Matthew 7:11 - De Beebaa Dabu

¹¹ Deenei ai, goodou ni dangada baubau, aagai goodou e iloo i de gaavange mee danuaa gi oodou dama; gai e kii ange donu doodou Damana i de langi i de maua i de gaavange mee danuaa gi gilaadeu e dangidangi ange ai gi de ia!

Matthew 7:11 Iomraidhean Croise

Genesis 6:5

Gai Tagi Maolunga gu gidee bolo gu kona mmao de baubau o dangada i henua i lalo, gai alaadeu dahulinga ma maanadu i olaadeu lodo i masavaa alodahi go de baubau donu huu.

Genesis 8:21

Gai Tagi Maolunga gu dungua de kala o ssigidaumaha laa, gai Tagi Maolunga ga hagadaba i ono lodo: “Au gu dee ahe ange naa donu e hagamalaia de gelegele i hiidinga o dangada, e dee galemu donu maanadu i lodo o tangada, e baubau donu mai i dono gauligi. Au gu dee ahe ange naa donu e daa gi maakau mee alodahi e mouli, bei dagu hai ne hai ai nei i de haonga nei.

2 Samuel 7:19

Dogu Ia Aamua go Iahweh, e dee deenei donu huu dau mee gu hai; gai koe gu tala hogi dagodo o de aamuli o doo dangada hai hegau i muli mai. Dogu Ia Aamua go Iahweh, deenei dau hagatau ange gi dangada?

De Beebaa go Job 15:16

gai tangada hakino gee ma de haisala e kii mai ange donu, ia se dangada e unumia tee heohi bei denga vai!

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Psalm 85:12

Tagi Maolunga e gaamai de mee danuaa, gai demaadeu gelegele e hhua lagolago naa.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Isaiah 49:15

E aha, e maua e dahi dinana gi ngalo dana dama ne haau, aabe gi dee lodo aloha ange gi dana dama ne haanau? Gai ga ngalo naa donu e ia dana dama, aagai au e dee ngalo donu goe!

Isaiah 63:7

Au e tala dagodo de abodonu o Tagi Maolunga, ma hegau e heohi laa de tuhi ai ia, i hiidinga hegau alodahi a Tagi Maolunga ne hai mai gi gidaadeu, ma mee danuaa aana ne hai ange gi de gau Israel, bei dagodo o dono lodo aloha ma dono abodonu laumalie.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Jeremiah 33:14

Tilo, e tae mai naa laangi, go Tagi Maolunga e hagadaba, aagu e hagassula ai dagu hagatoo donu danuaa ange gi dangada o Israel ma dangada o Judah.

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Matthew 23:9

Goodou aude hagahia ange hogi ‘tamana’ gi dahi dangada, go hiidinga e dahi donu huu oodou Damana, ia e noho i de langi.

Matthew 7:10

Aabe ia e dangidangi adu i hanu mamu, gai dono damana ga gaavange dahi labodo gi de ia?

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

Romans 3:9

Aahee ai adaadeu muna ange gi mee nei? E maua e gidaadeu de gau Ssuu i de hagataba bolo gidaadeu e kii ange tanuaa? E dee maua donu! Gidaadeu gu lava i de hagaago danuaa mai bolo de gau Ssuu ma denga Gentile alodahi gu too ange gi lalo ssauaa o de haisala,

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?

Galatians 3:22

Aagai de Beebaa Dabu e hagadaba bolo dangada alodahi gu nnoho i lalo ssauaa o de haisala; gai go gilaadeu e kai ange gi Iesu Klisdo e gaavange aagena de hagatoo donu i delaadeu hagadonusia.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

1 John 3:1

Ga dae laa de laumalie de aloha o Tamana i gidaadeu, i dana hagabinga bolo gidaadeu go dama a de Maadua! Gai aanei donu odaadeu dagodo. Deenei ai, henua i lalo e dee iloo gidaadeu, go hiidinga e dee iloo de Maadua.

1 John 4:10

Gai deenei tagodo o de aloha: e dee go gidaadeu ne aaloha ange gi de Maadua, aagai go ia ne aloha mai gi gidaadeu ga gave iho dana Dama Daane e hai ai ssigidaumaha e tala ai odaadeu haisala.