Matthew 7:15 - De Beebaa Dabu

¹⁵ “Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

Matthew 7:15 Iomraidhean Croise

1 Kings 13:18

Gai ia ga hai ange gi taane laa, “Au se pelaabisi hogi bei oo dagodo, gai tangada de langi ne tala mai muna a Tagi Maolunga, ga hai mai, ‘Hannoo hagaahea mai ia madali goe gi doo hale, e gaimee ai ia ma de unu.’ ” Aagai ia ne hadu muna ange gi de ia.

Jeremiah 29:21

E hagadaba Tagi o denga hagabuulinga hebagi, de Maadua o Israel i dagodo o Ahab, tama daane a Kolaiah, ma Zedekiah tama daane a Maaseiah, go luu daane ne hadu muna adu gi goodou i delaau pasa pelaabisi i dogu ingoo: Tilo, au e dugu ange naa gilaau gi Nebuchadnezzar, de hodooligi o Babylon, gai ia e daa naa gilaau gi maakau i oodou mada i mua.

Jeremiah 29:32

deenei ai, e hagadaba Tagi Maolunga, au e hagaduasala naa donu Shemaiah taane Nehelam ma ono hagadiilinga. Gai e deai naa donu ono dangada e doe i magavaa o de huaadangada nei, aabe e gidee mee danuaa aagu gu dai hai ange gi dogu huaadangada, go Tagi Maolunga e hagadaba, go hiidinga ia ne agoago ange dangada gi hai baasi mai gi de au.’ ”

Ezekiel 13:16

go denga pelaabisi o Israel ne daalaa laa i dagodo o Jerusalem, ma de gidee denga midi hagaago ange i dagodo o de nnoho baba o de aduhale, i de masavaa e deai ai se nnoho paba i kilaa, go de Ia Aamua go Iahweh e hagadaba.” ’

Ezekiel 13:22

Goodou gu hai ma gu llodo baageaa gilaadeu e heohi i oodou muna hhadu, gai e dee go au donu ne hagadaemaha ina gilaadeu; gai goodou ne hagammahi ange de gau baubau gi dee daahuli gee ai gilaadeu i alaadeu hegau baubau gi mouli ai gilaadeu.

Ezekiel 22:25

Ono pelaabisi gu heloongoi i dahi mee, gilaadeu e bei de laiono e haganngolo laa i dana masavaa e gai ai de manu aana gu mau; gilaadeu e daa dangada gi maakau, gilaadeu e kave goloa ma mee hagamogomogo ma de hai gi soa haahine gu maakau olaadeu bodu i kilaa.

Ezekiel 22:27

Ono dangada aamua e bei denga wolf e hangahanga ina laa alaadeu manu gu mau. Gilaadeu gu hagassali dodo o dangada ma de daa gilaadeu ga maakau gi maua ai olaadeu goloa i hegau dee heohi.

Daniel 11:34

Gai de masavaa naa huu olaadeu e maakau ai, gai gilaadeu e kave naa dahi damaa bale, gai e soa naa dangada e dau ange gi gilaadeu, i de hagasenga.

Micah 3:11

Dagi o Jerusalem e hagamodu muna e kave ai denga ngadi gaavange hagasenga, de gau haimeedabu e agoago e kave ai dahi hagaoanga, gai denga pelaabisi e tala mee tigi loomai e kave ai denga sseene. Aagai gilaadeu e hagataba bolo delaadeu tali go Tagi Maolunga, “E aha, Tagi Maolunga e dee noho nei i odaadeu daha? E deai naa donu se hai ngadaa e baa i gidaadeu.”

Zechariah 13:4

De laangi laa gai denga pelaabisi e dookaa naa i de tala mee gu hagaago ange gi gilaadeu i de midi. Gilaadeu e dee kahu naa i malo daladala o de pelaabisi e daahanga ai dangada.

Matthew 10:17

Goodou dagidiiloo iho goodou, go hiidinga dangada e gaavange naa goodou gi de hagabuulinga hagasaele, ma de hagailiili goodou i lodo olaadeu synagogue.

Matthew 16:11

E aha, goodou tigi tonu ange naa donu bolo au tee basa adu i denga pelaoaa? Gai au e hai adu goodou gi kana ange i mee hagahua a denga Pharisee ma Sadducee.”

Matthew 16:6

Iesu ne hai ange gi gilaadeu, “Goodou kana ange dagidiiloo goodou i mee hagahua a denga Pharisee ma denga Sadducee.”

Matthew 24:11

E soa naa hogi pelaabisi hadu muna e loomai ga daahanga dangada soa.

Matthew 7:14

Aagai e mada damaa mee de haitoga ma de gasogaso de haiava e hano gi de mouli, gai e sogoisi donu huu e gidee.

Luke 12:15

Gai ia ga hai ange gi dangada, “Goodou kana ange dagidiiloo gi dee nnoo hagamau mee goodou; go hiidinga de mouli o tangada e dee go goloa lagolago.”

Luke 6:26

E vakaa naa goodou noo dangada alodahi e tuhi goodou; olaadeu dubuna madagidagi ne tuhi hogi denga pelaabisi hadu muna.

John 10:12

Tangada hagaloosi hagao e dee go tangada hagaloosi ssiibi abodonu, niiana laa denga ssiibi. Deelaa ai, de masavaa naa huu aana e gidee ai de humai o de wolf, gai ia ga tili denga ssiibi, gai ga savini ga hano. Gai de wolf ga humai ga daa de hagabuulingaa ssiibi ga hagamavaevae saele.

Acts 13:40

Deenei ai, goodou dagidiiloo gi dee tuu adu gi goodou mee a denga pelaabisi gu tala laa,

Acts 13:6

Gai de masavaa olaau ne hagadaga saele ai i de modu laa ga tae gi Paphos, gai gilaau gu hedae ange gi dahi daane hai huuhuaa mee i kilaa. Ia se dangada Ssuu, gai se pelaabisi hadu muna, dono ingoo go Bar-Jesus.

Galatians 2:4

Gai de mee nei ne hai i hiidinga o dangada e dee hagadonusia gu ulu mai laa gi odaadeu magavaa, ma e dagitilo ai dagodo o demaadeu ilaage i daho Klisdo Iesu, gai gilaadeu ga hai ai gimaadeu gi ni dangada hai hegau dee ilaage.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

Ephesians 5:6

Goodou gi dee dugua ange dahi dangada gi hagasengalia goodou i hanu ngadi muna; go hiidinga aanei mee e haia ga humai de bole o de Maadua gi gilaadeu e dee hagallongo ange gi ana muna.

Philippians 3:2

Goodou dagidiiloo denga gaaduu ma gilaadeu e haia de baubau, aama gilaadeu e duuduudia olaadeu angaanga.

Colossians 2:8

Goodou diiloo maalie gi deai dangada e gaavee oodou lodo i denga hagasaele ma maanadu hadu muna e deai ono haigamaiana, e daudali laa i dahulinga a dangada ma hagasaalunga mmahi o henua i lalo, gai e dee bei dagodo lodo o Klisdo.

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

2 Timothy 4:3

I hiidinga e dae mai naa de masavaa a dangada e dee llodo ai e hagallongo denga agoago heohi, gai ga daudali ange i gilaadeu e agoagona mee olaadeu e malangilangi i de hagallongo.

2 Peter 3:17

Deenei ai, ogu soa hagamogomogo, goodou gu iloo donu mee nei, gai goodou dagidiiloo gi dee hagasengalia goodou i alaadeu agoago dee heohi, ga dee maua ai e goodou i de tuu gi makaga.

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Jude 1:4

Go hiidinga hanu dangada gu ulu hagammuni adu gi oodou magavaa, aanei gilaadeu gu sisi laa madagidagi bolo e hagaduasala. Gilaadeu ni dangada baubau, gilaadeu e hagahadu muna de abodonu o taadeu Maadua gi maua ai e gilaadeu i de hai denga dahulinga hakino gee, gai ga hagangadi mee taadeu Ia Aamua ma Tagi Maolunga e dahi laa donu huu, go Iesu Klisdo.

Revelation 16:13

Gai au ne gidee e dolu hagasaalunga baubau bei hoolinga o denga kailu, e ssao mai i lo te ngudu o de dragon, ma lo te ngudu o de manu alasala laa, aama lo te ngudu o de pelaabisi hadu muna laa.

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

Revelation 20:10

Gai de ia hagabaubau e daahangadia laa gilaadeu gu tili ange gi lo te ahi ula ma denga sulfur e ssali laa bei vai, go de mommee ne tili ange aagena de manu alasala ma de pelaabisi hadu muna laa, gai gilaadeu e hagaduasala naa i de laangi ma de boo ga hano ai e dee ngado mai.