Matthew 6:13 - De Beebaa Dabu

¹³ Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Matthew 6:13 Iomraidhean Croise

Genesis 22:1

Dua mee nei, gai de Maadua ne hagatale de gai o Abraham. Gai ia ga hai ange gi de ia, “Abraham!” Abraham ne hai ange, “Deenei au.”

1 Kings 1:36

Gai Benaiah, tama daane a Jehoiada ga hai ange gi de hodooligi, “Uaa! Tagi Maolunga, de Maadua o dogu dangada aamua go de hodooligi, gu tala hagadonu donu de mee nei.

1 Chronicles 16:36

Duuhia Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai.” Gai dangada alodahi ne hagataba, “Amen!” aama de tuhi Tagi Maolunga.

1 Chronicles 29:11

Tagi Maolunga, koe e maolunga, gai e mmahi, koe e mahamaha, koe e kii, gai niiou ssauaa e dagi ai, gai niiau mee alodahi i de langi ma henua i lalo. Tagi Maolunga, niiou de nohoanga hodooligi, gai koe e aamua i honga mee alodahi.

1 Chronicles 4:10

Gai Jabez ne dalodalo ange gi de Maadua o Israel, ga hai ange, “De Maadua, gaamai gi de au de manuuia ma de hai gi laumalie dogu mommee. Gai koe noho i ogu daha ma de buibui au i denga hai ngadaa alodahi, gi dee hagammae ina ai au.” Gai de Maadua ne hai ga bei dono mee ne dangidangi ai.

Psalm 10:16

Tagi Maolunga e hodooligi ga hano ai e dee ngado mai; denga huaahenua e maakau naa ga dee maaleva i dono henua.

Psalm 106:48

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai. Gai dangada alodahi gi hai ange, “Amen!” Duuhia Tagi Maolunga!

Psalm 22:28

I hiidinga go Tagi Maolunga e maolunga; gai go ia e hodooligi i denga huaahenua alodahi.

Psalm 41:13

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai! Amen gai Amen.

Psalm 47:2

Go hiidinga Tagi Maolunga, de Ia Maolunga Mmao laa, e hagamadagu mmao, go ia de hodooligi maolunga o henua i lalo alodahi.

Psalm 47:7

Go de Maadua de hodooligi o henua i lalo alodahi; daahili ange gi de ia i dahi Psalm.

Psalm 72:19

Hagadegi ina dono ingoo mahamaha ga hano ai; gai dono ingoo mahamaha gi dele i henua i lalo alodahi. Amen gai Amen!

Psalm 89:52

Duuhia Tagi Maolunga ga hano ai! Amen gai Amen.

Exodus 15:18

Tagi Maolunga e dagi naa donu ga hano ai e dee ngado mai.”

Proverbs 30:8

gaavee gee de mee dee heohi ma de hadu muna mai i ogu daha; gai haia gi dee hagaau aloha au aabe gi kona dogu lava, aagai gaamai donu huu gai e danuaa mai gi de au i dahi laangi;

Jeremiah 15:21

Au e hagaola naa goe mai i de gau baubau ma de hagaola goe mai i de gau alasala.”

Jeremiah 28:6

Ia ne hai ange, “Amen! Tagi Maolunga gi haia gi bei mee nei! Gai Tagi Maolunga gi hagassula ina au muna gu tala pelaabisi, i dana hagaahe mai goloa o de hale o Tagi Maolunga ma dangada alodahi gi de henua mai i Babylon.

Daniel 4:25

Koe e hano gee mai naa i daho dangada ga noho madali denga manu aada i lodo henua. Koe e gai naa denga helii bei denga kaau, ma de ssui doo angaanga i de mee suungia o de langi, ga dae ai gi de odi ange de hidu ngadau, gai koe gu donu iho, bolo go de Ia Maolunga Mmao laa e dagina nohoanga hodooligi o dangada, ma de dugu ange gi tangada aana e lodo e gaavange aagena.

Daniel 7:18

Aagai de gau dabu o de Ia Maolunga Mmao laa e kave naa de nohoanga hodooligi ga hodooligi ai, ga hano ai e dee ngado mai.’

Numbers 5:22

Gai denga vai aau ga unu nei gi haia de mee hagamalaia nei gi hano gi oo lodo, gi hua ai doo dinae gai mee i magavaa luoo vae gi iai de magi e dee maua laa gi ieiangi.” Gai de hine laa gi hai ange, “Amen, Amen.”

Matthew 26:41

Goodou dagitilo ma de dalodalo, gi dee tuu ange ai goodou gi de hagatale; de hagasaalunga e lodo mmao, aagai de angaanga gu baageaa.”

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Matthew 5:37

Gai goodou hai ange donu huu, ‘Uaa’ be ‘Deai’; gai muna e kii ange i mee nei ni mee mai i daho de ia baubau laa.

Matthew 6:10

gi humai doo nohoanga hodooligi; gai gi hai oo lodo i henua i lalo, bei de hai e hai ai laa i de langi.

John 17:15

Au e dee dangidangi adu koe gi gaavee gee gilaadeu i henua i lalo, aagai gi buibuia gilaadeu mai i de ia baubau laa.

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

1 Corinthians 14:16

Gai noo koe e hagaahe ange de abodonu gi de Maadua i doo hagasaalunga, gai dee hee naa de hai o dahi dangada gee hagadaba ai, “Amen,” gai ia e dee donu adu gi au muna?

2 Corinthians 1:20

Gai denga hagatoo donu alodahi a de Maadua se “Uaa” i daho Klisdo. Deenei de hiidinga adaadeu e hagataba ai laa “Amen” i dono ingoo, gi hagamahamaha ina ai de Maadua.

Galatians 1:4

Iesu Klisdo ne gaavange dono mouli i hiidinga odaadeu haisala, gai ia ga hagaola ai gidaadeu mai i de masavaa o de baubau go iainei, bei dagodo lodo o taadeu Maadua ma Tamana.

Deuteronomy 8:16

Ia ne haangai goodou i denga manna i lodo henua, ni mee niiodou dubuna madagidagi tee iloo, gai ia ga hagamaolalo ai goodou ma de hagatale ai dagodo o oodou lodo, gi danuaa adu ai gi goodou i muli mai.

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.

1 Thessalonians 1:10

gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.

2 Thessalonians 3:3

Aagai Tagi Maolunga e hai hegau i de mee abodonu, gai ia ga hagammahi adu ai goodou ma de buibui goodou i de ia baubau laa.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Hebrews 11:36

Hanu ne hagammae manava ina ma de hagailiilia, gai hanu ne noonoodia ga hhao gi lo te hale pono.

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

2 Peter 2:9

noo deenei tagodo, gai Tagi Maolunga e iloo de hai e hagaola ai gilaadeu e heohi mai i denga hagatale, ma de daohi gilaadeu e dee hai hegau i de mee heohi, i lalo de hagaduasala ga dae ai gi de laangi hagamodu muna.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Revelation 19:1

Dua mee nei gai au ne langona dahi mee bei de hevaalogi o de hagabuulingaa dangada soa i de langi, e hagataba, “Hallelujah! De hagaola ma de mahamaha, ma de mmahi mmao ni mee nii taadeu Maadua,

Revelation 19:4

Gai denga daane maatua e dinolua ma dogohaa laa ma denga mee mouli e haa laa ga hagabaakuu gi honga de gelegele ga daumaha ange gi de Maadua e noho laa i honga de nohoanga, ga hagataba, “Amen. Hallelujah!”

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

Revelation 21:4

Ia e ssolo naa olaadeu loimada alodahi, gai gu deai ange naa donu se maakau, be go de hinangalosaa, be go de tangi, aabe go de mmae. Go hiidinga mee ne hai i taamada gu odi i de llilo ma gu deai.”

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 5:13

Gai au ne langona mee alodahi i de langi ma henua i lalo, ma lalo de henua ma honga tai aama mee alodahi i mommee laa, e daahili ma e hagataba, “Gaavange gi de Maadua e noho laa i honga de nohoanga aama Ssiibi Gauligi de tuhi ma de hagadubu, ma de mahamaha aama ssauaa, ga hano ai e dee ngado mai.”