Matthew 5:7 - De Beebaa Dabu

⁷ E manuuia gilaadeu e llodo aaloha; gilaadeu e kave naa hogi de lodo aloha!

Matthew 5:7 Iomraidhean Croise

2 Samuel 17:28

ne loomai ga gaamai hanu moenga, ma beisini, ma gumedi hadu, ma hanu wheat, ma barley, ma pelaoaa lligi, ma grain gu lala ma gu mmasa, ma bean ma lentil,

2 Samuel 22:26

Koe e hai hegau i de mee abodonu ange gi tangada e hai hegau i de mee abodonu; koe e hai hegau i de heohi ange gi gilaadeu e heohi.

Psalm 112:4

De maalama e hagamaalama gilaadeu e heohi i de masavaa e gohu ai, go hiidinga gilaadeu e abodonu ma de lodo aaloha aama de heohi.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

Psalm 18:25

Koe e hai hegau i de mee abodonu ange gi tangada e hai hegau i de mee abodonu; koe e hai hegau i de heohi ange gi gilaadeu e heohi.

Psalm 37:26

Gai gilaadeu e abodonu ange gi dangada ma de ngadi gaavange mee; gai olaadeu hagadiilinga e manuuia.

Proverbs 11:17

Hegau a tangada abodonu e hai donu ga danuaa ange gi de ia, aagai tangada alasala e hagabaubau donu huu ia.

Proverbs 11:25

Tangada e hagamanuuia ina laa dangada e hagadagadaga age; tangada e balea ange dangada, e kave naa hogi de bale.

Proverbs 14:21

Tangada e hagangadi mee ina tangada e baa ange gi de ia e haisala donu, aagai e manuuia tangada e abodonu ange gi gilaadeu e duasala.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Isaiah 57:1

Tangada heohi gu magau, gai e deai donu dangada e anga ange aagena; dangada e haia de mee abodonu gu gaavee gee, gai e deai donu dangada e iloo. Go hiidinga tangada heohi ne gaavee gee e hagaola mai ai ia i de baubau.

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Hosea 1:6

Gai Gomer ne hai dama ange hogi ga haanau dahi damaa hine. Gai Tagi Maolunga ga hai ange gi Hosea, “Hagaagahi ange dono ingoo go Lo-Ruhamah, go hiidinga au e dee lodo aloha ange naa donu gi dangada o Israel, aabe e degi ange gi gilaadeu.

Hosea 2:1

Hai ange gi oodou daina daane, “Goodou go ogu dangada,” gai hai ange gi oodou daina haahine, “Goodou gu kave de lodo aloha.”

Hosea 2:23

gai au e doo naa ia e hai ai dagu manu i de henua. Au e lodo aloha ange naa gi Lo-Ruhamah, gai au e hai ange naa gi Lo-Ammi, ‘Goodou go ogu dangada’; gai ia e hai mai naa gi de au, ‘Go koe dogu Maadua.’ ”

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Mark 11:25

Gai de masavaa naa huu oodou e tuu ai ga dalodalo, gai goodou degi ange gi mee a dahi dangada gu haisala adu ai gi goodou, gai doodou Damana i de langi laa e degi adu naa hogi gi oodou haisala. [

Luke 6:35

Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau.

Romans 11:30

I mua gai goodou e dee hagallongo ange gi de Maadua, gai iainei goodou gu kave dono abodonu i hiidinga tee hagallongo i muna o de gau Ssuu;

1 Corinthians 7:25

Gai dagodo o de bua moe tigi hai bodu laa, au e dee maua i de tala adu dahi muna mai i daho Tagi Maolunga, aagai au e tala adu dagu maanadu, au se dangada niiodou e maua i de hagadonu, i de abodonu o Tagi Maolunga.

2 Corinthians 4:1

Deenei ai, gimaadeu e dee baageaa omaadeu lodo, i demaadeu hai tuuhanga hegau nei i de abodonu o de Maadua.

Ephesians 4:32

Gai goodou gi hagadau abodonu ma de hagadau aaloha, ma de hagadau degi ange gi haisala i oodou magavaa, bei de hai a de Maadua ne degi adu ai laa gi goodou i daho Klisdo.

Colossians 3:12

Deenei ai, goodou dangada a de Maadua gu hili e hai ai ono dangada, goodou e dabu ma de hagamogomogo, goodou gi hai hegau i de lodo aloha, ma de abodonu, ma de lodo maolalo, ma de daudonu, ma de golomagi lodo.

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

1 Timothy 1:16

Gai deenei de hiidinga aagu gu kave ai tegi nei, e hagaago mai ai i ogu daha de kona de golomagi lodo o Klisdo Iesu, gai de mee nei ne hagaago ange gi gilaadeu gu dai hagadonusia ia, gai gilaadeu ga kave ai de mouli e dee ngado mai, gai go au hugadoo e haisala i dangada.

Hebrews 4:16

Deenei ai, gidaadeu gi lo taane i de loomai e hagapaa ange gi de nohoanga o de abodonu laa, gi maua ai e gidaadeu i de kave de abodonu ma tegi e bale mai ai gidaadeu i de masavaa odaadeu e duasala ai.

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

1 Peter 2:10

I mua gai goodou e dee se huaahenua, aagai iainei goodou go de huaahenua o de Maadua; i mua gai goodou tee kave tegi o de Maadua, aagai iainei goodou gu kave hogi dono degi.