Matthew 9:12 - De Beebaa Dabu

¹² Aagai ga langona huu e Iesu alaadeu muna, gai ia ga hai ange gi gilaadeu, “E dee go dangada e dee mmagi e ssala tangada hai magi, aagai go gilaadeu e mmagi e saalaa ia.

Matthew 9:12 Iomraidhean Croise

Psalm 147:3

Ia e hagaieiangi naa gilaadeu gu daemaha olaadeu lodo, ma de saabini olaadeu maanuga.

Psalm 41:4

Au ne hagadaba, “Tagi Maolunga, abodonu mai gi de au; hagaieiangi ina ogu magi, go hiidinga au gu haisala adu gi de goe.”

Psalm 6:2

Tagi Maolunga, abodonu mai gi de au, au gu deai ogu mahi. Tagi Maolunga, hagaieiangi ina ngau, au gu duasala mmao.

Jeremiah 17:14

Tagi Maolunga, hagaieiangi ina au, gi ieiangi ai au; hagaola ina au, gi ola ai au, i hiidinga go koe aagu e tuhi.

Jeremiah 30:17

Aagai au e hagaieiangi naa goe, ma de hai gi mmahu oo maanuga, go Tagi Maolunga e hagadaba, go hiidinga koe ne hagaingoo ange bolo se ia e kino ai dangada, ma Zion e deai laa dangada e anga ange aagena.

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Jeremiah 8:22

E aha, gu deai laa valaai i Gilead? Gai e deai laa se dangada hai magi i kilaa? Gai gu aha gu deai ai se ia e hagaieiangi ina maanuga o ogu dangada?

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Matthew 18:11

[Go hiidinga Tama a Tangada ne humai e hagamouli gilaadeu gu dee maaleva.]

Mark 2:17

Gai ga langona huu e Iesu muna laa, gai ia ga hai ange gi gilaadeu, “Gilaadeu e mmahi e dee ssala tangada hai magi, gai go gilaadeu e mmagi e saalaa ia. Au tee humai e hagahi gilaadeu e heohi, aagai go gilaadeu e haisala.”

Luke 5:31

Iesu ne hai ange gi gilaadeu, “De gau mmahi e dee ssala tangada hai magi, aagai go gilaadeu e mmagi e saalaa ia.

Luke 8:43

Gai e dahi hahine ne magi dodo i e madaangahulu ma lua ngadau; ia ne gaavange ana mee alodahi gi de gau hai magi, gai teai donu se gilaadeu ne maua i de hagaieiangi ia.

Luke 9:11

Aagai ga iloo huu e dangada soa, gai gilaadeu ga daudali ange i de ia. Gai ia ga abodonu ange gi gilaadeu ma de agoago ange gilaadeu i dagodo o de nohoanga hodooligi o de Maadua, ma de hagaieiangi gilaadeu e mmagi.

Colossians 4:14

Luke, tangada hai magi hagamogomogo e gaavadu hogi dana hagaboo gi goodou, aama Demas.