu e nnoho i honga de gelegele laa.

Jeremiah 22:17

Aagai koe e nnoo ange ma de lodo i goloa e maua i de hadu muna, ma de daa gi maakau dangada tigi haisala, ma de hagaduasala aama de vaivai hai dangada.”

Ezekiel 18:12

gai e vaivai hai de gau hagaau aloha ma de duasala, ia e gaiaa, ia e dee hagaahe ange mee aana ne kave e hagadonu ai de hagao ana muli, ia e daumaha ange gi denga diinonga, gai ia e hai mee hakino gee,

Ezekiel 22:12

Hanu dangada i oo daha e kave mee ngadi gaavange hagasenga e daa ai dangada gi maakau; koe e hai gi laumalie de mee a dangada e paa adu gi de goe e hagao i au sseene e gaavange gi gilaadeu. Gai koe gu ngalo donu au, go de Ia Aamua go Iahweh e hagadaba.

Ezekiel 22:13

Tilo, au e hagaili naa goodou, i hiidinga oodou mee lagolago ne mau i hegau dee heohi, aama dangada soa oodou ne daa ga maakau i oodou magavaa.

Ezekiel 33:26

Doodou tali go oodou gadilaasa, ma de hai denga dahulinga hakino gee, gai dahi ma dahi e dagodo haisala ma de bodu o taane e baa adu gi goodou. Gai e heohi ai naa doodou henua i de henua?’

Ezekiel 45:9

“E hagadaba de Ia Aamua go Iahweh: Denga dagi o Israel, goodou gu gona odi oodou mee e hai! Gu lava oodou vaivai hai ma de hagaduasala dangada, gai hai hegau i hagamodu heohi ma de mee heohi. Goodou aude alualumia dangada mai honga olaadeu mommee, go de Ia Aamua go Iahweh e hagadaba.

Ezekiel 46:18

Gai tagi o de henua e dee maua i de kave mee gu bolo ange gi dangada, ma de hai gilaadeu gi hulo gee mai i olaadeu alahenua. Gai ia gi bolo ina ange mommee o ana dama mai i dono alahenua donu, gi deai ai dangada i magavaa o ogu dangada e gaavee gee dono alahenua.”

Ezekiel 8:17

Gai ia ne hai mai gi de au, “Tama a tangada, koe gu gidee naa mee nei? Dangada o Judah e dee anga ange donu gi denga hegau hakino gee alaadeu gu hai i kinei; gilaadeu gu hai ma gu dohu honga de henua i denga dahulinga hakino gee, ga hai ai gi kii ange dogu lili. Galo ange diiloo gilaadeu e dugu ange de laa manu gi mada olaadeu usu.

Amos 2:7

Gilaadeu ne dagadagahi biho o de gau hagaau aloha, gi lo te gelegele, gai tee hagamodu muna o dangada e duasala i de heohi. Dahi daane ma dono damana e dagodo haisala ma dahi hahine daudahi, gai gilaadeu ga hagangadi mee ai dogu ingoo dabu.

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Amos 8:4

Noho mai hagalaangona, goodou e vaivai haia dangada e duasala, ma de daia gi maakau de gau hagaau aloha i de henua,

Micah 3:9

Goodou dagi o dangada o Jacob, goodou dagi o de gau Israel, nnoho mai hagalaangona. Goodou e kino i de hagamodu muna heohi, gai e hagahaisala mee heohi alodahi.

Micah 6:12

De gau lava o de aduhale e vaivai hai dangada, gai dangada e nnoho i oo daha e hadu muna, ma de tala muna hagasenga i olaadeu ngudu.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

1 Timothy 6:10

Gai taadeu nnoo ange gi denga sseene go taamada donu o denga hagadaagangaa baubau alodahi; gai aanei donu hiidinga o hanu gu hulo gee mai ai laa i de gai abodonu, gai olaadeu lodo gu velosia i denga mee hagammae lagolago.