Matthew 5:43 - De Beebaa Dabu

⁴³ “Goodou gu langona bolo gu tala e hai ange, ‘Aloha i tangada e baa adu gi de goe, gai kino i doo hagadaumee.’

Matthew 5:43 Iomraidhean Croise

Psalm 41:10

Aagai koe, Tagi Maolunga, abodonu mai gi de au, hagahidi ina age au, gai au ga sui ange alaadeu mee ne hai.

Leviticus 19:18

Aude suuia ange de baubau, aabe e golo age doo lili i dahi oo dangada, aagai koe aloha i tangada e baa adu gi de goe, bei doo aloha donu i de goe. Go au go Iahweh.

Matthew 19:19

hagadubu ina doo damana ma doo dinana, gai koe gi aloha i tangada e baa adu gi de goe bei doo aloha donu i de goe.”

Matthew 5:21

“Goodou gu langona bolo gu tala ange gi de gau madagidagi, ‘Aude daia tangada gi magau; aagai be goai e daia tangada ga magau e hagamodu donu ono muna.’

Matthew 5:27

“Goodou gu langona bolo gu tala e hai ange, ‘Aude dagodo haisala.’

Deuteronomy 23:3

E deai donu se dangada Ammon be se dangada Moab e maua i de dau madali de hagabuulingaa dangada o Tagi Maolunga, ga dae ai loo gi de madaangahulu atangada.

Deuteronomy 23:6

Goodou e dee hai dahi hagatoo donu hagaheloongoi e bale ange ai gilaadeu i taulooloa oodou mouli.

Deuteronomy 25:17

Manadua hegau a de gau Amalek ne hai adu gi goodou, i doodou masavaa ne loomai ai i Egypt.

James 2:8

Noo goodou e hagasula de hainga o de nohoanga hodooligi o de Maadua, bei de hai gu sisi ai laa i de Beebaa Dabu, “Koe gi aloha i tangada e baa adu gi de goe bei doo aloha donu i de goe,” gai gu danuaa.

1 John 4:21

Gai ia ne tala mai gi gimaadeu de muna nei: tangada e aloha i de Maadua e aloha hogi i dono daina.