Matthew 5:34 - De Beebaa Dabu

³⁴ Aagai au e hai adu gi goodou, goodou e dee hai donu dahi hagatoo donu soe; e dee hilihili be e hai i de langi, i hiidinga go de mommee iai de nohoanga o de Maadua;

Matthew 5:34 Iomraidhean Croise

Psalm 11:4

Tagi Maolunga e noho i lo tono temple dabu; Tagi Maolunga e noho i honga dono nohoanga i de langi. Luoono mada e daumada; luoono mada e hagatale dagodo hegau a dangada.

Ecclesiastes 9:2

Gai de hagaodi o dangada alodahi se dagodo daudahi — tangada heohi ma tangada baubau, tangada danuaa ma tangada dee heohi, tangada gilimalali ma tangada e dee gilimalali ono lodo, tangada e haia sigidaumaha ma tangada e dee haia sigidaumaha. Mee e hai ange gi tangada danuaa, e hai ange hogi gi tangada haisala; gai gilaadeu e haia hagatoo donu e bei hogi gilaadeu e dee hagatoo donu.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Acts 7:49

‘De langi go dogu nohoanga, gai henua i lalo go de mommee e dugu ange aagena luoogu vae. Gai se hale bee hee oodou e hagaduu e noho ai au? go Tagi Maolunga e hagadaba, aabe go hee iai dogu mommee e hagamabu ai?

James 5:12

Denga daina, deenei hugadoo de mee hagamogomogo, goodou gi dee haia hanu hagatoo donu soe — i de langi aabe go henua i lalo, aabe go dahi mee ange. Gai goodou hai ange donu huu “Uaa” aabe “Deai,” gi dee tuu ange ai goodou gi de hagaduasala.