Matthew 6:25 - De Beebaa Dabu

²⁵ “Deenei ai, au e hai adu gi goodou, goodou aude manavasaa i oodou mouli, ma oodou mee e gai, be go oodou mee e unu, aabe gi manavasaa i oodou angaanga, ma oodou mee e kahu ai. E aha, e dee hagamogomogo ange de mouli o tangada i denga gai, gai de angaanga e hagamogomogo ange i malo e kahu ai?

Matthew 6:25 Iomraidhean Croise

Psalm 55:22

Hagauda ina ange oo daemaha gi honga o Tagi Maolunga, gai ia ga bale adu goe; ia e dee dugu ange naa donu tangada heohi gi baguu.

Jeremiah 45:5

E aha, koe e hagammahi naa e ssala gi maua e goe hanu mee lagolago? Aude saalaa mee naa. Tilo, au e hai naa gi humai de hai ngadaa gi honga o denga huaadangada alodahi, go Tagi Maolunga e hagadaba; gai au e hagaola naa doo mouli, go de hagaoanga aau e mau i de hebagi i mommee alodahi oou e hano aagena.’ ”

Matthew 10:19

Gai de masavaa naa huu alaadeu e gaavange ai goodou gi de hainga, gai goodou gi dee manavasaa i doodou hai e pasa ange ai, aabe go oodou muna e pasa ange ai, go hiidinga e gaavadu naa donu gi goodou oodou muna e pasa ange ai i de aoaa laa.

Matthew 13:22

Gai golee ne too ange laa gi magavaa o denga manu daladala, go tangada e langona e ia muna laa; aagai mee hagamanavasaa o henua i lalo nei, ma de lava e hagasengalia laa dangada ga hagakabi muna laa, gai tee maua gi hhua.

Matthew 6:31

Deenei ai, goodou gi dee manavasaa gi hagataba, ‘Ni aha amaadeu e gai? Gai ni aha amaadeu e unu? Gai ni aha omaadeu e kahu ai?’

Matthew 6:34

Deenei ai, goodou gi dee manavasaa ange gi daiao, go hiidinga daiao e hanu naa hogi mee hagamanavasaa iai. Denga laangi alodahi e hanu hugadoo hai ngadaa iai.

Mark 13:11

Gai de masavaa naa huu alaadeu e poo ai goodou e hagamodu oodou muna, gai goodou aude manavasaa i oodou muna e pasa ange ai. Goodou daalaa donu huu muna e gaavadu gi oodou lodo i de masavaa laa, go hiidinga e dee go goodou e pasa ange, aagai go de Hagasaalunga Dabu.

Mark 4:19

aagai mee hagamanavasaa o henua i lalo, ma de lava e hagasengalia laa dangada ma de nnoo hagamau mee ga hagakabi muna laa, gai tee maua gi hanu ono hua.

Luke 12:11

Noo gilaadeu gu kave goodou gi synagogue e hagamodu ai oodou muna i mada i mua o denga dagi ma gilaadeu iai ssauaa, gai goodou aude manavasaa i doodou hai e pasa ange ai gi gilaadeu, aabe go oodou muna e tala ange gi gilaadeu.

Luke 8:14

Gai golee ne too ange laa gi magavaa manu daladala, go dangada ne langona laa muna nei, aagai ga hulo gee huu gilaadeu, gai muna laa gu haolia i denga maanadu hagamanavasaa, ma de lava, aama mee hagalodo danuaa alodahi o de mouli nei, gai olaadeu hua e dee maua gi maatua.

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?

1 Corinthians 7:32

Au e lodo goodou gi dee manavasaa. Taane e dee hai bodu e maanadu donu huu mee o Tagi Maolunga, ma dana hai e hagamalangilangi ai Tagi Maolunga,

Philippians 4:6

Goodou gi dee manavasaa i dahi mee daudahi, aagai goodou dalodalo i mee alodahi ma de dangidangi i mee oodou e duasala ai, ma de hagaahe ange de abodonu, ga hai gi iloo e de Maadua oodou mee e duasala ai.

2 Timothy 2:4

E deai donu se daane e hagadee saohia ange ia gi hegau i de laa tubua, i de masavaa o de hebagi, gai dana mee e hai go de hagamalangilangi donu huu dono dagi.

1 Peter 5:7

Gaavange mee alodahi oodou e manavasaa ai ia gi hagauda ina, i hiidinga ia e tilo danuaa adu goodou.