Matthew 6:19 - De Beebaa Dabu

¹⁹ “Goodou gi dee hagaduulia oodou goloa hagamogomogo i henua i lalo, go de mommee e gaina ai e de goa ma de hongagelegele baalanga, aama de gaiaadia e de gau gaiaa.

Matthew 6:19 Iomraidhean Croise

De Beebaa go Job 24:16

De boo gai de gau baubau e oha denga hale ga ulu ai; gai de laangi gilaadeu e mmuni; gilaadeu e dee iloo donu de maalama.

De Beebaa go Job 31:24

Noo dagu tali hagalodolodo go denga goolo, ma de hagabinga bolo denga goolo go dagu tali;

Psalm 39:6

Ni muna abodonu, tangada e seesee saele bei dagodo o dahi goohunga; ni muna abodonu, ana hegau e deai donu haigamaiana; ia e hagabudu goloa lagolago, gai ia e dee iloo be goai e mee ai.

Psalm 62:10

Aude hagadonusia denga goloa e hai gi de mahi, aude tali hagalodolodo ange gi denga goloa gaiaa; koe gi dee nnoo ange gi oo goloa, e dee galemu donu de lagolago oo goloa.

Exodus 22:2

Noo tangada gaiaa ne boogia mai ma de hagailia ga magau i de masavaa oona e hagatale ai de ulu e gaiaa, gai e deai donu dangada e haisala ai;

Proverbs 11:4

Goloa lagolago e deai ono haigamaiana i de laangi o de bole, aagai de mee heohi e hagaola tangada mai i de magau.

Proverbs 16:16

E danuaa ange dau hai gi heiangi goe i de hai gi lagolago au goolo, ma dau hilihili gi donu ange goe i dau hai gi lagolago au selevaa.

Ecclesiastes 2:26

Gai de Maadua e gaavange gi tangada e hagamalangilangi ina ia de heiangi, ma de iloo mee aama de malangilangi; aagai ia e hai tangada haisala gi hagabudulia ma de doange dono lava, e gaavange gi tangada e haia mee o de Maadua e lodo ai. De mee nei e deai hogi ono haigamaiana, gai e bei de ngadi doolohi a tangada de madangi.

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

Matthew 19:21

Iesu ne hai ange gi de ia, “Noo koe e lodo gi heohi abodonu goe, gai koe hannoo hagao ina gi daha oo goloa alodahi, ga gaavange gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Matthew 6:20

Aagai hagaduulia oodou goloa hagamogomogo i de langi, go de mommee e deai goa iai ma tee hongagelegele baalanga, aagai de gau gaiaa e dee maua i de ulu e gaiaa.

Luke 12:21

E bei ai hogi dagodo o tangada e hagabudu ina laa ga doange goloa lagolago, gai e dee lava i mee o de Maadua.”

Luke 12:33

Hagao ina oodou goloa gi daha, ga gaavange sseene gi de gau hagaau aloha. Haia gi hanu oodou mee hhao sseene e dee maua laa gi pobo, go goloa hagamogomogo i de langi e dee maua laa gi odi, go de mommee a tangada gaiaa e dee humai aagena gai de goa e dee maua i de oohaa.

Luke 12:39

Goodou gi iloo de mee nei: noo tangada niiona de hale e iloo de masavaa o tangada gaiaa e humai ai, aagai ia e dagitilo naa ga buibui gi dee oohaa dono hale.

Luke 18:22

Gai ga langona huu e Iesu ana muna, gai ia ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Luke 18:24

Iesu ne galo ange ga tilo ia, ga hai ange, “E hai ngadaa mmao de ulu o de gau lava i de nohoanga hodooligi o de Maadua!

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

Hebrews 13:5

Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”