Matthew 8:13 - De Beebaa Dabu

¹³ Gai Iesu ne hai ange gi tagi o de lau, “Hannoo! Gai e hai donu gi bei dagodo o doo gai.” Gai dono dangada hai hegau gu ieiangi i de aoaa laa donu huu.

Matthew 8:13 Iomraidhean Croise

Ecclesiastes 9:7

Hannoo, gaina au gai ga malangilangi, ma de unu au uvaini ga lodo danuaa, go hiidinga de Maadua e malangilangi i dau hai mee nei.

Matthew 15:28

Aagai Iesu ga hai ange gi de hine laa, “De hine, doo gai e laumalie mmao! Gu hai donu gi bei dau dangidangi.” Aagai de hagasaalunga baubau gu hano gee i daho dana damaa hine i de masavaa laa donu huu.

Matthew 17:20

Ia ne hai ange gi gilaadeu, “Go hiidinga de kona de vaaligiligi oodou kai. Ni muna abodonu aagu e hai adu nei gi goodou, noo oodou kai e vaaligiligi bei de golee o de mustard, gai goodou e maua i de hai ange gi de mounga nei, ‘Ngalue gee mai i kinei hannoo gi kilaa!’, gai e ngalue donu. E deai donu se mee daudahi oodou e dee maua i de hai! [

Matthew 8:4

Gai Iesu ga hai ange gi de ia, “Aude daalaa ange mee nei gi dahi dangada daudahi, gai koe hannoo hagaagona ange goe gi tangada haimeedabu, ma de hai ssigidaumaha gi bei dagodo muna a Moses, e hagadonu ai ⌊doo ieiangi⌋ i olaadeu daha.”

Matthew 9:22

Aagai Iesu ne huli dua ga gidee e ia de hine laa, gai ia ga hai ange, “Dagu damaa hine, hagamaamaane ina oo lodo, doo gai gu hagaieiangi goe.” De masavaa laa donu huu gai de hine laa gu ieiangi.

Mark 7:29

Gai Iesu ga hai ange gi de hine laa, “Go hiidinga o au muna, hannoo; de hagasaalunga baubau gu hano gee mai i daho dau damaa hine!”

Mark 9:23

Iesu ne hai ange gi de ia, “ ‘Noo koe e maua,’ — mee alodahi e maua donu i de hai ange gi tangada e hagadonusia.”

John 4:50

Iesu ne hai ange gi de ia, “Hannoo, dau dama daane e mouli donu.” Taane laa ne hagadonusia muna a Iesu ne tala ange gi de ia, gai ia ga ahe gi dono hale.