Matthew 6:9 - De Beebaa Dabu

⁹ Gai deenei doodou hai e dalodalo ai: ‘Demaadeu Damana i de langi laa, gi dabu doo ingoo;

Matthew 6:9 Iomraidhean Croise

2 Samuel 7:26

Gai dangada e tuhi naa doo ingoo ga hano ai, ga hagataba, ‘Tagi o denga hagabuulinga hebagi go de Maadua o Israel.’ Gai de nohoanga hodooligi o doo dangada hai hegau go David e hagaduu naa ga makaga i mada luoo mada.

1 Kings 8:43

gai koe hagalaangona dana dalodalo mai i de langi, go doo mommee e noho ai, ga hai gi bei mee alodahi a tangada henua gee laa e dangidangi adu ai, gai gi iloo ai e denga huaadangada alodahi o henua i lalo doo ingoo, ma de maatagu i de goe, bei dagodo o oo dangada go de gau Israel, gai gi iloo ai e gilaadeu bolo de hale aagu gu hagaduu nei gu hagadabu ange gi doo ingoo.

1 Chronicles 17:24

gi makaga ai de nohoanga hodooligi gai doo ingoo gi hagaamua ga hano ai. Gai dangada e hagataba naa, ‘Tagi o denga hagabuulinga hebagi, de Maadua e dagina Israel, go de Maadua o Israel.’ Gai de nohoanga hodooligi o doo dangada hai hegau go David e duu naa ga makaga i mada luoo mada.

2 Chronicles 20:6

ga dalodalo ga hai ange, “Tagi Maolunga, de Maadua o omaadeu dubuna madagidagi. E aha, e dee go koe de Maadua o de langi? Go koe Tagi o nohoanga hodooligi alodahi o denga huaahenua. Ssauaa ma de mmahi ni mee niiau, gai e deai donu se dangada e maua i de hai baasi adu gi de goe.

Nehemiah 9:5

Gai denga daane de aamuli o Levi, go Jeshua, ma Kadmiel, ma Bani, ma Hashabneiah, ma Sherebiah, ma Hodiah, ma Shebaniah, ma Pethahiah, ne hai ange, “Goodou tuu age duuhia Tagi Maolunga doodou Maadua, go de ia e deai sono daamada aabe se hagaodi! Alodahi gi duuhia doo ingoo mahamaha, go de ingoo e maolunga ange i de hagadegi aama tuhi alodahi.

Psalm 111:9

Ia ne hagaola ono dangada; ia ne hai dana hagatoo donu hagaheloongoi gi dagodo ga hano ai, dono ingoo e dabu gai e hagamaatagu.

Psalm 115:3

Demaadeu Maadua e noho i de langi; ia e hai be se aha aana e lodo e hai.

Psalm 72:18

Hagadegi ina Tagi Maolunga de Maadua, de Maadua o Israel, go ia donu huu e haia hegau hagalele mouli.

Isaiah 37:20

Gai Tagi Maolunga demaadeu Maadua, au e dangidangi adu koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu go Iahweh.”

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Isaiah 6:3

Gai gilaadeu e hagadau pasa ma e hagataba, “E dabu, e dabu, e dabu Tagi o denga hagabuulinga hebagi, henua i lalo alodahi gu honu i dono mahamaha.”

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Isaiah 64:8

Gai iainei, Tagi Maolunga, go koe demaadeu Damana. Gimaadeu go denga bela pigi, gai koe go de ia hai gumedi hadu; gimaadeu alodahi ni mee niiau ne hai.

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Ezekiel 36:23

Au e hagaago ange naa gi denga huaahenua de dabu o dogu ingoo maolunga, go de ingoo oodou ne hagangadi mee. Gai gi iloo ai e denga huaahenua bolo go au donu go Iahweh, go de Ia Aamua go Iahweh e hagadaba, i de masavaa aagu e hagaago ange ai gi gilaadeu bolo au e dabu i oodou daha i oodou hiidinga.

Ezekiel 38:23

Gai au e hagaago ange naa gi de ia dogu maolunga, aama dogu dabu. Gai au e hai naa gi iloo e gilaadeu ogu dagodo i madamada o denga huaahenua. Gai gi iloo ai e gilaadeu bolo go au donu go Iahweh.’

Leviticus 10:3

Gai Moses ne hai ange gi Aaron, “Aanei muna a Tagi Maolunga gu tala ma gu hagadaba: ‘Au e hagaago ange gi gilaadeu e loomai e hagapaa mai gi de au bolo au e dabu; gai dangada alodahi gi hagamahamaha ina au i olaadeu daha.’ ” Gai Aaron gu dee muu.

Habakkuk 2:14

Go hiidinga henua i lalo e hhao naa ga honu i de iloo mee o de mahamaha o Tagi Maolunga, bei de hagahonu o tai i denga lausedi.

Zechariah 14:9

Gai Tagi Maolunga e hodooligi naa i henua i lalo alodahi. De laangi laa gai e dahi naa donu huu Dagi Maolunga, gai go dono ingoo donu huu e dahi.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Matthew 10:29

E aha, e dee se dahi sseene donu huu e hagao ai e lua sparrow? Gai e deai donu se gilaadeu e doo iho gi honga de gelegele, gai doodou Damana e dee iloo.

Matthew 23:9

Goodou aude hagahia ange hogi ‘tamana’ gi dahi dangada, go hiidinga e dahi donu huu oodou Damana, ia e noho i de langi.

Matthew 26:29

Au e hai adu gi goodou, au e dee ahe ange naa donu e unu hua o de grapevine, ga dae ai gi de laangi aagu e unu ai uvaini hoou madali goodou, i de nohoanga hodooligi o dogu Damana.”

Matthew 26:42

Gai ia ne ahe ange hogi ga dalodalo i de lua hanonga, ga hai ange, “Dogu Damana, noo e dee maua i de kave gee de ubu nei gai au e unu ai donu, gai haia gi bei oo lodo.”

Matthew 5:16

Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.

Matthew 5:48

Deenei ai, goodou gi heohi abodonu, bei doodou Damana i de langi ia e heohi abodonu.

Matthew 6:14

Go hiidinga noo goodou e degi ange gi haisala o dangada, aagai doodou Damana i de langi laa e degi adu hogi gi goodou.

Matthew 6:6

Gai noo goodou gu dalodalo, aagai goodou ulu gi lodo oodou aabi, ga pono de haitoga, aagai goodou ga dalodalo ange gi doodou Damana e dee gidee laa. Gai doodou Damana e gidee laa mee e dee gidee ga hagao adu goodou.

Matthew 7:11

Deenei ai, goodou ni dangada baubau, aagai goodou e iloo i de gaavange mee danuaa gi oodou dama; gai e kii ange donu doodou Damana i de langi i de maua i de gaavange mee danuaa gi gilaadeu e dangidangi ange ai gi de ia!

Luke 15:18

Au ga hidi age nei e ahe gi daho dogu damana, gai au ga hai ange gi de ia: Dogu damana, au gu haisala ange gi de Maadua aama adu gi de goe.

Luke 15:21

Gai dana dama ga hai ange gi de ia, ‘Dogu damana, au gu haisala ange gi de Maadua aama adu gi de goe. Gu dee heohi dogu hagabinga bolo se dama niiau.’

Luke 2:14

“Duuhia de Maadua i de mommee maolunga mmao, gai de baba gi dagodo i henua i lalo, i daho dangada oona e malangilangi ai!”

John 20:17

Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

Romans 1:7

Ange gi dangada alodahi i Rome o de Maadua e aloha ai laa, gai gu hagahi e hai ai dangada o de Maadua: De abodonu ma de baba mai daho de Maadua taadeu Damana, aama mai i daho Tagi Maolunga go Iesu Klisdo gi dagodo i oodou daha.

Romans 8:15

Goodou tee kave de hagasaalunga e haia laa goodou ga ni dangada hai hegau, gai goodou ga aahe ange ai ga maatagu, aagai goodou ne kave de Hagasaalunga e haia goodou ga ni dama daohi. Gai go ono hiidinga odaadeu e maua i de hagataba, “Abba! Tamana!”

Galatians 1:1

Mai i daho Paul, dahi dangada tala — tee hili laa i daho dangada aabe go ssauaa o dangada, aagai ne hili i daho Iesu Klisdo ma de Maadua Tamana, ne hagamouli ina age laa Iesu i de magau,

Galatians 4:6

Gai go hiidinga goodou ni dama niiana, deelaa ai, de Maadua gu hai gi humai de Hagasaalunga o dana Dama Daane gi noho i odaadeu lodo, gai goodou ga hagahi ange ai, “Abba! Tamana!”

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

Revelation 4:11

“Tagi Maolunga demaadeu Maadua, koe e bau ange gi de kave de mahamaha ma de hagadubu aama de mmahi. Go hiidinga go koe ne haia mee alodahi, gai go dau hagatau ne haia ga hanu mee nei.”

Revelation 5:12

e daahili ma e hagataba, “Ssiibi Gauligi ne daa laa ga magau, e bau ange gi de kave ssauaa, ma de lava, ma de heiangi, ma de mmahi, ma de hagadubu, ma de mahamaha aama de tuhi!”