Matthew 7:1 - De Beebaa Dabu

¹ “Goodou gi dee hagamodu ina muna o dahi, gi dee hagamodu ina ai oodou muna.

Matthew 7:1 Iomraidhean Croise

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Matthew 7:2

Go hiidinga goodou e hagamodu naa hogi oodou muna, bei doodou hai ne hagamodu ai muna o de gau ange laa, gai de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.

Matthew 7:5

Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.

Luke 6:37

“Goodou gi dee hagamodu ina muna o dahi, gi dee hagamodu ina ai oodou muna. Goodou gi dee hagabuu ina ange ssala gi dahi, gi dee hagabuu ina adu ai ssala gi goodou. Goodou degi ange gi dangada, gi degi adu ai de Maadua gi goodou.

Luke 6:41

Gai gu aha goe gu galo ange ai e tilo talaa gainga i lo te ganomada o doo daina, gai koe e dee gidee tuudangaa laagau i lo too ganomada donu?

John 8:7

Gai ga usuusuhia anga huu e gilaadeu ia, gai ia ga hidi age ga hai ange gi gilaadeu, “Goai naa huu i oodou magavaa e deai ono haisala, gai ia gi daamada ina de maga ia i hadu.”

James 3:1

Denga daina, gi dee soa goodou e hai gi ni dangada agoago, go hiidinga goodou e iloo bolo gidaadeu e agoagona ange dangada e kona ange de hai e hagamodu ai odaadeu muna.