Micah 1:1 - De Beebaa Dabu

¹ Tagi Maolunga ne hagailoo ange ana muna gi a Micah taane Moresheth, i de masavaa o Jotham, ma Ahaz, aama Hezekiah e hodooligi ai i Judah. Gai ne hagaago ange gi de ia dagodo mee e hai ange gi Samaria ma Jerusalem.

Micah 1:1 Iomraidhean Croise

2 Kings 15:32

Gai de lua ngadau huu o Pekah, tama daane a Remaliah ne hodooligi ai i Israel, gai Jotham, tama daane a Uzziah gu dae ange ga hodooligi i Judah.

2 Kings 15:5

Gai Tagi Maolunga ne hai de hodooligi gi magi lebelaa ga dae ai gi de laangi oona ne magau ai, gai ia ne noho sogosogo i dahi hale gee. Gai dana dama daane go Jotham e dagina dangada i dono hale, aama dangada i honga de henua.

2 Kings 16:1

Gai de madaangahulu ma hidu ngadau huu o Pekah, tama daane a Remaliah, ne hodooligi ai i Israel, gai Ahaz, tama daane a Jotham gu dae ange ga hodooligi i Judah.

2 Kings 18:1

Gai tolu ngadau huu o Hoshea, tama daane a Elah ne hodooligi ai i Israel, gai Hezekiah, tama daane a Ahaz, gu dae ange ga hodooligi i Judah.

2 Chronicles 28:1

Ahaz gu madalua ono ngadau i de masavaa oona ne dae ange ai ga hodooligi, gai ia ne hodooligi i e madaangahulu ma ono ngadau i Jerusalem. Gai ia tee hai hegau i de heohi i mada luu mada o Tagi Maolunga, bei dagodo o dono dubuna go David,

2 Chronicles 29:1

Gai Hezekiah gu madalua ma lima ono ngadau i de masavaa oona ne dae ange ai ga hodooligi, gai ia ga hodooligi i Jerusalem i e madalua ma siva ngadau. Gai de ingoo o dono dinana go Abijah, tamaa hine a Zechariah.

Isaiah 1:1

De midi hagaago ange a Isaiah tama daane a Amoz, i dagodo o Judah ma Jerusalem, go de midi aana ne gidee laa i de masavaa o Uzziah, ma Jotham, ma Ahaz, aama Hezekiah e hodooligi ai i Judah.

Isaiah 1:2

De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Isaiah 7:1

De masavaa o Ahaz, tama daane a Jotham, tama daane a Uzziah, ne hodooligi ai i Judah, gai Rezin de hodooligi o Syria ma Pekah tama daane a Remaliah, de hodooligi o Israel, ne loomai e hebagi ange gi Jerusalem, aagai gilaau tee maua i de hagadee kii de aduhale.

Isaiah 7:9

Gai de biho o Ephraim go Samaria, gai de biho o Samaria go tama daane a Remaliah. Noo goodou e dee hagadonusia muna nei, gai goodou e dee maua naa donu gi duu gi makaga.’ ”

Jeremiah 26:18

“Micah taane Moresheth ne tala pelaabisi i de masavaa o Hezekiah, de hodooligi o Judah. Ia ne tala ange gi dangada alodahi o Judah, ga hai ange, ‘E hagadaba Tagi o denga hagabuulinga hebagi: Zion e hagabalabala naa bei de veelenga; Jerusalem e bei naa de hagabuudungaa mee maoha, gai tuuduu iai laa de temple e hai naa ga se lodo mee muimui.’

Hosea 1:1

Tagi Maolunga ne hagailoo ange ana muna gi Hosea, tama daane a Beeri, i de masavaa o Uzziah, ma Jotham, ma Ahaz, aama Hezekiah e hodooligi ai i Judah, ma de masavaa o Jeroboam, tama daane a Jehoash, e hodooligi ai i Israel.

Hosea 4:15

Israel, e dee galemu donu doo dagodo haisala, gai Judah gi dee dagodo haisala bei oo dagodo. Goodou aude hulo gi Gilgal, be go Beth Aven. Gai gi dee hagatoo donu gi hagataba, “Au e hagatoo donu i de mouli o Tagi Maolunga.”

Hosea 8:14

Israel gu ngalo de ia ne haia ia, gai gu hagatuu denga hale danuaa; Judah gu hagalagolago ono aduhale buibui. Aagai au e gaamai naa de ahi gi duungia ono aduhale, gai de ahi e dudu naa ga odi denga mommee buibui makaga.

Amos 1:1

Muna a Amos, dahi daane hagaloosi ssiibi o Tekoa — go ana midi hagaago ange ne gidee i dagodo o Israel, i e lua ngadau i mua de ngalungalue o de henua, i de masavaa o Uzziah e hodooligi ai i Judah, gai Jeroboam tama daane a Jehoash e hodooligi ai i Israel.

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Micah 1:5

Mee nei gu hai i hiidinga haisala o Jacob, ma hiidinga baubau o de gau Israel. Dee hee de haisala o Jacob? E dee go Samaria? Gai dee hee de mommee daumaha o Judah? E dee go Jerusalem?

Micah 3:9

Goodou dagi o dangada o Jacob, goodou dagi o de gau Israel, nnoho mai hagalaangona. Goodou e kino i de hagamodu muna heohi, gai e hagahaisala mee heohi alodahi.

Habakkuk 1:1

Muna hagadaemaha ne hagaago ange gi de pelaabisi go Habakkuk.

2 Peter 1:21

Go hiidinga teai donu se muna pelaabisi ne daamada mai i daho tangada aabe go lodo donu huu o tangada, aagai go de Hagasaalunga Dabu ne hagangaalue ina lodo o dangada, gai gilaadeu ga tala muna mai i daho de Maadua.