Matthew 8:27 - De Beebaa Dabu

²⁷ Gai ana dangada agoago gu llele mouli ga hagataba, “Se dangada bee hee deenei? De madangi ma de vai ne hagallongo ange gi de ia!”

Matthew 8:27 Iomraidhean Croise

Matthew 14:33

Gai gilaadeu i lo te boose laa ne ino gi lalo ga daumaha ange gi Iesu, ga hai ange, “Ni muna abodonu, go koe donu Tama Daane a de Maadua.”

Matthew 15:31

Gai dangada soa gu llele mouli i delaadeu gidee tangada e dee basa laa gu basa, tangada baagia gu ieiangi, tangada balagelage gu seesee, gai tangada dee gide gu gidee. Gai gilaadeu ga tuhi de Maadua o Israel.

Matthew 8:10

De masavaa huu a Iesu ne langona ai ana muna, gai ia gu lele ono mouli ga hai ange gi dangada e daudali ange laa i de ia, “Ni muna abodonu aagu e hai adu nei gi goodou, au tigi gidee dahi gai laumalie bee nei i magavaa o de gau Israel.

Matthew 8:26

Iesu ne hai ange gi gilaadeu, “Gu aha gu maatagu ai naa goodou? Oodou kai e vaaligiligi mmao!” Aagai ia ga hagasee de madangi ma de vai, gai gu malino ange hogi.

Matthew 8:28

Gai dono masavaa huu ne dae ai gi de baasi laa o de vai, i de henua o de gau Gadarene, gai ia gu hedae ange gi e dogolua daane iai denga hagasaalunga baubau, e ssao mai i lodo daanunga. Gilaau e kona mmao de hagamaatagu olaau dagodo, deelaa ai, gu deai dangada e maua i de loomai laa kilaa.

Mark 1:27

Gai dangada alodahi gu llele mouli, ga hagadau pasa i olaadeu magavaa, ga hagataba, “Se aha deenei? Ni agoago hoou? Ia ne basa ange gi denga hagasaalunga baubau i ssauaa, gai gilaadeu ne hagallongo ange gi de ia.”

Mark 6:51

Gai ia ga gage age gi olaadeu daha i lo te boose, gai de madangi gu sili. Gai ana dangada agoago gu llele mouli,

Mark 7:37

Gai dangada gu llele mouli mmao, ga hagataba, “Mee alodahi a taane nei e hai e danuaa. Ia gu hai donu hogi gilaadeu e longoduli gi langona, gai gilaadeu e dee pasa gu pasa!”