Matthew 6:10 - De Beebaa Dabu

¹⁰ gi humai doo nohoanga hodooligi; gai gi hai oo lodo i henua i lalo, bei de hai e hai ai laa i de langi.

Matthew 6:10 Iomraidhean Croise

Nehemiah 9:6

Go koe donu huu go Tagi Maolunga. Go koe ne haia denga langi, ma de langi maolunga hugadoo, ma denga hagabuulinga iai, ma henua i lalo ma mee alodahi iai, ma denga dai ma mee alodahi iai. Go koe e gaavange gi gilaadeu alodahi de mouli, gai mee o de langi e ino adu gi de goe.

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

Psalm 40:8

Dogu Maadua, au e lodo e daudali i dau hagatau; au hainga gu daakodo i ogu lodo.”

Isaiah 2:2

Denga laangi hagaodi naa huu gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai denga huaahenua alodahi e daga mai naa gi kilaa,

Jeremiah 23:5

E hagadaba Tagi Maolunga, “E tae mai naa laangi, aagu e hagasula age ai dahi uli moo David, se ia e heohi, se hodooligi e humai ga dagi i de heiangi ma de hai hegau i de hagamodu soe ma de heohi i honga de henua.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Daniel 7:27

Gai ssauaa e dagi ai, ma de mmahi aama de mahamaha o denga nohoanga hodooligi i lalo de langi alodahi, e gaavange naa gi de gau dabu, go dangada o de Ia Maolunga Mmao laa. Gai dono nohoanga hodooligi e dagodo naa donu huu ga hano ai, gai dagi alodahi e daumaha ange naa gi de ia ma de hagallongo ange gi de ia.’

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Matthew 12:50

Be goai e haia lodo o dogu Damana i de langi laa, gai go ia donu dogu daina daane, ma dogu daina hahine, aama dogu dinana.”

Matthew 16:28

Ni muna abodonu aagu e hai adu nei gi goodou: e hanu donu dangada e tuu i kinei e dee maakau ga dae ai gi delaadeu gidee Tama a Tangada e humai i dono nohoanga hodooligi.”

Matthew 26:42

Gai ia ne ahe ange hogi ga dalodalo i de lua hanonga, ga hai ange, “Dogu Damana, noo e dee maua i de kave gee de ubu nei gai au e unu ai donu, gai haia gi bei oo lodo.”

Matthew 3:2

ga hai ange, “Goodou daahuli oodou lodo, gu baa mai de nohoanga hodooligi o de langi!”

Matthew 4:17

Mai i de masavaa laa, gai Iesu ne daamada de agoago, ga hai ange, “Daahuli oodou lodo, gu baa mai de nohoanga hodooligi o de langi!”

Matthew 7:21

“E dee go dangada alodahi e hagahia mai, ‘Tagi Maolunga, Tagi Maolunga’ e ulu i de nohoanga hodooligi o de langi, aagai go gilaadeu donu huu e haia lodo o dogu Damana i de langi laa.

Mark 11:10

E manuuia de nohoanga hodooligi o taadeu damana go David gu dai humai laa! Hosanna i de mommee maolunga mmao!”

Mark 3:35

Be goai e haia lodo o de Maadua, gai go ia donu dogu daina daane ma dogu daina hahine, aama dogu dinana.”

Luke 19:11

De masavaa o dangada e nnoho ai ma e hagallongo ana muna, gai ia ne tala ange gi gilaadeu dahi mee hagasengasenga, go hiidinga ia gu baa ange gi Jerusalem, gai dangada e hagataba bolo gu baa mai de nohoanga hodooligi o de Maadua.

Luke 19:38

ga hagataba, “E manuuia de hodooligi e humai i de ingoo o Tagi Maolunga! Gi dagodo de baba i de langi ma de mahamaha i de mommee maolunga mmao!”

Luke 22:42

ga hai ange, “Tamana, noo koe e lodo, gai gaavee gee de ubu nei mai i ogu daha. Aagai e dee go ogu lodo e hai, gai go oo lodo.”

John 4:34

Iesu ne hai ange gi gilaadeu, “Agu gai go de hai lodo o de ia ne haia nei au gi humai, aama de hagalava ana hegau.

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Acts 13:22

Gai de Maadua ne tili hogi a Saul, gai ga hili David ga hai ai delaadeu hodooligi. Gai ia ne tala dagodo o David, ga hagadaba, ‘Au gu gidee bolo David, tama daane a Jesse, se daane e hagamalangilangi ina ogu lodo; ia e daudali i ogu lodo alodahi.’

Acts 21:14

Gai ga dee maua huu e gimaadeu i de sui dana maanadu, gai gimaadeu ga hai ange, “Tagi Maolunga gi haia gi bei ono lodo!”

Acts 22:14

Gai ia ga hai mai, ‘De Maadua o odaadeu maadua madagidagi gu hili goe e hagaago adu ono lodo gi de goe, ma de hai gi gidee e goe de Ia Heohi laa, ma de hai gi langona e goe dono leo.

Romans 12:2

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

Ephesians 6:6

Gai gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai hai hegau gi bei dagodo o de gau hai hegau o Klisdo, e haia lodo o de Maadua i de lodo se muna abodonu.

Colossians 1:13

Ia ne hagaola gidaadeu mai i lalo ssauaa o de gohu ma gu hagaulu gidaadeu i de nohoanga hodooligi o dana Dama Daane hagamogomogo,

Colossians 1:9

Deenei ai, tigi helui donu demaadeu dalodalo i goodou mai i de laangi amaadeu ne langona ai oodou dagodo; gimaadeu e dangidangi gi honu danuaa doodou iloo ono lodo, i de heiangi aama de tonu danuaa ange gi mee alodahi i de baasi gi de hagasaalunga.

1 Thessalonians 4:3

Gai aanei lodo o de Maadua, go doodou hai gi dabu goodou, goodou dilia de hai be se manu,

1 Thessalonians 5:18

ma de hagaahe ange de abodonu i mee alodahi; go hiidinga aanei donu lodo o de Maadua i lodo o Klisdo Iesu.

Hebrews 1:14

E aha, de gau de langi e dee go hagasaalunga e hai laa gi hulo gi hai hegau ange gi gilaadeu gu hagamouli?

Hebrews 10:36

Gai e heohi donu de golomagi oodou lodo, gi maua ai e goodou i de hai lodo o de Maadua, gai goodou ga kave ai mee gu lava laa i de hagatoo donu.

Hebrews 10:7

Gai au ne hagadaba, ‘De Maadua, tilo, au gu humai e hai oo lodo, bei de hai gu sisi ai ogu dagodo i lo te beebaa mulo.’ ”

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

1 Peter 2:15

Gai de Maadua e lodo goodou gi haia tanuaa, gai goodou ga hai ai gi dee maua e gilaadeu e llodo ssenga i de tala hanu ngadi muna.

1 Peter 4:2

Gai dono masavaa e mouli ai i de angaanga nei, gai ia gu dee hai lodo o de angaanga, aagai gu hai lodo o de Maadua.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 12:10

Gai au ne langona dahi leo mmahi i de langi e hagadaba, “Gu baa mai de hagaola, ma ssauaa, ma de nohoanga hodooligi o taadeu Maadua, ma ssauaa o dana Klisdo e dagi ai. Go hiidinga de ia e hagabaubau ina odaadeu daina, ma de hagabaubau ina gilaadeu i mada luu mada o de Maadua, i de laangi ma de boo gu tili iho gi lalo.

Revelation 19:6

Gai au ne langona dahi mee bei de hevaalogi o dahi hagabuulingaa dangada soa, ma de haganngolo o denga vai lagolago aama de babaa o denga hatuli nnui, e hagataba, “Hallelujah! Tagi Maolunga taadeu Maadua de Ia Mmahi Mmao laa gu hodooligi.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.