Matthew 8:6 - De Beebaa Dabu

⁶ ga hai ange, “Tagi Maolunga, dogu dangada hai hegau e made dono angaanga ma e dagodo i de hale, ia e sae mmao.”

Matthew 8:6 Iomraidhean Croise

Matthew 4:24

Gai ono longo gu dele i Syria alodahi, gai dangada ga gaamai gi ono daha dangada iai denga hagadaagangaa magi alodahi, ma gilaadeu e duasala i de mmae, ma gilaadeu iai denga hagasaalunga baubau, ma gilaadeu e llele age, ma gilaadeu e baagia, gai ia ga hagaieiangi gilaadeu.

Matthew 8:7

Gai Iesu ne hai ange gi de ia, “Au e hano donu e hagaieiangi ia.”

Matthew 9:2

Gai tilo, hanu dangada ne saabai mai gi Iesu dahi daane balagelage i honga dono moenga. Gai de masavaa huu a Iesu ne gidee ai olaadeu kai, gai ia ga hai ange gi taane balagelage laa, “Dagu dama, koe gi lodo mmahi, gu maatala oo haisala.”

Acts 10:7

Gai de masavaa o tangada de langi ne basa ange laa gi de ia ne hano gee ai, gai Cornelius ne hagahi e dogolua ono dangada hai hegau ma dahi ono daane hebagi e madagu laa i de Maadua, e hai hegau ange laa gi de ia.

Acts 8:7

Gai denga hagasaalunga baubau ne oo ma de ssao ga hulo gee mai i daho dangada soa; ne soa hogi de gau balagelage ma de gau baagia ne ieiangi.

Acts 9:33

Gai ga dae huu ia gi kilaa, aagai ia gu hedae ange gi taane e hagaingoo ange laa go Aeneas, ia se daane balagelage gu magi i e valu ngadau.

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

Colossians 4:1

Denga gau aamua, goodou haia gi heohi ma de soe de hai oodou e hai hegau ange ai gi oodou dangada hai hegau, go hiidinga goodou e iloo bolo e dahi donu hogi oodou Ia Aamua i de langi.

1 Timothy 6:2

De gau hai hegau o tangada aamua gu hagadonusia laa gi dee hagangadi mee ina ia, i hiidinga ia gu se daina, aagai gi kii ange delaadeu hai hegau danuaa ange gi de ia, go hiidinga dangada e hagadanuaa i alaadeu hegau ni dangada gu hagadonusia, gai ni daina hagamogomogo donu hogi niiolaadeu. Koe gi agoagona mee nei ma de hagammahi ange dangada gi hai hegau ai.

Philemon 1:16

Iainei ia gu dee se dangada hai hegau donu huu, aagai gu kii ange i tangada hai hegau, ia gu se daina hagamogomogo. Ia e dee se daina hagamogomogo mai donu huu gi de au, gai e kii ange naa donu doo aloha i de ia, i hiidinga ia se dangada hai hegau niiou, gai se daina hogi i lodo o Tagi Maolunga.