Matthew 8:16 - De Beebaa Dabu

¹⁶ De ahiahi laa gai dangada ne gaamai gi Iesu dangada soa iai denga hagasaalunga baubau, gai ia ne hai gi hulo denga hagasaalunga laa i dahi muna daudahi, ma de hagaieiangi denga magi alodahi.

Matthew 8:16 Iomraidhean Croise

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

Matthew 12:22

Dangada ne gaamai hogi gi Iesu dahi dangada dee gide ma de lau de alelo, go hiidinga de hagasaalunga baubau e noho i ono daha; gai Iesu ga hagaieiangi ia, gai taane laa gu basa ma de gidee.

Matthew 14:14

Gai ga dae huu Iesu gi de mommee laa ga hanage gi uda, gai ia gu gidee dangada soa mmao, aagai ia gu lodo aloha i gilaadeu ga hagaieiangi alaadeu magi.

Matthew 8:15

Gai ia ga poo ange dono lima; gai dono angaanga gu dee vvela. Aagai de hine laa ga hidi age ga hai ange hanu gai e gaimee ai gilaadeu.

Matthew 8:33

Gai dangada e diiloo ange laa denga biigi ga saavini ga hulo gi de aduhale ga tala mee hugadoo gu hai laa, ma mee gu hai ange gi luu daane iai laa denga hagasaalunga baubau.

Matthew 9:2

Gai tilo, hanu dangada ne saabai mai gi Iesu dahi daane balagelage i honga dono moenga. Gai de masavaa huu a Iesu ne gidee ai olaadeu kai, gai ia ga hai ange gi taane balagelage laa, “Dagu dama, koe gi lodo mmahi, gu maatala oo haisala.”

Mark 2:3

Gai e dogohaa daane ne loomai ga saabai mai dahi daane balagelage gi ono daha.

Mark 5:8

(Go hiidinga Iesu ne hai ange gi de hagasaalunga baubau laa, “Sao mai ma gi hano gee mai i daho taane nei!”)

Mark 9:25

Gai ga gidee huu e Iesu dangada soa gu saavini mai gi kilaa, aagai ia ga hagasee de hagasaalunga baubau laa, ga hai ange gi de ia, “De hagasaalunga e noodia laa dono alelo ma de pono luoono dalinga, au e hai adu gi de goe, sao mai i ono daha, gai koe aude ahe ange donu gi ulu gi ono lodo!”

Luke 13:12

Gai de masavaa huu a Iesu ne gidee ai ia, gai ia ga hagahi ia ga hai ange, “De hine nei, koe gu ieiangi mai i doo magi!”

Luke 4:40

Gai ga dai danu huu de laa, gai dangada alodahi e hanu olaadeu dangada e mmagi i denga hagadaagangaa magi ga gaamai gilaadeu gi Iesu, gai ia ga dugu ange dono lima gi olaadeu elunga ga hagaieiangi gilaadeu.

Luke 4:41

Denga hagasaalunga baubau ne ssao hogi ga hulo gee mai i daho dangada soa, aagai gilaadeu ga hevaalogi ga hagataba, “Go koe donu Tama Daane a de Maadua!” Gai Iesu ga hagasee gilaadeu gi dee pasa, go hiidinga gilaadeu e iloo bolo ia go de Klisdo.

Acts 5:15

Deelaa ai, dangada gu gaamai de gau mmagi gi gaogao denga haiava ga hagadaakodo ai i honga olaadeu moenga ma honga hagahala, gi hanange ai de ada o Peter gi honga o hanu gilaadeu i de masavaa oona e seesee mai ai laa kilaa.