Micah 1:4 - De Beebaa Dabu

⁴ Denga mounga gu vaivai i lalo luoono vae, gai denga geelonga gu mahangahanga, bei denga wax e vaivai laa i de ahi, ma denga vai e ssali iho laa i de madadaagodo.

Micah 1:4 Iomraidhean Croise

Psalm 46:6

Denga huaahenua gu hellumi, denga nohoanga hodooligi gu baakuu; gai henua i lalo e vaivai i dono masavaa e basa ai.

Psalm 68:2

Haia gilaadeu gi dee maaleva bei de useahi e ilihia laa ga gaavee i de madangi; gai de gau baubau e maakau naa i mada luu mada o de Maadua, bei dagodo o de candle e vaivai laa i de ahi!

Psalm 97:5

Denga mounga e vaivai naa bei de candle i mada luu mada o Tagi Maolunga, ma mada i mua o de Ia Aamua o henua i lalo alodahi.

Amos 9:5

De Ia Aamua go Tagi o denga hagabuulinga hebagi e poo ange gi henua i lalo gai gu vaivai, gai dangada alodahi e nnoho i kilaa e tangi naa; de henua e hagahonu age naa bei de Nile, gai e hano iho naa hogi bei de Nile i Egypt —

Nahum 1:5

Denga mounga e ngalungaalue i ono mada i mua, gai denga duuduu e vaivai. Henua i lalo e bolebole i mada luoono mada, go de henua ma dangada alodahi e nnoho ai.

Habakkuk 3:10

denga mounga ne bolebole i delaadeu gidee goe. Denga vai gu ssali iho; de moana gelo gu hagangolo gai ono beau gu kona de nnui.

Habakkuk 3:6

Ia ne duu age, gai henua i lalo gu ngalungalue; ia ne galo ange ga tilo, gai denga huaahenua gu bolebole. Denga mounga mai i mua gu maoha ma gu malili iho, gai denga duuduu gu daulooloa laa gu baakuu — aagai ia e noho ga hano ai.

Zechariah 14:4

De laangi laa gai ia e duu naa i honga de Mounga o denga Olive, i baasi i dua o Jerusalem, gai de Mounga o denga Olive e mahanga lua naa mai i dua ga sao i dai, ga hai ai dahi geelonga laumalie mmao. Dahi luu baasi o de mounga e ngalue naa gi ngaiho, gai de baasi ange laa e ngalue gi ngaage.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Judges 5:4

Tagi Maolunga, de masavaa oou ne hano gee mai ai i Seir, de masavaa oou ne seesee mai ai i de henua o Edom, gai de henua ne ngalungalue, de langi gu pala, uaa, denga hagausinga ne llingi iho denga vai.