Matthew 5:44 - De Beebaa Dabu

⁴⁴ Aagai au e hai adu gi goodou, aaloha ange gi oodou hagadaumee, gai dalodalo i gilaadeu e vaivai haia goodou,

Matthew 5:44 Iomraidhean Croise

2 Kings 6:22

Gai Elisha ga hai ange, “Koe e dee daa donu gilaadeu gi maakau. E aha, koe e daa laa gi maakau dangada aau gu hagadee kii i de gadilaasa ma dau mee hholu? Gaavange hanu gai ma vai e gaimee ai gilaadeu, muli mai gai koe ga dugu gilaadeu gi aahe gi daho delaadeu dangada aamua.”

Psalm 7:4

noo au gu hai ange de baubau gi tangada e noho baba laa madali au, aabe au gu gaiaa mee a dogu hagadaumee i teai hiidinga,

Proverbs 19:11

Tangada maanetonu e dee moolau de lili, gai ia e hagadubulia i dono dee anga ange gi de haisala ange o dahi gi de ia.

Luke 23:34

Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

John 13:34

Au e gaavadu gi goodou dahi hainga hoou: goodou hagadau aaloha. Goodou hagadau aaloha bei dogu hai ne aloha adu ai gi goodou.

Acts 16:28

Gai Paul ne basa ange gi de ia i de leo laumalie, ga hai ange, “Aude hagalagohia ina goe! Go hiidinga gimaadeu alodahi e nnoho i kinei!”

Acts 7:60

Gai Stephen ga duuduli ga basa i de leo mmahi ga hagadaba, “Tagi Maolunga, koe gi dee dau ina ange sala nei gi gilaadeu.” Gai ga lava huu i dana tala muna nei, gai ia gu magau.

Romans 12:14

Hagamanuuia ina gilaadeu e vaivai haia goodou; goodou hagamanuuia ina dangada, e dee hagamalaia gilaadeu.

1 Thessalonians 5:15

Goodou dagidiiloo gi dee suuia ange e goodou de baubau i de baubau, aagai gi dee helui doodou hagadau hai tanuaa i oodou magavaa, aama ange hogi gi dangada alodahi.

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

1 Samuel 24:17

Gai ia ga hai ange gi David, “Koe e danuaa ange i de au; go hiidinga koe ne hai mai tanuaa gi de au, aagai au ne hai adu de baubau gi de goe.