Matthew 9:13 - De Beebaa Dabu

¹³ Goodou hulo haia gi iloo e goodou de hagadoonunga o muna a de Beebaa Dabu e hai ange laa, ‘Au e lodo i de degi, e dee go ssigidaumaha.’  Go hiidinga au tee humai e hagahi gilaadeu e heohi, aagai go gilaadeu e haisala.”

Matthew 9:13 Iomraidhean Croise

Proverbs 21:3

De hai hegau i de heohi ma de hagamodu heohi e kii ange de hagamogomogo i daho Tagi Maolunga i ssigidaumaha.

Hosea 6:6

Go hiidinga au e lodo i de lodo aloha, e dee go ssigidaumaha; au e lodo i de iloo mee o de Maadua, e dee go denga sigidaumaha dudu.

Matthew 12:3

Iesu ne hai ange gi gilaadeu, “Goodou tigi dau ange naa donu hegau a David ne hai i dono saalohia ma denga daane madali ia?

Matthew 12:5

Gai goodou tigi dau ange naa hogi dagodo de oha a de gau haimeedabu de hainga o Sabbath i lo te temple, gai gilaadeu tee haisala?

Matthew 12:7

Noo goodou e iloo de hagadoonunga o muna nei, ‘Au e lodo i de lodo aloha, e dee go ssigidaumaha,’  gai goodou tee hagabaubau tangada e dee haisala.

Matthew 19:4

Iesu ne hai ange gi gilaadeu, “Goodou tigi daulia ange naa donu bolo de Maadua ne hai taane ma de hine i taamada age,

Matthew 21:42

Iesu ne hai ange gi gilaadeu, “E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege; de mee nei go Tagi Maolunga ne haia, gai e hagalele mouli i taadeu tilo.’

Matthew 3:2

ga hai ange, “Goodou daahuli oodou lodo, gu baa mai de nohoanga hodooligi o de langi!”

Matthew 3:8

Goodou hagaagona mai i oodou hegau bolo goodou gu daahuli abodonu oodou lodo.

Matthew 4:17

Mai i de masavaa laa, gai Iesu ne daamada de agoago, ga hai ange, “Daahuli oodou lodo, gu baa mai de nohoanga hodooligi o de langi!”

Mark 12:26

Gai dagodo o de mouli age ange o de gau maakau: e aha, goodou tigi dau ange naa donu de beebaa a Moses, i de mommee e sisi ai laa dagodo o de manu somo e ula ai laa de ahi? De Maadua ne hai ange gi Moses, ‘Go au de Maadua o Abraham, ma de Maadua o Isaac, aama de Maadua o Jacob.’

Mark 12:33

Gai gi aaloha i de ia i oo lodo alodahi, ma au maanadu alodahi, aama oo mahi alodahi, gai gi aloha i tangada e baa adu gi de goe bei doo aloha donu i de goe, e hagamogomogo ange i denga sigidaumaha dudu ma sigidaumaha ange laa.”

Mark 2:17

Gai ga langona huu e Iesu muna laa, gai ia ga hai ange gi gilaadeu, “Gilaadeu e mmahi e dee ssala tangada hai magi, gai go gilaadeu e mmagi e saalaa ia. Au tee humai e hagahi gilaadeu e heohi, aagai go gilaadeu e haisala.”

Luke 10:26

Iesu ne hai ange gi de ia, “Aahee muna gu sisi laa i de hainga? Gai dee hee dau hai gu daulia ange ai laa?”

Luke 19:10

Go hiidinga Tama a Tangada ne humai e ssala ma de hagaola gilaadeu gu dee maaleva laa.”

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Luke 5:31

Iesu ne hai ange gi gilaadeu, “De gau mmahi e dee ssala tangada hai magi, aagai go gilaadeu e mmagi e saalaa ia.

Luke 5:32

Au tee humai e hagahi gilaadeu e heohi, aagai ne humai e hagahi gilaadeu e haisala gi daahuli olaadeu lodo.”

John 10:34

Iesu ne hai ange gi gilaadeu, “E aha, tigi sisi i oodou hainga, e hai ange, ‘Au e hagadaba bolo goodou ni maadua donu’?

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.