Matthew 6:33 - De Beebaa Dabu

³³ Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Matthew 6:33 Iomraidhean Croise

1 Kings 17:13

Gai Elijah ga hai ange gi de hine laa, “Aude madagu; hannoo haia gi bei au muna gu tala mai gi de au. Aagai koe haia dahi damaa keege gaamai e gai au i mua, muli mai gai koe ga hai ai hanu gai mooluu ma dau dama daane.

Psalm 112:3

Dono hale iai de lava ma goloa lagolago; gai dono heohi e dagodo ga hano ai.

Psalm 37:25

I mua gai au se dama daane gai iainei au gu madumadua; aagai au tigi gidee donu tangada heohi gi dilia, aabe ana dama gi hulo gi dangidangi i denga gai.

Psalm 37:3

Koe gi hagadonusia Tagi Maolunga ma de hai tanuaa; gai koe ga noho baba i honga de henua ga gaimee ai.

Proverbs 10:3

Tagi Maolunga e dee dugu ange tangada heohi gi hiigai, aagai ia e hai gi dee maua e tangada baubau ono mee e lodo ai.

Proverbs 28:10

Tangada e dagina ange tangada heohi gi de baubau, e doo ange naa gi lo tana sele; aagai tangada e dee haisala e kave naa de boolonga danuaa.

Proverbs 8:18

De lava ma de hagadubu e daakodo i ogu daha, ma de lava e dee odi aama de hagadagadaga age.

Ecclesiastes 10:2

Lodo o tangada heiangi e dagi ia gi de madau, aagai lodo o tangada lodo senga e dagi ia gi de masui.

Isaiah 26:9

Ogu lodo e maanadu donu huu goe i de boo, gai dogu hagasaalunga e oho boo e ssala goe. De masavaa aau e hagamodu ai muna i henua i lalo, gai dangada e nnoho i henua i lalo gu iloo e gilaadeu de mee heohi.

Isaiah 33:6

Gai ia e hai naa go doo dagelo makaga i de laangi laa, ma de hagaola laumalie, ma de heiangi, aama de iloo mee. De madagu i Tagi Maolunga se mee hagamogomogo mmao.

Isaiah 45:24

Gilaadeu e hagataba naa, ‘Go Tagi Maolunga donu huu e heohi gai e mmahi.’ ” Gilaadeu alodahi e kino i de ia, e loomai naa gi de ia, gilaadeu gu dookaa naa.

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Matthew 19:28

Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.

Matthew 19:29

Aagai tangada e dugua ono hale, be go ono daina, be go dono damana ma dono dinana, be go ana dama, aabe go ono alahenua i ogu hiidinga, e kave naa hogi mee e lau hanonga e kii ange ai, aama de mouli e dee ngado mai.

Matthew 3:2

ga hai ange, “Goodou daahuli oodou lodo, gu baa mai de nohoanga hodooligi o de langi!”

Matthew 4:17

Mai i de masavaa laa, gai Iesu ne daamada de agoago, ga hai ange, “Daahuli oodou lodo, gu baa mai de nohoanga hodooligi o de langi!”

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Luke 12:31

Aagai goodou saalaa i mua de nohoanga hodooligi o de Maadua, gai mee nei e odi naa donu hogi i de gaavadu gi goodou.

John 5:4

Go hiidinga dahi dangada de langi e hano iho i hanu masavaa ga hai gi kai age lo te vai laa; gai be goai naa huu ne iho i mua gi lo te vai laa i dua de kai age, gai ia e ieiangi mai i de hagadaagangaa magi oona e magi ai laa.]

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

Acts 20:25

Aagai iainei au e iloo bolo goodou alodahi gu agoago i ogu daha i dagodo o de nohoanga hodooligi o de Maadua gu dee aahe ange naa donu e gidee au.

Acts 28:31

Gai ia ne lodo mmahi i de agoago i dagodo o de nohoanga hodooligi o de Maadua aama dagodo o Tagi Maolunga go Iesu Klisdo — gai teai donu mee ne buibui ina ia.

Romans 1:17

Go hiidinga de longo danuaa e hagaago mai de heohi a de Maadua — go de heohi i de gai, mai i taamada ga dae ai gi de hagaodi, bei de hai gu sisi ai laa, “Tangada heohi e mouli i de gai.”

Romans 10:3

Go hiidinga gilaadeu tigi tonu ange gi de hai a de Maadua e hagaheohi ai dangada, gai e ssala donu huu delaadeu hai e hagaheohi ai, gilaadeu e dee llodo e dugu ange gilaadeu gi de hagaheohi a de Maadua.

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Romans 8:31

Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

1 Corinthians 3:22

e dee hilihili be go Paul, be go Apollos, be go Cephas, be go henua i lalo, be go de mouli, be go de magau, be go de masavaa go iainei, aabe go de masavaa e humai — mee nei alodahi niiodou,

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,

2 Thessalonians 1:5

Gai mee nei e hagaago danuaa mai de hagamodu heohi a de Maadua, gai e hai gi heohi ange goodou gi de ulu i de nohoanga hodooligi o de Maadua, gai de mee nei ne hai ga vaivai haia goodou.

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

2 Peter 1:11

Go hiidinga deenei de hai e mahuge adu ai de haitoga gi goodou, e ulu ai i de nohoanga hodooligi dee ngado mai o taadeu Dagi Maolunga ma de Ia Hagaola go Iesu Klisdo.