Micah 1:5 - De Beebaa Dabu

⁵ Mee nei gu hai i hiidinga haisala o Jacob, ma hiidinga baubau o de gau Israel. Dee hee de haisala o Jacob? E dee go Samaria? Gai dee hee de mommee daumaha o Judah? E dee go Jerusalem?

Micah 1:5 Iomraidhean Croise

1 Kings 11:7

Gai Solomon ne hagaduu dahi mommee daumaha ange gi Chemosh, tiinonga hakino gee o de gau Moab, gai dahi mommee ange gi Molek, go tiinonga hakino gee o de gau Ammon, i honga dahi duuduu baasi dua o Jerusalem.

1 Kings 13:32

Go hiidinga muna alodahi a Tagi Maolunga ne tala ange ia gi daalaa, e hai baasi ange ai gi de mommee o ssigidaumaha i Bethel, ma mommee daumaha alodahi i aduhale o Samaria, e hagassula naa donu.”

1 Kings 16:24

Ia ne hagao hogi tuuduu go Samaria mai i daho Shemer i e lua talent selevaa, ga hagaduu ai dahi aduhale i honga tuuduu laa. Gai ia ga hagaingoo ange go Samaria, go de ingoo o Shemer, taane niiona tuuduu laa i mua.

2 Chronicles 34:3

Gai de valu ngadau huu oona ne hodooligi ai, i de masavaa oona goi dama daane ai, gai ia ga daamada de ssala de Maadua o dono dubuna go David. Gai de madaangahulu ma lua ngadau huu, gai ia ga daamada de hagagilimalali Judah ma Jerusalem. Ia ne aau denga mommee daumaha, ma duludulu laagau o Asherah, ma denga diinonga laagau aama diinonga baalanga.

2 Chronicles 34:4

Gai ia ne hai hogi dangada gi oohaa ina mommee o ssigidaumaha o Baal i ono mada i mua, ma de duuduu iho denga mommee o ssigidaumaha o mee maanongi e tuu laa i kilaa, ma de hadihadi denga duludulu laagau o Asherah aama diinonga baalanga ma laagau. Gai ia ne mmili ga lligi mee laa ga doha saele i honga daanunga o dangada ne sigidaumaha ange gi denga diinonga laa.

Isaiah 7:9

Gai de biho o Ephraim go Samaria, gai de biho o Samaria go tama daane a Remaliah. Noo goodou e dee hagadonusia muna nei, gai goodou e dee maua naa donu gi duu gi makaga.’ ”

Jeremiah 2:17

Gai e dee go koe ne hidi mai ai de hai adu mee nei gi goe, i dau tili Tagi Maolunga doo Maadua, i de masavaa aana ne dagi mai ai goe i lo te haiava?

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Jeremiah 23:13

Au gu gidee dahi mee hakino gee i daho denga pelaabisi o Samaria: gilaadeu e pasa pelaabisi i de ingoo o Baal ma de dagi gee ogu dangada i de au.

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Jeremiah 4:18

Au dahulinga ma au hegau gu hai ma gu duu adu de mee nei gi de goe. Deenei doo hagaduasala. Gai e kona naa donu! Gai e velo naa donu oo lodo!”

Jeremiah 5:25

Gai hegau baubau gu daohi mee nei gi dee loomai; oodou haisala gu daohi mee danuaa i goodou.

Jeremiah 6:19

Henua i lalo, goodou hagalaangona; tilo, au e hai naa gi humai dahi hai ngadaa gi de huaadangada nei, e sui ange ai hua o alaadeu hagatau, go hiidinga gilaadeu tee hagallongo mai gi agu muna; gai gilaadeu ne kino i agu hainga.

Lamentations 5:16

De hau i honga omaadeu biho gu doo. Gu vakaa loo gimaadeu, i hiidinga gimaadeu gu haisala!

Ezekiel 16:46

Doo daina hahine madua go Samaria, ia e noho madali ana damaa hine i oo baasi ngaiho; gai doo daina hahine gauligi go Sodom, ia e noho i oo baasi i ngaage madali ana damaa hine.

Hosea 7:1

de masavaa aagu e lodo ai e hagaieiangi Israel, gai gu gidee mai baubau a Ephraim, ma hegau dee heohi a Samaria. Gilaau ne hai hegau i de hagasenga, de gau gaiaa e ulu gi lodo hale e gaiaa ai, denga hagabuulinga e gaiaa mee o dangada i honga denga haiava;

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Amos 7:9

Denga mommee daumaha o Isaac e oha naa ga ngadi daakodo, mommee dabu o Israel e oha naa ga maoha, gai au e hebagi ange naa gi de huaabodu o Jeroboam i dagu gadilaasa.”

Amos 8:14

Gilaadeu e hagatoo donu i tiinonga hagadookaa o Samaria, be go de hagataba, ‘Dan, au e hagatoo donu i de mouli o doo diinonga,’ aabe go de hagataba, ‘Au e hagatoo donu i de mouli o tiinonga o Beersheba;’ gilaadeu e maakau naa donu, gai e dee aahe ange e hiihidi age.”

Micah 1:13

Goodou dangada e nnoho i Lachish, noonoodia ange denga hoosa gi de hada hebagi. Go koe taamada o haisala o tamaa hine o Zion, go hiidinga goodou ne ago ange i haisala o Israel.