Matthew 8:20 - De Beebaa Dabu

²⁰ Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Matthew 8:20 Iomraidhean Croise

Psalm 104:12

Denga manu llele gu hai olaadeu hoohanga i gaogao denga vai, gai gilaadeu e koo i magavaa laa o denga manu ssomo.

Psalm 104:17

Denga manu llele e hai olaadeu hoohanga i kilaa, gai de stork e hai dono hale i lo tenga fir.

Psalm 109:22

Au gu duasala ma de hagaaloha ogu dagodo, gai ogu lodo gu daemaha mmao.

Psalm 40:17

Gai ogu dagodo, au se dangada hagaau aloha ma de duasala; gai de Ia Aamua gi manadua mai au. Go koe dogu bale aama dogu Ia Hagaola; dogu Maadua, koe gi dee hagammule mai!

Psalm 69:29

Au e duasala ma de mmae; dogu Maadua, koe gi hagaola ina ma de dugu age au gi de mommee maolunga!

Psalm 84:3

De sparrow e dahi ono hale, gai de swallow e dahi hoohanga, e dugu ai ana dama, i gaogao au mommee o ssigidaumaha, Tagi o denga hagabuulinga hebagi, dogu Hodooligi ma dogu Maadua.

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Matthew 12:32

Be goai e daalaa dahi muna e hai baasi ange ai gi Tama a Tangada, gai e tala donu ono haisala, aagai be goai e daalaa hanu muna e hai baasi ange ai gi de Hagasaalunga Dabu, gai e dee tala donu ono haisala iainei, aabe go de masavaa e humai.

Matthew 12:40

Jonah ne noho i lo te dinae o dahi mamu laumalie i e dolu laangi ma e dolu boo; gai e bei ai hogi, Tama a Tangada e dagodo naa i lalo de gelegele i e dolu laangi ma e dolu boo.

Matthew 12:8

Go hiidinga Tama a Tangada go de Ia Aamua o Sabbath.”

Matthew 13:37

Ia ne hai ange gi gilaadeu, “Tangada ne dooa golee danuaa laa go Tama a Tangada.

Matthew 16:13

De masavaa o Iesu ne hano ai gi de vaaenga o Caesarea Philippi, gai ia ga ssili ange gi ana dangada agoago, “Dangada e hagataba laa bolo goai Tama a Tangada?”

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Matthew 17:9

De masavaa olaadeu e loiho ai i de mounga laa, gai Iesu ga hai ange gi gilaadeu, “Goodou aude daalaa ange gi dangada oodou mee ne gidee nei, ga dae ai gi de mouli age o Tama a Tangada mai i de magau.”

Matthew 19:28

Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.

Mark 8:38

Be goai e dogaa i de au ma agu muna i magavaa o de atangada baubau ma de haisalasala nei, gai Tama a Tangada e dogaa naa hogi i de ia, i dono masavaa e ahe mai ai i de mahamaha o dono Damana madali de gau de langi dabu.”

Luke 12:8

“Au e hai adu gi goodou, be goai e daalaa bolo ia se dangada niiogu i madamada o dangada, gai Tama a Tangada e tala naa hogi bolo ia se dangada niiona i madamada o denga dangada de langi o de Maadua.

Luke 18:8

Au e hai adu gi goodou, e deai, ia e hagamoolau naa donu ga bale ange gilaadeu. Gai e aha, e maua naa e Tama a Tangada i de gidee hanu e kai i henua i lalo, i dono masavaa e ahe mai ai?”

Luke 2:12

Gai deenei de hagailonga adu gi goodou: goodou e gidee naa dahi gaagaa e saabini i de malo saabini ma e hagadagodo i lo te mommee gaimee o denga manu.”

Luke 2:16

Gai gilaadeu ne hagamoolau ga hulo gi kilaa, gai gilaadeu gu gidee Mary ma Joseph, aama de gaagaa e hagadagodo laa i de mommee gaimee o denga manu.

Luke 2:7

Gai ia ga haanau dana dama daane madua, ga saabini i de malo saabini ga hagadagodo i de mommee gaimee o denga manu, go hiidinga gu deai selaadeu mommee i de hale gaainga.

Luke 21:36

Aagai goodou dagitilo ma de dalodalo i masavaa alodahi gi mmahi ai goodou i de saavini e hulo gee i mee alodahi e loomai, ma de tuu i mada luu mada o Tama a Tangada.”

Luke 8:3

ma Joanna de bodu o Cuza, go taane e diiloo ange mee o Herod, aama Susanna. E soa ange haahine ne balea ange gilaadeu i olaadeu goloa donu.

Luke 9:58

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

John 1:51

Iesu ne hai ange hogi, “Ni muna abodonu, ni muna abodonu aagu e hai adu nei gi goodou, goodou e gidee naa de langi e hhuge, gai dangada de langi o de Maadua e loage aama de loiho gi honga o Tama a Tangada.”

John 12:34

Dangada ne hai ange gi de ia, “Gimaadeu gu langona mai i de hainga bolo de Klisdo e mouli naa donu huu ga hano ai. Gai dee hee dau hai e tala mai ai naa bolo Tama a Tangada e hagaduu age? Goai Tama a tangada oou e basa ai naa?”

John 13:31

Gai ga hano gee huu Judas, gai Iesu ga hagadaba, “Gu dae mai de masavaa e hagamahamaha ai Tama a Tangada, gai de Maadua ga hagamahamaha naa i ono daha.

John 3:13

Tigi ai donu se dangada ne hanage gi de langi, aagai go Tama a Tangada donu huu ne hano iho laa i de langi.

John 3:14

Moses ne hagaduu age de labodo i de vao, gai Tama a Tangada e hagaduu age naa hogi,

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

John 6:53

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, noo goodou e dee gai de angaanga o Tama a Tangada ma de unu ono dodo, aagai e deai se mouli i oodou daha.

John 6:62

Gai aahee naa oodou muna noo goodou e gidee Tama a Tangada e hanage gi de mommee oona nogo noho ai i mua?

Acts 7:56

gai ia ga hagadaba, “Tilo, au e gidee de langi gu mahuge, gai Tama a Tangada e duu i de baasi madau o de Maadua.”

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.