Micah 2:12 - De Beebaa Dabu

¹² Jacob, au e hagabuni mai naa oo dangada. Au e hagabuni mai naa de gau Israel e doe. Au e hagabuni mai naa gilaadeu bei denga ssiibi i lo te buibui, ma de hagabuulingaa ssiibi i de mommee iai helii; gai de henua e soa naa dangada e nnoho ai.

Micah 2:12 Iomraidhean Croise

Genesis 36:33

Gai ga magau huu Bela, gai Jobab tama daane a Zerah, taane Bozrah ga sui ia ga hodooligi ai.

1 Chronicles 1:44

Gai ga magau huu Bela, gai Jobab, tama daane a Zerah, taane Bozrah ga sui ia ga hodooligi ai.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 27:12

De laangi laa gai Tagi Maolunga e hili naa denga grain mai i ssaalingaa vai go Euphrates ga dae ai gi Ssaalingaa Vai o Egypt, gai goodou de gau Israel e bei naa denga grain e ogo dagidahi laa.

Isaiah 34:6

De gadilaasa a Tagi Maolunga gu honu i todo, ma de baalau i denga kiliisi — go dodo o denga ssiibi ma guudi, ma kiliisi o denga ssiibi daane. Go hiidinga Tagi Maolunga gu hai dahi sigidaumaha i Bozrah, gai e soa ne daa ga maakau i Edom.

Isaiah 5:17

Gai denga ssiibi gauligi e gaimee naa i kilaa bei de mommee iai helii, gai hanu dangada gee e gaimee naa i de mommee o de gau lava gu maoha laa.

Jeremiah 23:3

Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.

Jeremiah 3:18

Gai dangada o Judah e loomai naa madali dangada o Israel i laangi laa, gilaadeu e hagabuni naa ga aahe mai i de henua i ngaiho, ga loomai gi de henua aagu gu bolo ange gi olaadeu dubuna madagidagi.

Ezekiel 34:11

Gai e hagadaba de Ia Aamua go Iahweh: Tilo, au e ssala naa agu ssiibi, ga tilo ange gilaadeu.

Ezekiel 34:13

Gai au e hagabuni naa gilaadeu ga hagaahe mai i daho denga huaadangada ma henua alodahi. Au e hagaahe mai naa gilaadeu gi delaadeu henua donu. Gai au e haangai naa gilaadeu i mommee iai helii, i honga denga mounga o Israel, ma gaogao denga saalingaa vai, aama mommee alodahi gu nnoho ai dangada i honga de henua.

Ezekiel 34:22

deelaa ai, au e hagaola naa agu ssiibi, gi dee vaivai haia ai gilaadeu, gai au ga hagamodu muna o dahi ssiibi ma dahi ssiibi.

Ezekiel 34:31

Goodou go agu ssiibi, go ssiibi o dagu mommee iai helii, gai au go doodou Maadua, go de Ia Aamua go Iahweh e hagadaba.’ ”

Ezekiel 36:37

E hagadaba de Ia Aamua go Iahweh: Au e ahe ange naa e dugu ange dangada o Israel gi dangidangi mai i de mee nei. Au e hai naa gi soa olaadeu dangada, bei dahi hagabuulingaa ssiibi lagolago,

Ezekiel 37:21

gai koe ga hai ange gi gilaadeu, ‘E hagadaba de Ia Aamua go Iahweh: Tilo, au e hagaahe mai naa de gau Israel i denga huaahenua olaadeu gu hulo laa aagena. Au e hagabuni mai naa gilaadeu i mommee alodahi, ga hagaahe mai gilaadeu gi delaadeu henua donu.

Hosea 1:11

Dangada o Judah ma dangada o Israel e hagabuni naa ga hili dahi dagi gi dagina gilaadeu, gilaadeu e hagadagadaga age naa i honga de henua, gai de laangi o Jezreel e hai naa ga se laangi maolunga.

Amos 1:12

Au e hai naa gi humai de ahi gi duungia Teman, gai e dudu naa donu gi deai mommee buibui makaga o Bozrah.”

Micah 2:13

Gai de ia e hagamalaelae ina de haiava e hano naa i olaadeu mada i mua; gai gilaadeu e oha naa de haitoga ga ssao ai ga hulo. Delaadeu hodooligi e hano naa i olaadeu mada i mua, gai go Tagi Maolunga donu delaadeu dagi.

Micah 4:8

Gai koe, de hale dagitilo o denga ssiibi, go de mommee buibui makaga o tamaa hine o Zion, doo sauaa e hagaahe adu naa gi de goe; gai de nohoanga hodooligi e ahe ange naa gi tamaa hine o Jerusalem.”

Micah 5:7

Gai dangada o Jacob e doe i daho denga huaadangada soa e bei naa de mee maluulu mai i daho Tagi Maolunga, ma de langi pala i honga helii, e dee tali ange donu dahi dangada aabe e dahi alaadeu tali ange gi tangada.

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Zephaniah 3:20

De masavaa laa gai au e hagabuni naa goodou, ga gaamai gi doodou henua i de masavaa laa. Au e hai naa denga huaadangada alodahi i henua i lalo gi duuhia ma de hagadubu goodou, i de masavaa aagu e hagaahe adu ai doodou manuuia, gi gidee ai e goodou,” go Tagi Maolunga e hagadaba.