Matthew 9:22 - De Beebaa Dabu

²² Aagai Iesu ne huli dua ga gidee e ia de hine laa, gai ia ga hai ange, “Dagu damaa hine, hagamaamaane ina oo lodo, doo gai gu hagaieiangi goe.” De masavaa laa donu huu gai de hine laa gu ieiangi.

Matthew 9:22 Iomraidhean Croise

Matthew 15:28

Aagai Iesu ga hai ange gi de hine laa, “De hine, doo gai e laumalie mmao! Gu hai donu gi bei dau dangidangi.” Aagai de hagasaalunga baubau gu hano gee i daho dana damaa hine i de masavaa laa donu huu.

Matthew 17:18

Gai Iesu ga hagasee de hagasaalunga baubau laa, gai de hagasaalunga baubau laa gu sao mai i ono daha, gai tama daane laa gu ieiangi i de masavaa laa donu huu.

Matthew 8:13

Gai Iesu ne hai ange gi tagi o de lau, “Hannoo! Gai e hai donu gi bei dagodo o doo gai.” Gai dono dangada hai hegau gu ieiangi i de aoaa laa donu huu.

Matthew 9:2

Gai tilo, hanu dangada ne saabai mai gi Iesu dahi daane balagelage i honga dono moenga. Gai de masavaa huu a Iesu ne gidee ai olaadeu kai, gai ia ga hai ange gi taane balagelage laa, “Dagu dama, koe gi lodo mmahi, gu maatala oo haisala.”

Matthew 9:29

Gai Iesu ga poo ange olaau ganomada ga hai ange, “E hai adu gi gooluu gi bei ooluu kai!”

Mark 10:52

Iesu ne hai ange gi de ia, “Hannoo, doo gai gu hagaieiangi goe.” De masavaa laa donu huu gai taane laa gu gide, gai ia ga daudali ange i Iesu i honga de haiava.

Mark 5:34

Gai Iesu ga hai ange gi de ia, “Dagu damaa hine, doo gai gu hagaieiangi goe. Hannoo ma de baba oo lodo, koe gu ieiangi mai i doo magi.”

Luke 17:19

Gai Iesu ga hai ange gi taane laa, “Hidi age hannoo; doo gai gu hagaieiangi goe.”

Luke 18:42

Iesu ne hai ange gi de ia, “Koe gi gide! Doo gai gu hagaieiangi goe.”

Luke 7:50

Iesu ne hai ange gi de hine laa, “Doo gai gu hagaola goe, hannoo i de baba.”

Luke 8:48

Aagai Iesu ga hai ange gi de ia, “Dagu damaa hine, doo gai gu hagaieiangi goe, hannoo i de baba.”

John 4:53

Gai dono damana gu iloo bolo go de aoaa donu a Iesu ne hai ange ai gi de ia, “Dau dama daane e mouli donu.” Gai ia ma dangada alodahi i dono hale gu hagadonusia.

Acts 14:9

Taane laa ne hagallongo muna a Paul. Gai a Paul ne haaina ia gu gidee bolo e dahi ono gai e maua ai i de hagaieiangi ia.

Acts 16:18

Gai ne lagolago laangi aana ne hai ai de hegau nei. Aagai a Paul gu daemaha, gai ia ga huli dua ga hai ange gi de hagasaalunga baubau, “Au e hai adu gi de goe i de ingoo o Iesu Klisdo, sao mai i ono daha.” Gai de hagasaalunga baubau gu sao mai i de masavaa laa donu huu.

Hebrews 4:2

Gai de longo danuaa ne gaamai gi gimaadeu bei de hai ne gaavange ai laa hogi gi gilaadeu; aagai agoago alaadeu ne langona teai haigamaiana ange gi gilaadeu, go hiidinga gilaadeu tee kave i de gai.