Matthew 9:6 - De Beebaa Dabu

⁶ Aagai mee nei ne hai gi iloo ai e goodou, bolo Tama a Tangada e dahi donu ono sauaa i henua i lalo e degi ange ai gi haisala.” Gai ia ga hai ange gi taane balagelage laa, “Hidi age, sabaia doo moenga hannoo gi doo hale!”

Matthew 9:6 Iomraidhean Croise

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Matthew 4:24

Gai ono longo gu dele i Syria alodahi, gai dangada ga gaamai gi ono daha dangada iai denga hagadaagangaa magi alodahi, ma gilaadeu e duasala i de mmae, ma gilaadeu iai denga hagasaalunga baubau, ma gilaadeu e llele age, ma gilaadeu e baagia, gai ia ga hagaieiangi gilaadeu.

Matthew 8:20

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Matthew 9:2

Gai tilo, hanu dangada ne saabai mai gi Iesu dahi daane balagelage i honga dono moenga. Gai de masavaa huu a Iesu ne gidee ai olaadeu kai, gai ia ga hai ange gi taane balagelage laa, “Dagu dama, koe gi lodo mmahi, gu maatala oo haisala.”

Matthew 9:5

Dee hee de mee e hai ngaohie: go de hai ange, ‘Gu maatala oo haisala,’ aabe go de hai ange, ‘Hidi age seesee hannoo’?

Matthew 9:7

Aagai taane laa ga hidi age ga hano gi dono hale.

Mark 2:10

Aagai mee nei ne hai gi iloo ai e goodou, bolo Tama a Tangada e dahi ono sauaa i henua i lalo e degi ange ai gi haisala.” Gai ia ga hai ange gi taane balagelage laa,

Mark 2:7

“Gu aha taane nei gu basa ai nei bee nei? Ia e hagangadi mee de Maadua! Goai e maua i de degi ange gi haisala, e dee go de Maadua donu huu?”

Luke 5:21

Gai de gau sisi ma denga Pharisee ne hagataba i olaadeu lodo, “Goai taane e basa hagangadi mee ina nei de Maadua? Goai e maua i de tala haisala, e dee go de Maadua donu huu?”

John 10:28

Au e gaavange gi gilaadeu de mouli e dee ngado mai, gai gilaadeu e dee haihai naa donu ga maakau; gai e deai donu se dangada e maua i de aau gee gilaadeu mai i lo togu lima.

John 17:2

Koe gu gaavange gi de ia ssauaa i honga o dangada alodahi, gai ia ga gaavange ai de mouli e dee ngado mai gi gilaadeu alodahi aau gu gaavange gi de ia.

John 5:27

ma ssauaa e hagamodu ai muna, i hiidinga go ia Tama a Tangada.

John 5:8

Gai Iesu ga hai ange gi de ia, “Hidi age sabaia doo moenga ga seesee ai ga hano.”

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.

Acts 9:34

Gai Peter ga hai ange gi de ia, “Aeneas, Iesu Klisdo e hagaieiangi goe, hidi age heedua doo moenga.” Gai taane laa gu hidi age i de masavaa laa donu huu.

2 Corinthians 2:10

Gai be goai oodou e degi ange aagena, gai au e degi ange hogi gi de ia. Gai mee aagu gu degi ange ai gi dahi dangada — noo e hanu donu ogu mee e degi ange ai — gai au ne hai i oodou hiidinga i mada luu mada o Klisdo,

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

Ephesians 4:32

Gai goodou gi hagadau abodonu ma de hagadau aaloha, ma de hagadau degi ange gi haisala i oodou magavaa, bei de hai a de Maadua ne degi adu ai laa gi goodou i daho Klisdo.

Colossians 3:13

Goodou gi hagadau golomagi ina oodou lodo, ma de hagadau degi ange gi haisala o dahi ma dahi, bei de hai a Tagi Maolunga ne degi adu ai laa gi oodou haisala.