Matthew 7:7 - De Beebaa Dabu

⁷ “Dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou.

Matthew 7:7 Iomraidhean Croise

Genesis 26:32

De laangi laa gai de gau hai hegau o Isaac ne loomai ga tala ange gi de ia, dagodo o de vai geli alaadeu gu geli laa, ga hai ange, “Gimaadeu gu gidee hanu vai.”

1 Kings 3:5

De boo laa gai Tagi Maolunga ne hakide ange gi Solomon i Gibeon i de midi, gai de Maadua ga hai ange, “Dangidangi mai gi de au i oo mee e lodo ai, gai au ga gaavadu gi de goe!”

Psalm 10:17

Gai koe, Tagi Maolunga, ne hagallongo lodo o olaadeu e vaivai haia; koe e hagammahi ange olaadeu lodo, ma de hagallongo delaadeu tangi,

Psalm 10:4

Tangada baubau e dee ssala de Maadua i dono lodo hagamaolunga; gai de Maadua e dee maleva donu i lodo ana maanadu alodahi.

Psalm 119:12

Tagi Maolunga, au e hagadegi goe; agoago ina mai au i au hainga gu hagasauaa!

Psalm 27:8

Koe gu hai mai, “Saalaa gi gidee e goodou luoogu mada!” Ogu lodo e hai adu gi de goe, “Tagi Maolunga, au e ssala donu gi gidee e au luoo mada!”

Psalm 34:4

Au ne ssala Tagi Maolunga, gai ia ne basa mai gi de au; ia ne hagaola mai au i mee alodahi oogu e madagu ai.

Psalm 37:4

Koe gi malangilangi i Tagi Maolunga, gai ia ga gaavadu gi de goe oo mee e lodo ai.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 69:32

Gai gi malangilangi ai gilaadeu e duasala i delaadeu gide mee nei; dangada e saalaa de Maadua e maamaane olaadeu lodo.

Psalm 70:4

Aagai haia dangada alodahi e saalaa goe gi malangilangi ma de llodo danuaa i de goe; gai dangada e llodo i dau hagaola gi hagataba i masavaa alodahi, “Hagaamua ina de Maadua!”

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Proverbs 8:17

Au e aloha i gilaadeu e aaloha i de au, gai gilaadeu e hagammahi e saalaa au e gidee naa e gilaadeu au.

Song of Songs 3:2

Au e hidi age naa e hano laa lo te aduhale gi lodo haiava ma lodo duu malaelae i kilaa; gai au ga ssala ai de ia oogu e aloha ai. Au ne ssala ia, aagai au tee gidee ia.

Isaiah 30:19

Dangada o Zion, e nnoho laa i Jerusalem, goodou e tuu naa doodou tangi. Ia e abodonu adu naa donu gi goodou i doodou tangi ange ia gi balea adu goodou. De masavaa naa donu huu aana e langona ai, gai ia ga basa adu gi goodou.

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Amos 5:4

Gai aanei muna a Tagi Maolunga ange gi dangada o Israel: “Goodou saalaa mai au gi mouli ai goodou;

Matthew 18:19

Au e hai adu hogi gi goodou, noo e dogolua i henua i lalo e buni i de mee olaau e dangidangi ai, gai dogu Damana i de langi e hai donu gi bei.

Matthew 21:22

Gai be se aha naa huu oodou e dangidangi ai i talodalo, gai e gaavadu donu gi goodou, noo goodou e hagadonusia.”

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Matthew 7:11

Deenei ai, goodou ni dangada baubau, aagai goodou e iloo i de gaavange mee danuaa gi oodou dama; gai e kii ange donu doodou Damana i de langi i de maua i de gaavange mee danuaa gi gilaadeu e dangidangi ange ai gi de ia!

Matthew 7:8

Go hiidinga tangada e dangidangi e maua naa donu ana mee, gai tangada e saalaa e gidee naa donu, gai tangada e dugidugia e hhuge ange naa donu de haitoga gi de ia.

Mark 11:24

Deenei ai, au e hai adu gi goodou, be se aha naa huu oodou e dangidangi ai i talodalo, ga hagadonu bolo e maua donu, aagai e gaavadu donu gi goodou.

Luke 13:25

De masavaa naa huu o tangada niiona de hale e pono ai de haitoga, gai goodou e tuu naa i duaahaho ga dugidugi ai de haitoga, ga hai ange, ‘Tagi Maolunga, huugea mai de haitoga e ulu adu ai gimaadeu!’ Gai ia e hai adu naa gi goodou, ‘Au e dee iloo donu be go hee oodou ne loomai ai!’

Luke 18:1

Iesu ne tala ange hogi dahi mee hagasengasenga gi ana dangada agoago, e hagammahi ange ai gilaadeu gi dalodalo i masavaa alodahi gai gi dee baageaa olaadeu lodo.

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

John 15:7

Noo goodou e nnoho i ogu lodo, gai agu muna e daakodo i oodou lodo, gai be se aha naa huu oodou e dangidangi mai ai, gai e gaavadu donu gi goodou.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

Romans 3:11

e deai donu se dangada e donu ange; e deai donu se dangada e saalaa de Maadua.

Hebrews 11:6

Noo e deai se gai, aagai e dee maua donu i de hagamalangilangi de Maadua, go hiidinga tangada e humai gi de Maadua, gi hagadonusia bolo e dahi donu Maadua, gai ia e hagao ange gilaadeu e hagaduu ngae e saalaa ia.

James 5:15

Gai talodalo e hai i de gai e hagaieiangi donu tangada magi; gai Tagi Maolunga e hagaieiangi donu ia. Gai noo ia gu haisala, aagai ono haisala gu maatala.

1 John 3:22

gai e maua mee alodahi odaadeu e dangidangi ai, go hiidinga gidaadeu e daohi ana muna, ma de hai ono mee e malangilangi ai.