Micah 2:1 - De Beebaa Dabu

¹ E vakaa naa dangada e hagatau ina de hai de baubau, ma gilaadeu e haia denga hagasaele baubau i honga olaadeu moenga! Gilaadeu e oho age i de gohugohu ga hai hegau nei, i hiidinga gilaadeu e maua i de hai mee nei.

Micah 2:1 Iomraidhean Croise

Genesis 31:29

Au e maua donu i de hagalagohia goe, aagai de Maadua o doo damana ne hai mai gi de au anaboo, ‘Koe gi kana ange gi au muna e basa ai gi Jacob, e dee hilihili be e danuaa aabe e baubau.’

1 Kings 21:7

Gai dono bodu go Jezebel ne hai ange gi de ia, “E dee go koe de hodooligi o Israel? Hidi age gaimee ma gi lodo malangilangi; au ga gaavadu gi de goe de veelengaa grape a Naboth, taane Jezreel.”

Esther 3:8

Gai Haman ne hai ange gi de hodooligi go Ahasuerus, “E dahi hagabuulingaa dangada e nnoho i denga vaaenga o doo nohoanga hodooligi; alaadeu hainga e dagodo gee ma hainga a dangada ange laa, gai gilaadeu e dee daudali i hainga a de hodooligi; e deai haigamaiana de golomagi ange lodo o de hodooligi gi gilaadeu.

Esther 5:14

Gai dono bodu go Zeresh ma ono soa alodahi ne hai ange gi de ia, “Hagaduulia dahi laagau gi madalima sugilima de maolunga, gai koe ga hai ange gi de hodooligi daiao gi daudaulia ai Mordecai. Gai koe ga hano madali de hodooligi gi taonga ma de malangilangi.” Gai Haman gu malangilangi i muna laa, ga hai gilaadeu gi hagaduulia dahi laagau daudau.

Esther 9:25

Aagai de masavaa a de hodooligi ne iloo ai de hagatau laa, gai ia ne hagadaba i de leda aana ne sisi ai laa, i dagodo o de hagatau baubau a Haman ne hai laa e hai baasi ange gi de gau Ssuu, bolo gi ahe ange donu huu gi de ia, gai gi daudaulia gilaadeu ma ana dama daane i honga denga laagau.

De Beebaa go Job 15:35

Gilaadeu e hai tama i hai ngadaa gai ne haanau de baubau, gai olaadeu lodo e maanadu de daahanga dangada.”

De Beebaa go Job 24:14

Tangada daa dangada e alahage i taiao gohugohu, e daa gi maakau gilaadeu e duasala, gai ia e gaiaa i de boo bei tangada gaiaa.

Psalm 36:4

Ia e hai donu hogi denga hagatau baubau i honga dono moenga; ia e hagababa ange ia gi dahi haiava e dee danuaa; gai ia e dee kino donu i de baubau.

Psalm 36:5

Tagi Maolunga, doo aloha e hano loo ga dae gi de langi, doo hai hegau i de mee abodonu e dae age gi denga giliiga.

Psalm 58:3

Mai i de masavaa olaadeu ne haanau ai, gai de gau baubau e hulo gee i de haiava; mai i de masavaa olaadeu e nnoho ai i de mommee o denga dama, gai gilaadeu e tala denga muna hadu.

Proverbs 12:2

Tagi Maolunga e abodonu ange gi tangada danuaa, aagai Tagi Maolunga e hagabaubau tangada e haia hagasaele baubau.

Proverbs 14:22

Dangada e haia hagatau baubau e haisala donu, aagai gilaadeu e haia hagatau danuaa, e kave de abodonu ma de mee abodonu.

Proverbs 3:27

Aude daohia de mee danuaa i gilaadeu e heohi dau bale ange, noo e dahi oo ssauaa e hai ai de hegau nei.

Proverbs 4:16

Go hiidinga gilaadeu e dee sseni naa donu ga dae ai gi delaadeu hai de baubau; gilaadeu e dee maua gi sseni ga dae ai gi delaadeu hai dahi dangada ga haisala.

Isaiah 29:20

Tangada e vaivai haia dangada e lilo naa donu, gai de gau doo mee e dee maaleva naa hogi, gai dangada alodahi e maanadu de hai de baubau e daa naa gi maakau —

Isaiah 3:14

Tagi Maolunga e hagamodu naa muna o denga daane maatua ma dagi o ono dangada: “Go goodou ne oohaa dagu veelengaa grape, ma de gaiaa goloa o de gau hagaau aloha i lodo oodou hale.

Isaiah 32:7

Haingaa mee a tangada vaivai dagodo e baubau, ia e hadu age denga hagatau baubau e daa ai gi maakau de gau hagaau aloha i ana muna hhadu, e dee galemu donu tangidangi a de gau hagaau aloha e heohi.

Isaiah 5:8

E vakaa naa gilaadeu e haia ga lagolago olaadeu hale, ma de hagallaha ange olaadeu alahenua, ga dae ai gi teai ange mommee e doe, gai go goodou donu huu e nnoho i honga de gelegele laa.

Isaiah 59:3

Oodou lima gu hai ma gu hakino gee i denga dodo, gai oodou madannia gu hai goodou ma gu haisala. Oodou ngudu gu tala muna hhadu, gai oodou alelo gu musumusu denga mee baubau.

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Ezekiel 11:2

Gai Tagi Maolunga ne hai mai gi de au, “Tama a tangada, aanei denga daane ne haia dahi hagatau baubau ma de gaavange denga hagasaele baubau gi dangada i de aduhale nei.

Ezekiel 33:26

Doodou tali go oodou gadilaasa, ma de hai denga dahulinga hakino gee, gai dahi ma dahi e dagodo haisala ma de bodu o taane e baa adu gi goodou. Gai e heohi ai naa doodou henua i de henua?’

Ezekiel 38:10

E hagadaba de Ia Aamua go Iahweh: De laangi laa gai koe e maanadu naa de hai dahi hegau baubau,

Ezekiel 46:18

Gai tagi o de henua e dee maua i de kave mee gu bolo ange gi dangada, ma de hai gilaadeu gi hulo gee mai i olaadeu alahenua. Gai ia gi bolo ina ange mommee o ana dama mai i dono alahenua donu, gi deai ai dangada i magavaa o ogu dangada e gaavee gee dono alahenua.”

Micah 6:12

De gau lava o de aduhale e vaivai hai dangada, gai dangada e nnoho i oo daha e hadu muna, ma de tala muna hagasenga i olaadeu ngudu.

Nahum 1:11

Nineveh, dahi dangada e humai naa i oo daha, ga hai dahi hagatau baubau e hai baasi ange ai gi Tagi Maolunga, ma de hai denga hagasaele baubau.

Zechariah 7:10

Goodou gi dee vaivai haia de hine gu magau dono bodu, aabe go de gauligi gu deai sono damana, ma tangada gau henua gee, aabe go tangada hagaau aloha. Gai gi deai se goodou e haia dahi hagatau baubau, e hai baasi ange ai gi dahi dangada gee.’

Mark 15:1

Taiao age gai de gau haimeedabu maolunga ma denga dagi ma de gau sisi, aama de hagabuulinga hagasaele ne nnoa Iesu ga dagi ga kave ga gaavange gi Pilate.

Luke 20:19

De gau sisi ma de gau haimeedabu maolunga ne ssala de hai e poo ai Iesu i de masavaa laa, go hiidinga gilaadeu e iloo bolo ia ne tala de mee hagasengasenga laa e hagaago ange ai olaadeu dagodo; aagai gilaadeu e maatagu i dangada.

John 19:11

Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”

Acts 23:12

Taiao age, gai de gau Ssuu ne hai dahi hagatoo donu, bolo gilaadeu e dee gaimee aabe unu ga dae ai gi delaadeu daa a Paul gi magau.

Acts 23:15

Deenei ai, goodou ma de hagabuulinga hagasaele gi dangidangi ange gi tagi o de hebagi gi gaamai a Paul gi oodou daha, e dagodo be goodou e llodo ssili e hagadonu ono dagodo. Gai gimaadeu ga hagadabena e daa ia gi magau i mua dono dae mai gi kinei.”

Romans 1:30

ni dangada hai samu, ma de kino i de Maadua, ma teai se hagadubu i olaadeu daha, ma de llodo maolunga, ma de pasa hagassoenga, ma de hagahale age mee baubau, ma tee hagallongo ange gi denga maadua,

Deuteronomy 28:32

Koe e gidee naa de noonoodia o au dama daane ma au damaa hine ga gaavange gi hanu dangada henua gee; koe e gidee naa mee nei ma de hinangalosaa i gilaadeu i de laangi ga boo ai, aagai koe gu dee maua i de hai dahi mee daudahi.