Matthew 5:6 - De Beebaa Dabu

⁶ E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Matthew 5:6 Iomraidhean Croise

Psalm 107:9

Ia e hagaunu gi boobosu gilaadeu e hieunu, gai e haangai gi boobosu gilaadeu e hiikai i mee danuaa.

Psalm 145:19

Ia e gaavange naa gi gilaadeu e maatagu i de ia olaadeu mee e llodo ai; ia e hagallongo alaadeu dangidangi ma de hagaola gilaadeu.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Psalm 63:5

Au e bosu naa i de gai mee moomuna; au e daahili naa ga hagadegi goe.

Psalm 65:4

E manuuia gilaadeu aau e hili ga gaamai, gi noho i lo te buibui o doo hale! Gimaadeu e duadonu naa i mee danuaa i doo hale, go doo temple dabu.

Psalm 84:2

Au e hinangalosaa aama de lodo mmao e tilo de buibui o de hale o Tagi Maolunga; ogu lodo ma dogu ngudu e daahili i de malangilangi ange gi de Maadua e mouli laa.

Proverbs 10:24

De mee o tangada baubau e madagu ai laa, e duu ange naa donu gi de ia, aagai de mee o tangada heohi e lodo ai e gaavange naa donu gi de ia.

Proverbs 21:21

Tangada e hai hegau laa i de mee heohi ma de abodonu, e gidee naa e ia de mouli, ma de heohi aama de hagadubu.

Song of Songs 5:1

Dogu daina hahine, dogu hagababa, au gu humai gi dagu veelenga, au gu hagabudu agu myrrh ma agu mee hagamanongi. Au gu gai de mee e hhao ai hooni ma hooni iai; au gu unu agu uvaini ma agu vai uu. Luoomaadeu soa, gooluu gaimee ma de unu; luu dau soa, gooluu unu gi boobosu!

Isaiah 25:6

Gai Tagi o denga hagabuulinga hebagi e hagadabena naa i honga de mounga nei dahi daonga i gai mammami ange gi denga huaadangada alodahi, se daonga e hai i uvaini gu doange i ngadau lagolago — ma giidagi moomuna ma uvaini danuaa hugadoo.

Isaiah 41:17

De gau hagaau aloha ma gilaadeu e duasala e sala vai unu, aagai gu deai donu vai; olaadeu hakii gu mmasa gee naa i delaadeu hieunu. Aagai au, Tagi Maolunga, e basa ange naa gi alaadeu dalodalo, go au, de Maadua o Israel, au e dee tili donu gilaadeu.

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Isaiah 65:13

Deenei ai, e hagadaba de Ia Aamua go Iahweh, “Tilo, ogu dangada hai hegau e gaimee naa ga boobosu, aagai goodou e hiikai; ogu dangada hai hegau e unu naa ga boobosu, aagai goodou e hieunu, ogu dangada hai hegau e malangilangi naa, aagai goodou e hagadookaa ina naa.

Isaiah 66:11

Goodou e bei naa dagodo o de gaagaa gu haau ma gu bosu ma de hagaaneane i de gaanuunu o dono dinana; goodou e unuunu naa ga boobosu ma de malangilangi i mee lagolago o aduhale laa.”

Jeremiah 31:25

Gai au e hai naa gi mmabu gilaadeu e daalea, ma de haangai gilaadeu gu deai olaadeu mahi.”

Luke 1:53

Ia gu haangai gilaadeu e hiikai i mee danuaa, gai gu hai gi ngadi hulo gilaadeu e lava teai alaadeu mee.

Luke 6:21

E manuuia goodou e hiikai iainei; goodou e hai naa ga boobosu! E manuuia goodou e tangi iainei; goodou e kada naa!

Luke 6:25

E vakaa naa goodou e boobosu iainei; goodou e hiikai naa! E vakaa naa goodou e kada iainei; goodou e hinangalosaa naa ma de tangi!

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

John 7:37

Gai de laangi hagaodi o taonga, go de laangi maolunga hugadoo, gai Iesu ne duu age ga oo ga hagadaba, “Be goai e hieunu, gai ia gi humai gi unu i ogu daha.

Revelation 7:16

Gai gilaadeu e dee hiikai ange naa donu, aabe e hieunu, gai de laa e dee maua naa donu i de hagammae gilaadeu, aabe go de dudu gilaadeu.