Matthew 6:28 - De Beebaa Dabu

²⁸ Aagai gu aha goodou gu manavasaa ai naa i oodou mee e kahu ai? Goodou kalo ange diiloo de hai o denga lilii i lo te duu malaelae e ssomo ai. Gilaadeu e dee hai hegau aabe e llanga olaadeu malo,

Matthew 6:28 Iomraidhean Croise

Hosea 14:5

Au e bei naa de maluulu o taiao ange gi Israel; gai ono huaala e bei naa bei de lilii. Ono aga e bei naa aga o cedar o Lebanon,

Matthew 10:10

Goodou e dee kave hogi hanu beagi e hulo ai, be e lua malo gahugahu, be e lua mee vae, aabe se dogo; go hiidinga e heohi donu de kave a tangada hai hegau ono mee e gaimee ai.

Matthew 6:25

“Deenei ai, au e hai adu gi goodou, goodou aude manavasaa i oodou mouli, ma oodou mee e gai, be go oodou mee e unu, aabe gi manavasaa i oodou angaanga, ma oodou mee e kahu ai. E aha, e dee hagamogomogo ange de mouli o tangada i denga gai, gai de angaanga e hagamogomogo ange i malo e kahu ai?

Matthew 6:27

Gai goai i oodou magavaa e maua i de hagapuni ange dahi aoaa e hagalooloa ai dono mouli, i dana maanadu ga manavasaa ai?

Matthew 6:31

Deenei ai, goodou gi dee manavasaa gi hagataba, ‘Ni aha amaadeu e gai? Gai ni aha amaadeu e unu? Gai ni aha omaadeu e kahu ai?’

Luke 10:41

Aagai Tagi Maolunga ne basa ange ga hai ange gi de ia, “Martha, Martha! Koe e manavasaa ma tee baba oo lodo i mee lagolago,

Luke 12:11

Noo gilaadeu gu kave goodou gi synagogue e hagamodu ai oodou muna i mada i mua o denga dagi ma gilaadeu iai ssauaa, gai goodou aude manavasaa i doodou hai e pasa ange ai gi gilaadeu, aabe go oodou muna e tala ange gi gilaadeu.

Luke 12:22

Iesu ne hai ange gi ana dangada agoago, “Deenei ai, au e hai adu gi goodou, goodou aude manavasaa i oodou mouli, ma oodou mee e gai, aabe gi manavasaa i oodou angaanga, i mee oodou e kahu ai.

Luke 12:27

Goodou kalo ange diiloo denga lilii: gilaadeu e dee hai hegau aabe e llanga olaadeu malo. Aagai au e hai adu gi goodou: Solomon, i dono mahamaha alodahi tee gahu hagadanuaa donu bei dagodo o dahi lilii nei.

Luke 3:11

John ne hai ange gi gilaadeu, “Be goai e lua ono malo gahu gai ia gi gaavange dahi gi tangada e deai sono malo. Gai be goai e hanu ana gai, gai ia gi gaavange hogi hanu gi tangada e deai ana gai.”

Philippians 4:6

Goodou gi dee manavasaa i dahi mee daudahi, aagai goodou dalodalo i mee alodahi ma de dangidangi i mee oodou e duasala ai, ma de hagaahe ange de abodonu, ga hai gi iloo e de Maadua oodou mee e duasala ai.

1 Peter 5:7

Gaavange mee alodahi oodou e manavasaa ai ia gi hagauda ina, i hiidinga ia e tilo danuaa adu goodou.